مودی کی ایشیا کپ میں فتح کو ’آپریشن سندور‘ سے تشبیہ، ’بھارت ذلت آمیز شکست کبھی نہیں بھول سکتا‘
اشاعت کی تاریخ: 29th, September 2025 GMT
ایشیا کپ 2025 کی فائنل تقریب اس وقت متنازعہ بن گئی جب بھارتی کرکٹ ٹیم اختتامی تقریب میں ٹرافی کے بغیر گراؤنڈ سے رخصت ہوئی۔ سوشل میڈیا پر صارفین نے اس رویے کو کھیل کے آداب کے منافی قرار دیتے ہوئے شدید تنقید کا نشانہ بنایا۔
معاملہ اس وقت مزید شدت اختیار کر گیا جب بھارتی وزیراعظم نریندر مودی نے ٹیم کی فتح پر مبارکباد دیتے ہوئے اپنی ٹوئٹ میں اس کامیابی کو بھارتی فوجی کارروائی ’آپریشن سندور‘ سے تشبیہ دے دی۔
نریندر مودی نےانڈین ٹیم کو مبارکباد دیتے ہوئے لکھا کہ کھیل کے میدان میں آپریشن سندور۔ یہاں بھی نتیجہ ویسا ہی رہا، انڈیا جیت گیا، ہمارے کرکٹرز کو مبارک ہو۔
#OperationSindoor on the games field.
Outcome is the same – India wins!
Congrats to our cricketers.
— Narendra Modi (@narendramodi) September 28, 2025
بھارتی صارفین اس ٹوئٹ کے بعد مودی پر پھٹ پڑے اور کہا کہ آپریشن سندور میں ہمارے فوجیوں نے اپنی جانیں قربان کیں اور یہ ٹوئٹ ان کا مذاق اڑانے کے مترادف ہے۔ ایک بھارتی صارف نے کہا کہ کرکٹ کی جیت کو آپریشن سندور سے تشبیہ دینا، جہاں ہمارے فوجیوں نے اپنی جانوں کا نذرانہ دیا، انتہائی غلط ہے۔
صارف نے مزید کہا کہ یہ فوجیوں کی عظیم قربانی کو ایک سیاسی نعرے تک محدود کرنا ہے، ساتھ ہی انہوں نے مودی سے مطالبہ کیا کہ اس ٹوئٹ کو ڈیلیٹ کیا جائے۔
Equating a cricket win with #OperationSindoor, where our soldiers laid down their lives, is deeply disrespectful. This isn’t just insensitivity, it’s reducing supreme sacrifice of soldiers to a political slogan.
You can do better – Please delete this.
— Ashish Gupta (@AshishGupta325) September 28, 2025
ایک صارف کا کہنا تھا کہ یہ ٹوئٹ دیکھنے کے بعد مجھے چیک کرنا پڑا کہ یہ اصل اکاؤنٹ ہے یا پیروڈی اکاؤنٹ۔
Iske baad mujhe check karna pada account parody hai ya original https://t.co/I63ZduUKad
— Akhilesh Tripathi (@AkhilTripathiK) September 29, 2025
ویوان نامی صارف نے لکھا کہ اگر ہم ہار جاتے، تو کیا اس کا مطلب ہے کہ ہم آپریشن ہار گئے؟ مودی نے کتنی بے حس اور بے معنی بات ہے۔
If we had lost, does this mean we lost the operation!?!?
What a stupid tone deaf thing to say! https://t.co/xgZ4d67FI2
— vivan zaydan (@adi_01x) September 29, 2025
جہاں ایک طرف بھارتی صارفین مودی کو تنقید کا نشانہ بناتے نظر آئے وہیں پاکستانی صارفین نے بھی مودی کو آپریشن سندور میں ناکامی یاد دلائی۔
پاکستانی وزیر داخلہ محسن نقوی نے لکھا کہ اگر جنگ ہی آپ کے فخر کا پیمانہ ہے تو تاریخ پہلے ہی پاکستان کے ہاتھوں آپ کی ذلت آمیز شکستوں کو محفوظ کر چکی ہے۔ کوئی کرکٹ میچ اس سچ کو بدل نہیں سکتا۔ کھیل میں جنگ کو گھسیٹنا صرف آپ کی مایوسی کو ظاہر کرتا ہے اور کھیل کی اصل روح کی توہین ہے۔
If war was your measure of pride, history already records your humiliating defeats at Pakistan’s hands. No cricket match can rewrite that truth. Dragging war into sport only exposes desperation and disgraces the very spirit of the game https://t.co/lqiUATm3wX
— Mohsin Naqvi (@MohsinnaqviC42) September 29, 2025
بلال غوری نے کہا کہ یہی تو مسئلہ ہے ،آپ جنگ کو کھیل سمجھتے ہیں اور کھیل کو جنگ کا میدان بنا دیتے ہیں۔ آپریشن سندور میں بھارت کو جتنی عبرتناک شکست کا سامنا کرنا پڑا اس کی خفت ایک کرکٹ میچ جیت کر نہیں مٹائی جاسکتی۔
یہی تو مسئلہ ہے ،آپ جنگ کو کھیل سمجھتے ہیں اور کھیل کو جنگ کا میدان بنا دیتے ہیں۔ آپریشن سندور میں بھارت کو جتنی عبرتناک شکست کا سامنا کرنا پڑا اس کی خفت ایک کرکٹ میچ جیت کر نہیں مٹائی جاسکتی https://t.co/SBlGIGaXrO
— Bilal Ghauri (@mbilalghauri) September 28, 2025
عمران ریاض خان نے مودی کو مخاطب کرتے ہوئے لکھا کہ آپ کی کرکٹ ٹیم اچھی ہے لیکن آپ کی فوج اچھی نہیں ہے۔
Your team is good but your military is not… https://t.co/JrV8LPlL5z
— Imran Riaz Khan (@ImranRiazKhan) September 29, 2025
اذان اسلم نے مودی کی ٹوئٹ پر تبصرہ کرتے ہوئے کہا کہ یہ ذلت آمیز شکست کبھی نہیں بھول سکتے۔
clown ???? clown ???? clown ????
they cannot forget that humiliating defeat. https://t.co/OeqPTdJojF
— Mian Azan Aslam (@MianAzanAslam_) September 29, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آپریشن سندور انڈین کرکٹ ٹیم ایشیا کپ پاکستان بمقابلہ بھارت محسن نقوی مودی نریندر مودی
ذریعہ
ذریعہ: WE News
کلیدی لفظ: انڈین کرکٹ ٹیم ایشیا کپ پاکستان بمقابلہ بھارت محسن نقوی لکھا کہ کہا کہ
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ