مریم نواز کادریائے سندھ سے متعلق بیان قابل مذمت ہے،علی حسن
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
سنجھورو(نمائندہ جسارت)پاکستان پیپلزپارٹی ضلع سانگھڑ کے صدر ایم پی اے علی حسن ہنگورجو.پی پی پی ضلع سانگھڑ کے جنرل سیکرٹری جہانگیر جونیجو۔اور پی پی پی ضلع سانگھڑ کے ترجمان عمران دھامرہ۔ نے اپنا مشترکہ بیان دیتے کہا وزیر اعلیٰ پنجاب مریم نواز کی جانب سے دریائے سندھ پر نہریں بنانے اور متنازع پانی کے معاملات پر جو الفاظ ادا کیے گئے وہ قابل مذمت ہیں، دریائے سندھ پر متنازع نہریں یا ڈیم کے متعلق وفاقی حکومت کے زیر صدارت آئینی فورم پر یہ طے ہوا تھا کہ جب تک مکمل طور پر صوبوں میں اتفاق رائے نہیں ہوتا ہے تب تک نہروں سمیت کوئی بھی متنازع منصوبہ شروع نہیں ہوگا، تو وزیراعلی پنجاب مریم نواز اس طرح کے بیانات دیکر ایک طرف ملکی آئین سے روگردانی کر رہی ہیں تو دوسری طرف صوبائی تعصب پھیلا کر صوبوں کے درمیان تضاد کو ہوا دے رہی ہیں انہوں نے کہا کہ مریم نواز کو وزیراعظم کی بھتیجی اور پنجاب کی وزیرِ اعلیٰ ہونے کے ناطے محتاط و ذمہ دارانہ رویہ اختیار کرنا چاہیے مگر اس کے باوجود وہ جاگ پنجابی جاگ والا طرز عمل اختیار کر کے ملکی وحدت جمہوری نظام اور وفاقی حکومت کے اتحاد کو نقصان پہنچانے کی کوشش کر رہی ہیں۔
ذریعہ
ذریعہ: Jasarat News
کلیدی لفظ: مریم نواز
پڑھیں:
گلگت بلتستان انتخابات کو متنازع بنانے کی ہر کوشش جمہوریت کے خلاف ہے، حلیم عادل شیخ
صدر پی ٹی آئی سندھ نے کہا کہ عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔ اسلام ٹائمز۔ پاکستان تحریک انصاف سندھ کے صدر حلیم عادل شیخ نے کہا ہے کہ گلگت بلتستان کے آئندہ انتخابات کو متنازع بنانے کی کسی بھی کوشش سے گریز کیا جائے اور انتخابی عمل کو مکمل طور پر شفاف، غیر جانبدار اور منصفانہ بنایا جائے۔ انہوں نے کہا کہ گلگت بلتستان کے عوام کو اپنا ووٹ آزادانہ طور پر استعمال کرنے کا مکمل حق حاصل ہے اور کسی قسم کی مداخلت یا دباؤ جمہوری اقدار کے منافی ہوگا۔ حلیم عادل شیخ نے کہا کہ ملک میں سیاسی استحکام کا راستہ صرف آزاد، شفاف اور غیر جانبدار انتخابات سے ہو کر گزرتا ہے، عوامی مینڈیٹ پر ڈاکہ ڈالنے کی روایت نے ماضی میں پاکستان کو سیاسی اور معاشی بحرانوں سے دوچار کیا، اس لیے ضروری ہے کہ عوام کے فیصلے کا مکمل احترام کیا جائے۔ انہوں نے کہا کہ 8 فروری 2024ء کے عام انتخابات میں عوام نے اپنا واضح فیصلہ دیا تھا، تاہم عوامی مینڈیٹ کو متنازع بنانے اور اس پر اثر انداز ہونے کی کوششوں نے جمہوری عمل کو نقصان پہنچایا، آج بھی عوام عمران خان کے بیانیے اور قیادت پر بھرپور اعتماد کا اظہار کر رہے ہیں اور پاکستان تحریک انصاف ملک کی مقبول ترین سیاسی جماعت ہے۔
حلیم عادل شیخ نے مطالبہ کیا کہ پاکستان تحریک انصاف کو گلگت بلتستان میں انتخابی مہم چلانے کے مساوی اور آئینی حقوق فراہم کیے جائیں تاکہ تمام سیاسی جماعتوں کو یکساں مواقع میسر آ سکیں۔ انہوں نے کہا کہ انتخابی عمل کو ہر قسم کے دباؤ، جانبداری اور غیر ضروری مداخلت سے پاک رکھا جائے تاکہ عوام اپنی مرضی کے نمائندوں کا انتخاب کر سکیں۔ انہوں نے کہا کہ گلگت بلتستان کے عوام باشعور ہیں اور وہ اپنے ووٹ کی طاقت سے حقیقی نمائندوں کا انتخاب کریں گے، عوام کا فیصلہ ہی جمہوریت اور پاکستان کے روشن مستقبل کی بنیاد ہے۔ انہوں نے اس امید کا اظہار کیا کہ پاکستان تحریک انصاف گلگت بلتستان کے انتخابات میں عوامی حمایت کے ساتھ بھرپور کامیابی حاصل کرے گی۔ حلیم عادل شیخ نے مزید کہا کہ سیاسی استحکام کے بغیر معاشی ترقی، سرمایہ کاری اور عوامی خوشحالی ممکن نہیں، لہذا تمام متعلقہ حکام اس امر کو یقینی بنائیں کہ انتخابات مکمل طور پر شفاف اور منصفانہ ہوں اور عوام کے مینڈیٹ کا ہر صورت احترام کیا جائے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ