پڈعیدن،گھریلو تنازع پر شوہرکے ہاتھوں بیوی قتل ،ملزم فرار
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
250924-11-8
پڈعیدن( نمائندہ جسارت)مورو میں افسوسناک واقعہ شوہر نے بیوی کو مبینہ کلہاڑیوں کے پے درپے وار کرکے قتل کردیا،ملزم فرار،ضروری کاروائی کے بعد لاش ورثا کے حوالے،گھر میں کہرام۔ تفصیلات کے مطابق مورو گچہیرو روڈ پر گھریلو تنازع پر شوہر غلام شبیر نے اپنی بیوی 45 سالہ پروین کو کلہاڑیوں کے پے درپے وار کرکے قتل کردیا اور موقع سے فرار ہو گیا۔ اطلاع پر پولیس نے پہنچ کر لاش کو اسپتال منتقل کردیا اور ضروری کارروائی کے بعد لاش ورثا کے حوالے کردی ۔بتایا جاتا ہے کہ مقتولہ کا تعلق سہون سے ہے اور وہ تقریباً ایک سال قبل مورو کے گچھیرو روڈ پر کرائے کے مکان میں مقیم ہوئے تھے۔ مقتولہ پروین نے اس سے قبل اپنے پہلے شوہر سے طلاق لے لی تھی۔واقعے کے بعد علاقہ میں خوف کی فضاچھاگئی۔ پولیس کے مطابق واقعے کی تفتیش شروع کردی گئی ہے۔
ذریعہ: Jasarat News
پڑھیں:
دبئی میٹنگ میں ایشیا کپ ٹرافی تنازع زیرِبحث، آئی سی سی نے مدد کی پیشکش کردی
data-id="863a0a8" data-element_type="widget" data-widget_type="theme-post-content.default">
دبئی: ایشیا کپ ٹرافی کے تنازع نے کرکٹ حلقوں میں کئی سوالات کھڑے کر دیے ہیں، تاہم اب اس معاملے میں انٹرنیشنل کرکٹ کونسل (آئی سی سی) بھی کردار ادا کرنے کے لیے تیار ہو گئی ہے۔
خبر رساں اداروں کے مطابق دبئی میں گزشتہ روز ہونے والی بورڈ میٹنگ کے دوران وقفے میں رکن ممالک کے نمائندوں کے درمیان اس موضوع پر غیر رسمی گفتگو ہوئی، جس میں آئی سی سی نے تنازع کے حل میں مدد کی پیشکش کر دی۔
ذرائع کے مطابق یہ معاملہ میٹنگ کے باضابطہ ایجنڈے کا حصہ نہیں تھا، تاہم سائیڈ لائنز پر موجود متعدد رکن ممالک نے اس پر تشویش کا اظہار کرتے ہوئے کہا کہ ایشیا کپ ٹرافی کا تنازع خوش اسلوبی سے ختم ہونا چاہیے۔
اس موقع پر ایشین کرکٹ کونسل (اے سی سی) کے صدر محسن نقوی نے بھی اس بات پر آمادگی ظاہر کی کہ اگر تمام فریقین تعاون کریں تو معاملے کو بغیر کسی تنازع کے حل کیا جا سکتا ہے۔
محسن نقوی کا کہنا تھا کہ ایشیا کپ خطے کے کروڑوں شائقین کے لیے ایک علامتی ایونٹ ہے اور اس کے وقار کو برقرار رکھنے کے لیے ضروری ہے کہ ٹرافی جیسے مسئلے کو سیاسی یا ذاتی اختلافات سے بالاتر ہو کر حل کیا جائے۔ انہوں نے کہا کہ ہم چاہتے ہیں کہ ایشیائی ممالک کے درمیان کرکٹ کا رشتہ مزید مضبوط ہو اور ایسے تنازعات کھیل کی روح کو متاثر نہ کریں۔
ذرائع کا مزید کہنا ہے کہ اگرچہ آئی سی سی نے باضابطہ طور پر کوئی کمیٹی تشکیل نہیں دی، تاہم تنظیم نے پیشکش کی ہے کہ اگر رکن ممالک متفق ہوں تو وہ ثالثی یا مشاورت کا کردار ادا کر سکتی ہے۔ فی الحال یہ فیصلہ نہیں ہوا کہ معاملے کو کس طریقہ کار کے تحت آگے بڑھایا جائے گا، تاہم یہ پیشرفت اس بات کا عندیہ دیتی ہے کہ آئی سی سی پہلی بار ایشین کرکٹ کے اندرونی تنازع میں مداخلت کے لیے آمادہ ہے۔
حماس نے مزید 3 لاشیں اسرائیل کو واپس کردیں، غزہ پر بمباری سے ایک فلسطینی شہید