ہیری پوٹر کی مصنفہ کا ایما واٹسن اور ڈینیئل ریڈکلف سے تنازعہ شدت اختیار کرگیا
اشاعت کی تاریخ: 30th, September 2025 GMT
ہیری پوٹر سیریز کی مصنفہ جے کے رولنگ نے اپنی فلموں کے مرکزی اداکاروں ایما واٹسن اور ڈینیئل ریڈکلف کے خلاف سخت موقف اختیار کرتے ہوئے کہا ہے کہ وہ انہیں کبھی معاف نہیں کریں گی۔ ان کا کہنا ہے کہ دونوں اداکاروں کی تنقید کے بعد انہیں قتل، ریپ اور تشدد کی دھمکیاں موصول ہوئی تھیں۔
یہ بیان اس وقت سامنے آیا جب ایما واٹسن نے ایک پوڈکاسٹ میں کہا تھا کہ وہ رولنگ کے ساتھ اپنے تعلقات بہتر کرنا چاہتی ہیں۔ رولنگ نے اس پر سخت ردعمل دیتے ہوئے کہا کہ ’’35 سالہ واٹسن اس بات سے بھی لاعلم ہیں کہ وہ کتنی بے خبر ہیں۔‘‘
برطانوی مصنفہ نے سوشل میڈیا پر اپنی ایک پوسٹ میں واضح کیا کہ ایما واٹسن نے اپنی زندگی کی بیشتر جدوجہد دولت اور شہرت کے سائے میں نہیں دیکھی، جبکہ انہوں نے خود غربت میں رہتے ہوئے وہ کتاب لکھی جس نے ایما کو شہرت دلائی۔ رولنگ کے مطابق انہیں بخوبی احساس ہے کہ خواتین کے حقوق کی پامالی، جس میں ایما نے بڑے جوش و خروش سے حصہ لیا، عام خواتین اور لڑکیوں کے لیے کتنی تکلیف دہ ہے۔
مصنفہ نے اپنے موقف کی وضاحت کرتے ہوئے کہا کہ ایما کو حق حاصل ہے کہ وہ ان سے اختلاف کریں اور اپنی رائے عوام کے سامنے رکھیں، لیکن انہیں بھی یہی حق حاصل ہے اور انہوں نے آخرکار اس کا استعمال کرنے کا فیصلہ کر لیا ہے۔
یہ تنازعہ دراصل رولنگ کے ٹرانس جینڈر کمیونٹی کے حوالے سے بیانات سے شروع ہوا تھا، جس نے نہ صرف شائقین بلکہ ہیری پوٹر سیریز کے مرکزی فنکاروں کو بھی ان سے دور کر دیا تھا۔ جہاں ایما واٹسن اور ڈینیئل ریڈکلف جیسے فنکار کھل کر ٹرانس جینڈر حقوق کی حمایت کر رہے ہیں، وہیں رولنگ اپنے مؤقف سے پیچھے ہٹنے کو تیار نہیں ہیں۔
اس صورت حال نے ہیری پوٹر فرنچائز کے مداحوں اور ناقدین دونوں میں ایک نئی بحث چھیڑ دی ہے، جہاں فنکاروں کے ذاتی خیالات اور ان کے پیشہ ورانہ تعلقات کے درمیان حد فاصل کھینچنا مشکل ہوتا جا رہا ہے۔ رولنگ کا یہ تازہ بیان اس کشمکش کو مزید گہرا کرتا نظر آ رہا ہے۔
Post Views: 1.ذریعہ: Daily Mumtaz
کلیدی لفظ: ایما واٹسن ہیری پوٹر
پڑھیں:
آئی فون خریدنے کیلئے اپنا گردہ بیچنے والا شخص تاحیات بڑی مشکل میں پھنس گیا
چین کے صوبے اینہوئی کے شہری نے محض 17 سال کی عمر میں آئی فون خریدنے کی خواہش پوری کرنے کے لیے اپنا گردہ بیچا تھا اور اب کئی سال بعد اس کی قیمت چکا رہے ہیں اور انہیں طبی حوالے سے تاحیات معذور قرار دیا گیا ہے۔
غیرملکی میڈیا کی رپورٹ کے مطابق اینہوئی کے شہری وانگ شینگکون 2011 میں 17 سال کے تھے اور انہیں آئی فون 4 خریدنے کا شوق تھا لیکن غربت کی وجہ سے وہ اپنا خواب پورا نہیں کر پا رہے تھے اور اس وقت آئی فون 4کو اسٹیٹس اور دولت کا نمونہ سمجھا جاتا تھا۔
وانگ شینگکون کو آن لائن پوسٹس پڑھنے کے بعد اپنا خواب پورا کرنے کے لیے کچھ غیرمعمولی کام کرنے کی سوجھی اور غیرقانونی سرجری کے ذریعے اپنا ایک گردہ بیچنے کے لیے تیار ہوگیا اور اس آپریشن کے بدلے انہیں 20 ہزار یوآن دیے گئے۔
انہوں نے اس رقم سے آئی فون 4 اور آئی پیڈ 2 خریدا لیکن جلد ہی ان کی صحت بگڑنے لگی، انہیں تشویش ناک انفیکشن ہوا، جس کے نتیجے میں ان کا دوسرا گردہ بھی کمزور ہونے لگا۔
رپورٹ میں بتایا کہ اس وقت جب ان کی والدہ نے دیکھا کہ بیٹے کے پاس انتہائی مہنگا فون ہے تو ان سے پوچھا تو وانگ شینگکون نے سچ بتایا دیا اور اپنی والدہ کو دکھی کردیا اور دوسری جانب خود ان کی صحت مزید خراب رہنے لگی اور بعد ازاں ڈاکٹروں نے انہیں طبی بنیاد پر تاحیات معذور قرار دیا۔
حکام نے کارروائیوں کے دوران غیرقانونی سرجریز کرنے والے گینگ کو پکڑ لیا اور مدد کرنے پر وانگ شینگکون کو 1.48 ملین یوآن معاوضہ دیا۔
رپورٹ میں مزید بتایاگیا کہ آج 14 سال بعد وانگ شینگکون کے واحد گردے اس حد تک کمزور ہوگیا ہے کہ 25 فیصد کام نہیں کر رہا ہے اور انہیں اپنی زندگی کے باقی ایام ڈائیلیسز میں گزارنے پڑیں گے اور اب وہ آئی فون کے لیے اپنا گردہ بیچنے کو زندگی کی سب سے بڑی غلطی قرار دیتے ہوئے پشیمان ہیں۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت