کورنگی میں تیز رفتارگاڑی کی ٹکر سے موٹرسائیکل سوار جاں بحق‘خاتون زخمی
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر کے مختلف علاقوں میں حادثات و واقعات کے دوران6 افراد جاں بحق ہوگئے، دیگر واقعات میں خاتون سمیت 6افراد زخمی ہوئے۔ تفصیلات کے مطابق زمان ٹائون تھانے کے علاقے کورنگی ڈھائی نمبرکوسٹ گارڈ چورنگی کے قریب تیز رفتار گاڑی کی ٹکرسے موٹر سائیکل سوار شخص جاں بحق جبکہ خاتون شدید زخمی ہوگئی جنہیں فوری طور پر جناح اسپتال منتقل کیا گیا، حادثے میں جاں بحق شخص کی شناخت 45 سالہ سعید اللہ اور زخمی خاتون کی شناخت 40 سالہ رحیمہ کے نام سے کی گئی۔ حادثے میں جاں بحق شخص اور زخمی خاتون میاں بیوی ہیں اور کوسٹ گارڈ چورنگی کے رہائشی ہیں۔ حادثہ سندھ سالٹ ویسٹ مینجمنٹ کی گاڑی کی ٹکر کے باعث پیش آیا، حادثے میں گاڑی اور ڈرائیور موقع سے فرار ہو گئے، پولیس نے قانونی کارروائی کے بعد متوفی کی لاش ورثا کے حوالے کردی۔ ادھر ملیر میں میمن گوٹھ روڈ پر حادثے میں ایک شخص شاہ نواز جاںبحق ہوگیا جبکہ شدید زخمی کی شناخت شاہ نور کے نام سے ہوئی۔ لاش اور زخمی کو ہسپتال منتقل کردیا گیا ہے، دونوں شہری دُر محمد گوٹھ ملیر کے رہائشی ہیں، واقعے کے بعد علاقہ مکینوں نے میمن گوٹھ روڈ کو بند کرکے احتجاج بھی کیا جبکہ اسٹیل ٹائون تھانے کی حدود گلشن حدید فیزون الجنت شادی ہال کے قریب ٹریفک حادثے میں 35سالہ شخص جاں بحق ہوگیا جس کی لاش جناح اسپتال منتقل کردی گئی۔ متوفی کی تا حال شناخت نہ ہوسکی۔ متوفی کے پاس سے ایسی کوئی چیزبرآمد نہیں ہو ئی جس کی مدد سے اس کی شناخت ممکن ہوسکے۔ اسی طرح کورنگی گودام چورنگی لائسنس برانچ کے قریب ٹرک کی ٹکر سے موٹر سائیکل سوار 45سالہ حسین بخش ولد محرم علی جاں بحق ہوگیا ۔جاں بحق ہونے والے شخص کی لاش کو جناح ہسپتال منتقل کیا گیا ۔ اورنگی ٹاؤن تھانے کی حدود اورنگی ٹاون سیکٹر 1D شیشہ چوک اعوان ہسپتال کے قریب گھر سے پھندا لگی45سالہ محمد عارف ولد رفیع الدین کی پھندا لگی لاش ملی ،متوفی کی لاش کو عباسی شہید اسپتال منتقل کر دیا گیا ۔ کاٹھور لنک روڈ تھانہ میمن گوٹھ کی حدود سے لاش ملی وجہ موت نامعلوم جسے ایدھی ایمبولینس کے ذریعے ایدھی سہراب گوٹھ سرد خانے منتقل کیا جا رہا ہے ۔
ذریعہ
ذریعہ: Jasarat News
کلیدی لفظ: کی شناخت کے قریب کی لاش
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار