سندھ بلڈنگ ،وسطی کے رہائشی پلاٹوں پر کمرشل تعمیرات بلا روک ٹوک جاری
اشاعت کی تاریخ: 27th, September 2025 GMT
پلاٹ نمبر ST4A6/20EBالمعروف سراج ہاؤس پر بینک کی تعمیر غیرقانونی قرار
ڈائریکٹر سید ضیاء کی خلاف ضابطہ تعمیرات منہدم کرنے کی علاقہ مکینوں کو یقین دہانی
ڈائریکٹر وسطی سید ضیاء کی ملی بھگت سے رہائشی پلاٹوں پر کمرشل تعمیرات کا سلسلہ جاری ہے۔ فیڈرل بی ایریا کے رہائشی پلاٹ نمبر ST4A6/20EB، جو "سراج ہاؤس” کے نام سے معروف ہے ، پر بغیر منظوری بینک کی تعمیر تیزی سے کی جارہی ہے۔ تفصیلات کے مطابق، گلبرگ ٹاؤن کے علاقے فیڈرل بی ایریا میں واقع مذکورہ پلاٹ پر ایک نامعلوم بینک نے بلڈنگ کے قوانین کی خلاف ورزی کرتے ہوئے تعمیراتی کام شروع کر رکھا ہے ۔ مقامی رہائشیوں کی شکایات پر ایس بی سی اے کے اہلکاروں نے موقع کا معائنہ کیا تو تعمیراتی کام غیرقانونی پایا گیا۔ جرأت سروے ٹیم سے بات کرتے ہوئے علاقہ مکینوں کا کہنا ہے ہم نے ڈائریکٹر سندھ بلڈنگ کنٹرول اتھارٹی سید ضیاء سے رابطہ کیا ہے انکا کہنا ہے کہ "فیڈرل بی ایریا ایک باقاعدہ رہائشی ایریا ہے ، یہاں کسی بھی قسم کی تجارتی تعمیر، خاص طور پر بینک جیسی عمارت کے لیے ماسٹر پلان اور بلڈنگ کوڈز کے مطابق اجازت لازمی ہے ۔ بغیر اجازت تعمیر ہونے والی یہ عمارت مکمل طور پر غیرقانونی ہے ۔انہوں نے مزید کہا کہ ہم نے متعلقہ بینک کی انتظامیہ کو ہٹانے کا نوٹس جاری کر دیا ہے اور اگر قوانین کی خلاف ورزی جاری رہی تو عمارت کو نشان زدہ (ڈینجرس ڈیکلیئر) قرار دے کر اسے منہدم کردیاجائے گا۔ ہم ایسے تمام غیرقانونی تعمیراتی کاموں کے خلاف سخت کارروائی کریں گے ۔مقامی رہائشیوں کا کہنا ہے کہ رہائشی علاقے میں بینک بننے سے ٹریفک کے مسائل میں اضافہ، شور اور سیکیورٹی کے خدشات پیدا ہوں گے ۔ علاقہ مکینوں نے وزیر بلدیات سے فوری کارروائی کا مطالبہ کیا ہے ۔واضح رہے کہ سندھ بلڈنگ کنٹرول اتھارٹی کراچی میں عمارتوں کی تعمیر کے قوانین کی نگرانی اور انفورسمنٹ کی ذمہ دار اتھارٹی ہے ۔مگر دلچسپ امر یہ ہے کہ مذکورہ پلاٹ میں تعمیراتی کام بلا روک ٹوک جاری ہے ۔
ذریعہ: Juraat
پڑھیں:
بینک صارفین ہوشیار، انتباہ جاری!
ویب ڈیسک :آج کل بینکنگ فراڈ کے بڑھتے ہوئے واقعات نے صارفین کو شدید تشویش میں مبتلا کر رکھا ہے۔ اسی تناظر میں بینکنگ محتسب نے عوام کو آگاہی دیتے ہوئے اہم انتباہ جاری کیا ہے تاکہ شہری مالی نقصان سے محفوظ رہ سکیں۔
سائبر کرائم معاشرے میں تیزی سے فروغ پا رہے ہیں، ان میں ایک بینکنگ فراڈ بھی ہے، جس کیلئے جعلساز نت نئے طریقوں سے سادہ لوح افراد کو بے وقوف بنا کر ان کی زندگی بھر کی جمع پونجی سے محروم کر دیتے ہیں۔
مسلم لیگ (ن) کے سینیٹر عرفان صدیقی انتقال کر گئے، نمازِ جنازہ آج ادا کی جائے گی
بینکنگ محتسب ایک ایسا ادارہ ہے، جہاں جعلسازوں کا شکار بینک صارفین کی شکایات کا ازالہ کیا جاتا ہے اور رواں برس اب تک ہزاروں صارفین کو ان کی ہتھیائی جانے والی رقم واپس دلا چکا ہے۔
ترجمان بینکنگ محتسب کے مطابق رواں برس میں جنوری سے اکتوبر تک 10 ماہ کے دوران 28 ہزار 704 بینک صارفین کی شکایات کا ازالہ کرتے ہوئے انہیں مجموعی طور پر ایک ارب 46 کروڑ روپے کی رقم واپس دلوائی گئی ہے۔
ٹک ٹاک ویڈیو بنانے کے شوق نے 12 سالہ طالب علم کی جان لے لی
ترجمان کے جاری بیان میں بینک صارفین کے لیے ضروری انتباہ بھی جاری کیا گیا ہے، جس میں ان سے واضح طور پر کہا گیا ہے کہ وہ اپنی ذاتی اور مالی معلومات کسی بھی تیسرے شخص پر قطعاً ظاہر نہ کریں اور موبائل فون پر نا قابل اعتماد اور غیر مستند ذریعہ سے موصول لنک کو ہرگز کلک نہ کریں۔
بینکنگ محتسب ترجمان نے مزید کہا کہ مشکوک کالز کے موصول ہونے کی صورت میں فوری طور پر اپنے بینک سے رابطہ کریں اور اس طرح کے مشکوک فون نمبرز کی اطلاع نیشنل سائبر کرائم انویسٹی گیشن ایجنسی کو بھی دیں۔
ٹک ٹاکر علینہ عامر کا بابر اعظم کو شادی سے متعلق مشورہ
نوشہرو فیروز،سڑک حادثے میں 2 افراد جاں بحق، 2 زخمی