سروائیکل کینسر ویکسی نیشن مہم مشکلات کا شکار، والدین کا انکار
اشاعت کی تاریخ: 27th, September 2025 GMT
ملک میں پہلی بار شروع کی گئی سروائیکل کینسر (HPV) و یکسی نیشن مہم کو والدین کی جانب سے شدید مزاحمت کا سامنا ہے، جس کے باعث حکومت کو مہم کے دوران سخت مشکلات کا سامنا کرنا پڑا۔
ذرائع کے مطابق 15 سے 27 ستمبر تک جاری رہنے والی اس مہم کا ہدف 1 کروڑ 17 لاکھ سے زائد بچیوں کو ویکسین لگانا تھا، تاہم مہم کے ابتدائی 9 دنوں میں ہی تقریباً 30 لاکھ والدین نے ویکسین لگوانے سے انکار کر دیا۔
اعداد و شمار کے مطابق انکار کے سب سے زیادہ کیسز پنجاب سے سامنے آئے، جہاں21 لاکھ 95 ہزار سے زائد والدین نے ویکسین سے انکار کیا۔
سندھ میں 6 لاکھ 59 ہزار، آزاد کشمیر میں 1 لاکھ 27 ہزار اوراسلام آباد میں 58 ہزار سے زائد والدین نے اپنی بچیوں کو ویکسین لگوانے سے روک دیا۔
ذرائع کا کہنا ہے کہ اس انکار کی بڑی وجہ غلط معلومات، سوشل میڈیا پر پھیلایا گیا جھوٹا پروپیگنڈا اور ویکسین سے متعلق پائے جانے والے غلط فہمیاں ہیں، جس نے مہم کی کامیابی کو متاثر کیا۔
ماہرین صحت کے مطابق سروائیکل کینسر سے بچاؤ کے لیے HPV ویکسین عالمی سطح پر تسلیم شدہ اور محفوظ ہے، جو لڑکیوں کو ایک مہلک بیماری سے بچانے کا اہم ذریعہ ہے۔ تاہم، معاشرتی آگاہی کی کمی اس مہم کی راہ میں سب سے بڑی رکاوٹ بن گئی۔
ذریعہ: Daily Mumtaz
پڑھیں:
3 ارب ڈالر سے زائدکرپشن،میئر استنبول کو 2 ہزار سال قید کی سزا کی درخواست
استنبول(نیوزڈیسک) ترک استغاثہ نے میئر اکرم امام اوغلو کے خلاف بدعنوانی مقدمات میں 2 ہزار سال سے زائد قید کی سزا کی درخواست کر دی۔
ترکیہ کے سب سے بڑے شہر استنبول کے میئر اکرم امام اوغلو کے خلاف بدعنوانی مقدمات کی سماعت کے دوران چیف پراسیکیوٹر نے401 افراد کے خلاف بدعنوانی نیٹ ورک میں ملوث ہونے کی فرد جرم پیش کی۔
خبر ایجنسی کے مطابق ملزمان پر ریاست کو 3 ارب ڈالر سے زائد کا نقصان پہنچانے کا الزام ہے، اکرم اوغلو بدعنوانی مقدمات میں مارچ سے جیل میں قید ہیں۔
اکرم اوغلو اور ری پبلکن پیپلز پارٹی نے تمام الزامات سے انکار کیا ہے۔
ڈونلڈ ٹرمپ کا امریکہ میں ایٹمی تجربات کے فوری آغاز کا اعلان