نیتن یاہو کا یوٹرن: فلسطینی ریاست کے قیام سے انکار
اشاعت کی تاریخ: 30th, September 2025 GMT
اسرائیلی وزیراعظم بنجمن نیتن یاہو نے ایک بار پھر اپنے مؤقف میں حیران کن تبدیلی کرتے ہوئے فلسطینی ریاست کے قیام کی مخالفت کر دی ہے، حالانکہ کچھ ہی گھنٹے قبل وہ امریکی صدر ڈونلڈ ٹرمپ کے 20 نکاتی غزہ امن منصوبے سے اتفاق کا اظہار کر چکے تھے۔
نیتن یاہو حالیہ دنوں میں امریکی دورے پر واشنگٹن پہنچے، جہاں وائٹ ہاؤس میں صدر ٹرمپ کے ہمراہ ایک مشترکہ پریس کانفرنس کے دوران انھوں نے غزہ میں جنگ بندی اور قیامِ امن کے مجوزہ منصوبے پر یکجہتی کا مظاہرہ کیا۔ اس موقع پر دونوں رہنماؤں نے خطے میں امن کی امید دلائی اور اس بات پر اتفاق ظاہر کیا کہ منصوبے پر پیش رفت ضروری ہے۔
تاہم، وطن واپسی کے بعد اسرائیلی وزیراعظم کے مؤقف میں یکسر تبدیلی دیکھنے میں آئی۔ مقامی میڈیا سے گفتگو کرتے ہوئے نیتن یاہو نے واضح الفاظ میں کہا کہ اُنہوں نے صدر ٹرمپ سے فلسطینی ریاست کے قیام پر کوئی اتفاق نہیں کیا، اور نہ ہی یہ شق امن منصوبے کا حصہ ہے۔ ان کا کہنا تھا کہ اسرائیل نہ صرف فلسطینی ریاست کے قیام کی مخالفت کرے گا بلکہ اسرائیلی فوج غزہ کے کئی علاقوں میں غیر معینہ مدت تک موجود رہے گی۔
اس اچانک اور واضح یوٹرن نے نہ صرف عالمی مبصرین بلکہ امریکی قیادت کو بھی حیران کر دیا ہے۔ ماہرین اس تبدیلی کو نیتن یاہو کی “دوہری حکمت عملی” قرار دے رہے ہیں، جس کے مطابق وہ بین الاقوامی دباؤ کے تحت امن منصوبے کی حمایت کا تاثر دیتے ہیں، لیکن ملکی سیاست اور شدت پسند حلقوں کو خوش کرنے کے لیے سخت گیر مؤقف اختیار کرتے ہیں۔
یہ صورتحال اس حقیقت کی غمازی کرتی ہے کہ اسرائیلی قیادت تاحال فلسطینی ریاست کے تصور کو قبول کرنے کے لیے تیار نہیں، چاہے عالمی برادری کتنا ہی دباؤ ڈالے یا مسلم دنیا کتنی ہی حمایت فراہم کرے۔ یاد رہے کہ صدر ٹرمپ کے بقول اس امن منصوبے کو پاکستان، سعودی عرب، ترکیہ، مصر، اردن، متحدہ عرب امارات، انڈونیشیا اور قطر جیسے اہم مسلم ممالک کی حمایت حاصل ہے۔
نیتن یاہو کے حالیہ بیان سے ایک بات واضح ہو گئی ہے: مشرقِ وسطیٰ میں امن کی راہ اب بھی طویل، کٹھن اور پیچیدہ ہے، اور حقیقی تبدیلی کے لیے محض منصوبے نہیں، بلکہ نیت، عزم اور یکساں اخلاقی معیار کی ضرورت ہے۔
Post Views: 1.ذریعہ: Daily Mumtaz
کلیدی لفظ: فلسطینی ریاست کے قیام نیتن یاہو
پڑھیں:
پاکستان کیجانب سے امن منصوبے پر حماس کے ردعمل کا خیر مقدم کیا
وزارتِ خارجہ پاکستان نے صدر ڈونلڈ ٹرمپ کے پیش کردہ امن منصوبے پر حماس کے ردعمل کا خیر مقدم کیا ہے۔
ترجمان دفتر خارجہ کے مطابق یہ پیش رفت فوری جنگ بندی، غزہ میں معصوم فلسطینیوں کے خون خرابے کے خاتمے، یرغمالیوں اور فلسطینی قیدیوں کی رہائی، بلا رکاوٹ انسانی امداد کی فراہمی اور دیرپا امن کی جانب ایک قابلِ اعتبار سیاسی عمل کی راہ ہموار کرنے کا موقع فراہم کرتی ہے۔
یہ بھی پڑھیں:اسرائیلی بمباری روک دے، حماس امن پر آمادہ ہے، صدر ٹرمپ
پاکستان نے مطالبہ کیا کہ اسرائیل فوری طور پر حملے بند کرے۔
ترجمان نے کہا کہ پاکستان صدر ٹرمپ کی امن کے لیے کوششوں کو سراہتا ہے اور امید رکھتا ہے کہ اس کے نتیجے میں ایک پائیدار جنگ بندی اور منصفانہ، جامع اور دیرپا امن قائم ہوگا۔ پاکستان اس عمل میں مثبت اور بامعنی کردار ادا کرنے کے عزم پر قائم ہے۔
اعلامیے میں مزید کہا گیا کہ پاکستان فلسطینی کاز کے لیے اپنی اصولی حمایت دہراتا ہے اور فلسطینی عوام کے ساتھ مکمل یکجہتی کا اظہار کرتا ہے۔
یہ بھی پڑھیں:حماس کا ٹرمپ کے غزہ پلان پر جزوی اتفاق، مزید مذاکرات کی ضرورت پر زور
پاکستان اس جدوجہد کو فلسطینی عوام کا ناقابلِ تنسیخ حق سمجھتا ہے جو بالآخر ایک خودمختار، قابلِ عمل اور متصل فلسطینی ریاست کے قیام پر منتج ہوگا، جو 1967 سے قبل کی سرحدوں پر مبنی ہو اور القدس الشریف اس کا دارالحکومت ہو۔
یہ موقف اقوامِ متحدہ کی قراردادوں اور بین الاقوامی قانون کے عین مطابق ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امن امن منصوبہ پاکستان ٹرمپ حماس غزہ فلسطین
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت