امریکی صدر دنیا میں امن قائم کرنا چاہتے ہیں، پاکستان، بھارت جنگ بند کرانے پر شکریہ: وزیراعظم
اشاعت کی تاریخ: 24th, September 2025 GMT
اسلام آباد+ نیویارک (خبر نگار خصوصی+ نوائے وقت رپورٹ) وزیراعظم محمد شہباز شریف نے کہا ہے کہ امریکی صدر ڈونلڈ ٹرمپ امن کے داعی ہیں۔ پاکستان بھارت جنگ بندی میں صدر ٹرمپ اور ان کی ٹیم کا اہم کردار ہے۔ نیویارک میں میڈیا سے گفتگو کرتے ہوئے وزیراعظم شہبازشریف نے کہا کہ صدر ڈونلڈ ٹرمپ دنیا بھر میں امن قائم کرنا چاہتے ہیں۔ صدر ٹرمپ نے جنرل اسمبلی اجلاس سے خطاب میں بھی امن کے لیے کوششوں کا ذکر کیا۔ انہوں نے کہا کہ پاکستان بھارت جنگ بندی میں صدر ٹرمپ اور ان کی ٹیم کا اہم کردار ہے، انہوں نے جنگ بند کرانے میں کلیدی کردار ادا کیا۔ دل کی گہرائیوں سے شکریہ ادا کرتے ہیں۔ وزیراعظم محمد شہباز شریف اور جمہوریہ آسٹریا کے وفاقی چانسلر کرسٹین سٹاکر نے دوطرفہ تجارتی تعلقات کے فروغ کی ضرورت پر زور دیتے ہوئے سیاحت کے شعبے میں تعاون کے فروغ کے لیے وفود کی سطح پر رابطے بڑھانے پر اتفاق کیا ہے۔ وزیراعظم آفس کے میڈیا ونگ سے جاری بیان کے مطابق اقوام متحدہ کی جنرل اسمبلی کے 80ویں اجلاس کے موقع پر وزیراعظم محمد شہباز شریف اور جمہوریہ آسٹریا کے وفاقی چانسلر کرسٹین سٹاکر کی ملاقات ہوئی۔ ملاقات کے دوران وزیراعظم نے پاکستان کی طرف سے آسٹریا کے ساتھ باہمی دلچسپی کے تمام شعبوں میں دوطرفہ تعاون کو مزید بڑھانے کی خواہش کا اظہار کیا۔ انہوں نے تجارت، سیاحت، موسمیاتی تبدیلی اور تعلیم کو دونوں ممالک کے مابین مثبت تعاون کے ممکنہ امکانات کے طور پر اجاگر کیا اور دوطرفہ تجارتی تعلقات کے فروغ کی ضرورت پر زور دیا۔ آسٹریا کے چانسلر نے ملاقات پر وزیراعظم کا شکریہ ادا کیا اور دونوں ممالک کے درمیان تعاون کی نئی راہیں تلاش کرنے کے لیے مل کر کام کرنے کی خواہش کا اظہار کیا۔ دونوں رہنمائوں نے پاکستان اور آسٹریا کے درمیان سیاحت کے شعبے میں تعاون بڑھانے کے لیے وفود کے تبادلے پر بھی اتفاق کیا۔ وزیراعظم محمد شہباز شریف نے سعودی عرب کے ساتھ دیرپا شراکت داری کو مزید مستحکم بنانے کے پاکستان کے عزم کا اعادہ کرتے ہوئے کہا ہے کہ پاکستان اور سعودی عرب کے مابین دین اسلام، تاریخ، بھائی چارے اور اعتماد کی بنیاد پر استوار تعلقات ہمیشہ قائم و دائم رہیں گے۔ سعودی عرب کے قومی دن کی مناسبت سے پاکستان ٹیلی ویژن پر عربی زبان میں اپنے پیغام میں وزیر اعظم محمد شہباز شریف نے کہا کہ پاکستان کے عوام اور حکومت کی جانب سے وہ خادم الحرمین الشریفین شاہ سلمان بن عبدالعزیز آل سعود، ولی عہد و وزیراعظم شہزادہ محمد بن سلمان بن عبد العزیز آل سعود اور اپنے عزیز سعودی بھائیوں اور بہنوں کو سعودی عرب کے قومی دن کے موقع پر نہایت گرم جوشی کے ساتھ مبارکباد پیش کرتے ہیں ۔ انہوں نے دعا کی کہ اللہ تعالی مملکت سعودی عرب کو ہمیشہ ترقی اور عظمت سے نوازے۔ ہم سعودی بھائیوں‘ بہنوں کے ساتھ ملکر سعودی عرب کے عظیم الشان ترقی کے سفر پر فخر کرتے ہیں۔ وزیراعظم محمد شہباز شریف جو اس وقت اقوام متحدہ کی جنرل اسمبلی کے 80ویں اجلاس میں شرکت کے لیے نیویارک کے دورے پر ہیں، کی کویت کے ولی عہد شیخ صباح الخالد الحمد المبارک الصباح سے دوطرفہ ملاقات ہوئی۔ ملاقات کے دوران وزیراعظم نے پاکستان اور کویت کے درمیان دیرینہ، تاریخی برادرانہ تعلقات کا ذکر کیا۔ وزیرِ اعظم نے کویت کے امیر شیخ مشعل الاحمد الجابر الصباح کے لیے احترام اور نیک خواہشات کا اظہار کیا۔ وزیرِ اعظم نے کہا کہ پاکستان اور کویت ہمیشہ ایک دوسرے کے ساتھ کھڑے رہے ہیں۔ وزیراعظم نے پاکستان میں حالیہ سیلاب کے بعد کویت کے اظہار یکجہتی پر ولی عہد کا شکریہ ادا کیا۔ دونوں ممالک کے درمیان دوطرفہ تعاون کی مثبت پیش رفت پر اطمینان کا اظہار کرتے ہوئے وزیراعظم نے پاکستان کی ان تعلقات بالخصوص تجارت، سرمایہ کاری، زراعت، لائیوسٹاک، افرادی قوت کی برآمد اور صحت کے شعبوں میں تعلقات کو مزید مضبوط بنانے کی خواہش کا اظہار کیا۔ وزیراعظم نے کہا کہ پاکستان رواں برس کے آخر میں کویتی ولی عہد کی پاکستان کے سرکاری دورے پر میزبانی کا منتظر ہے، جس کی تاریخیں سفارتی ذرائع سے طے کی جا رہی ہیں۔ دونوں رہنماؤں نے مشرق وسطیٰ کی صورتحال سمیت علاقائی اور بین الاقوامی امور پر بھی تبادلہ خیال کیا۔ ولی عہد نے عالمی برادری کے سامنے فلسطینیوں پر ہونے والے مظالم کو موثر انداز میں بے نقاب کرنے کے ساتھ ساتھ خطے میں امن کے لیے اہم کردار ادا کرنے کے لیے پاکستان کی سفارتی کوششوں کو سراہا۔ دونوں رہنماؤں نے دو طرفہ اور کثیر جہتی فورمز پر قریبی تعاون کے اپنے عزم کا اعادہ کیا۔وزیراعظم شہباز شریف نے امیر قطر شیخ تمیم بن حمد الثانی‘ اردن کے فرمانروا شاہ عبداﷲ اور انڈونیشیا کے صدر کے ساتھ ملاقات اور غیر رسمی گفتگو کی ہے۔ وزیراعظم نے صدر ٹرمپ سے ملاقات سے پہلے ہونے والی ملاقات میں غزہ کی صورتحال پر تبادلہ خیال کیا۔
.ذریعہ: Nawaiwaqt
کلیدی لفظ: وزیراعظم محمد شہباز شریف وزیراعظم نے پاکستان نے کہا کہ پاکستان شہباز شریف نے کا اظہار کیا سعودی عرب کے پاکستان اور ا سٹریا کے کے درمیان انہوں نے ولی عہد کے ساتھ کویت کے کے لیے
پڑھیں:
وزیر اعظم شہباز شریف پہلی بار امریکی صدر ڈونلڈ ٹرمپ سے ملاقات کریں گے
واشنگٹن(ڈیلی پاکستان آن لائن)وزیراعظم شہباز شریف کئی مسلمان ملکوں کے سربراہوں کے ساتھ امریکی صدر ڈونلڈ ٹرمپ سے ملاقات کریں گے۔
خبر رساں ادارے 'انڈپنڈنٹ اردو، کے مطابق وائٹ ہاؤس کی پریس سیکریٹری کیرولائن لیویٹ نے کہا ہے کہ امریکی صدر ڈونلڈ ٹرمپ پاکستان سمیت کئی مسلمان ملکوں کے سربراہوں سے مشترکہ ملاقات کریں گے۔ان ملکوں میں سعودی عرب، متحدہ عرب امارات، ترکی، انڈونیشیا اور دیگر شامل ہیں ۔
اس حوالے سے پاکستان کے دفتر خارجہ نے اتوار کے روز کہا تھا کہ وزیراعظم شہباز شریف ٹرمپ کے ساتھ ملاقات میں مسلمان ممالک کے ’منتخب‘ رہنماؤں میں شامل ہوں گے۔ دفتر خارجہ نے کہا تھا کہ دونوں فریقین علاقائی اور بین الاقوامی امن و سلامتی سے متعلق امور پر تبادلۂ خیال کریں گے۔یہ پہلا موقع ہو گا کہ شہباز شریف کسی امریکی صدر سے ملاقات کریں گے۔
اللہ کا شکر ہے آج ساہیوال ڈویژن کے پہلے امراضِ قلب انسٹی ٹیوٹ نے کام شروع کر دیا
کیرولائن لیویٹ نے پیر کو ایک پریس بریفنگ کے دوران کہا کہ ’امریکی صدر قطر، سعودی عرب، انڈونیشیا، ترکی، پاکستان، مصر، متحدہ عرب امارات اور اردن کے ساتھ ایک کثیر الجہتی اجلاس بھی کریں گے۔
پاکستان کے وزیراعظم پیر کو جنرل اسمبلی کے 80ویں اجلاس میں شرکت کے لیے نیویارک پہنچے جو کہ مشرق وسطیٰ، یوکرین میں بڑھتے ہوئے تنازعات اور جنوبی ایشیا کے خطے میں بڑھتی ہوئی کشیدگی کے درمیان 23 سے 29 ستمبر تک ہو رہا ہے۔پاکستانی وزیرِ اعظم شہباز شریف 27 ستمبر کو جنرل اسمبلی سے خطاب کریں گے۔ اسی دن انڈین وزیر اعظم نریندر مودی کا بھی خطاب متوقع ہے۔پاکستان کی وزارتِ خارجہ نے ایک بیان میں بتایا کہ اقوام متحدہ کی جنرل اسمبلی کے اجلاس میں وزیراعظم شہباز شریف ’بین الاقوامی برادری سے اپیل کریں گے کہ طویل قبضے اور حقِ خود ارادیت سے محرومی کی صورت حال کو حل کیا جائے۔
سیکرٹری اطلاعات وثقافت پنجاب طاہر رضا ہمدانی کا بزنس فسیلیٹیشن سینٹر لاہور کا دورہ
اس کے علاوہ وہ بین الاقوامی برادری کی توجہ غزہ کے سنگین بحران کی جانب مبذول کرائیں گے اور فلسطینی عوام کی تکالیف کے خاتمے کے لیے فیصلہ کن اقدام پر زور دیں گے۔وزارتِ خارجہ کے مطابق وہ ’وہ خطے کی سکیورٹی کی صورت حال پر پاکستان کے نقطۂ نظر کو بھی اجاگر کریں گے، نیز دیگر بین الاقوامی مسائل پر بات کریں گے، جن میں ماحولیاتی تبدیلی، دہشت گردی، اسلاموفوبیا اور پائیدار ترقی شامل ہیں۔
مزید :
بہاولپور، علی پور اور لودھراں میں پاک فوج کی امدادی کارروائیاں