95 فیصد مرد دوسری شادی کرنا چاہتے ہیں: صائمہ قریشی
اشاعت کی تاریخ: 25th, September 2025 GMT
پاکستانی ڈرامہ انڈسٹری کی سینئر اداکارہ صائمہ قریشی کا کہنا ہے کہ 95 فیصد مرد دوسری شادی کرنا چاہتے ہیں۔
حال ہی میں سینئر اداکارہ نے ایک پوڈکاسٹ میں بطور مہمان شرکت کی، جہاں انہوں نے اپنے ماضی کے متنازع بیانات کو ایک بار پھر دہرا دیا۔
سینئر اداکارہ نے دورانِ انٹرویو ناصرف عورت کی کمائی سے متعلق اپنے بیان پر قائم رہی بلکہ مردوں کی دوسری شادی کے لیے پہلی بیوی کی اجازت لینے سے متعلق بیان کو بھی دہرا دیا۔
انہوں نے ایک سوال کا جواب دیتے ہوئے کہا کہ مردوں کو افیئرز چلانے کا شوق ہے تو ان کے لیے بہتر ہے کہ وہ کسی کی ذمہ داری لیں، کیونکہ ایک مرد کی غلط حرکت سے پوری نسل برباد ہوجاتی ہے۔
ان کا کہنا ہے کہ مردوں کو کسی کے جذبات سے کھیلتے ہوئے ڈرنا چاہیے، کل کو ان کی اپنی اولاد بھی بڑی ہوگی۔ کوئی بھی غلط یا حرام کام کرنے سے بہتر ہے دوسری شادی کرلیں۔ اس میں کسی سے ڈرنے کی ضرورت نہیں۔
ایک سوال کا جواب دیتے ہوئے انہوں نے کہا کہ 95 فیصد مرد دوسری شادی کرنا چاہتے ہیں، ایکسٹرا میریٹل افیئر کے بجائے انہیں چاہیے کہ اپنی بیوی کو اعتماد میں لے کر دوسری شادی کرلیں اگر کسی کی بیوی اس کی اجازت نہیں دیتی تو ضروری نہیں ہے کہ آپ اس سے اجازت لیں کیونکہ اسلام میں تو ایسا کچھ نہیں ہے۔
Post Views: 1.ذریعہ: Daily Mumtaz
پڑھیں:
خوفزدہ حکومت کسی سیاسی سرگرمی کی اجازت نہیں دے رہی، پی ٹی آئی بلوچستان
اپنے جاری بیان میں پی ٹی آئی رہنماء سیف اللہ کاکڑ نے کہا کہ تحریک انصاف کو سیاسی سرگرمیوں کی اجازت نہ دینا حکمرانوں کے خوف کی واضح دلیل ہے۔ اسلام ٹائمز۔ تحریک انصاف بلوچستان کے رہنماء حاجی سیف اللہ خان کاکڑ نے کہا ہے کہ پی ٹی آئی ملک کی سب سے بڑی جماعت ہے۔ حکمران اتنے خوفزدہ ہیں کہ کسی سیاسی سرگرمی کی اجازت نہیں دیتے۔ اپنے جاری بیان میں انہوں نے کہا کہ تحریک انصاف کو سیاسی سرگرمیوں کی اجازت نہ دینا حکمرانوں کے خوف کی واضح دلیل ہے۔ کوئٹہ میں تحریک انصاف کو جلسے سے روکنے کے لئے پورے صوبے کے عوام کو شدید مشکلات سے دوچار کیا گیا۔ انہوں نے کہا کہ پی ٹی آئی ملک کی سب سے بڑی سیاسی قوت اور اسے پرامن سیاسی سرگرمیوں کا پورا حق ہے، مگر حکمران اتنے خوفزدہ ہیں کہ وہ کسی سیاسی سرگرمی کی اجازت نہیں دے رہے اور جان بوجھ کر حالات کو وہاں لے جانا چاہتے ہیں جہاں سے واپسی پھر ممکن نہیں ہوگی۔ انہوں نے کہا کہ ایسے حربے تحریک انصاف کے سونامی کو کبھی نہیں روک سکتے ہیں۔
امریکی ڈرون پاکستان کی فضائی حدود سے افغانستان میں داخل ہو رہے ہیں‘ طالبان