نواب شاہ ،آوارہ کتوں کا راج ،شہری خوف و ہراس میں مبتلا
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
نواب شاہ(نمائندہ جسارت )نواب شاہ شہر اور گردونواح میں آوارہ کتوں کی بھرمار نے شہریوں کی زندگی اجیرن بنا دی ہے۔ شہر کے گلی کوچوں، بازاروں اور رہائشی علاقوں میں آوارہ کتوں کے جھنڈ دندناتے پھرتے ہیں، جس کے باعث شہری شدید خوف و ہراس میں مبتلا ہیں۔ خاص طور پر اسکول جانے والے بچے اور خواتین گھروں سے نکلنے میں خود کو غیر محفوظ محسوس کر رہے ہیں۔شہریوں کے مطابق بلدیہ اور ضلعی انتظامیہ کی غفلت اور ناقص کارکردگی کے باعث آوارہ کتوں کے خاتمے کی مہم نہ صرف سست روی کا شکار ہے بلکہ عملاً ختم ہوچکی ہے۔ ماضی میں اعلانات کے باوجود میونسپل کارپوریشن نے کوئی ٹھوس حکمتِ عملی نہیں اپنائی۔ نتیجتاً آج صورتِ حال اس نہج پر پہنچ چکی ہے کہ شہر کے مختلف علاقوں میں کتوں کے حملے روزانہ کا معمول بن گئے ہیں۔عینی شاہدین کا کہنا ہے کہ گزشتہ چند دنوں میں کتوں نے کئی بچوں اور نوجوانوں کو کاٹ کر زخمی کیا۔ متاثرین کو فوری طور پر اسپتال منتقل کیا گیا، لیکن وہاں بھی شہریوں کو سخت پریشانی کا سامنا کرنا پڑا۔ سول اسپتال نواب شاہ سمیت دیگر سرکاری مراکزِ صحت میں کتوں کے کاٹے کی ویکسین نایاب ہے، جس کے باعث متاثرہ مریضوں کے لواحقین کو شدید مشکلات اور ذہنی کرب کا سامنا کرنا پڑ رہا ہے۔شہری حلقوں کا کہنا ہے کہ انتظامیہ کی ناکامی نہ صرف ان کی غفلت کا نتیجہ ہے بلکہ یہ عوام کی صحت اور جان کے ساتھ کھلا کھیل ہے۔ روزانہ درجنوں شہری کتے کاٹنے کے خدشے کے ساتھ اپنے معمولاتِ زندگی سرانجام دینے پر مجبور ہیں۔ تاجروں اور والدین نے بھی شدید تشویش کا اظہار کرتے ہوئے کہا ہے کہ آوارہ کتوں کی موجودگی سے کاروباری سرگرمیاں اور تعلیمی ماحول بری طرح متاثر ہورہا ہے۔ اسکول جانے والے بچے سب سے زیادہ غیر محفوظ ہیں۔ شہریوں نے حکومتِ سندھ اور ضلعی انتظامیہ سے مطالبہ کیا ہے کہ فوری طور پر بھرپور آوارہ کتا مار مہم شروع کی جائے اور اسپتالوں میں وافر مقدار میں ویکسین فراہم کی جائے تاکہ مزید انسانی جانوں کو خطرے سے بچایا جاسکے۔سماجی تنظیموں نے بھی اس مسئلے پر آواز بلند کرتے ہوئے کہا ہے کہ نواب شاہ جیسے بڑے شہر میں آوارہ کتوں کے خلاف کوئی پالیسی نہ ہونا انتظامی ناکامی کی بدترین مثال ہے۔ ان کا کہنا تھا کہ انسانی جان کو ترجیح دینا حکومت کی ذمے داری ہے، لیکن عملی طور پر یہ مسئلہ نظر انداز کیا جا رہا ہے۔ادھر شہریوں نے متنبہ کیا ہے کہ اگر انتظامیہ نے فوری اقدامات نہ کیے تو وہ احتجاجی تحریک چلانے پر مجبور ہوں گے۔ ان کا کہنا ہے کہ وہ اپنے بچوں اور اہل خانہ کو کتوں کے رحم و کرم پر نہیں چھوڑ سکتے۔یوں نواب شاہ اس وقت آوارہ کتوں کے راج تلے ہے اور شہری اپنی جانوں کے تحفظ کے لیے خود کو بے یار و مددگار سمجھ رہے ہیں۔ یہ صورتحال ضلعی حکومت اور بلدیہ کے لیے ایک بڑا سوالیہ نشان ہے کہ آخر کب عوام کو اس اذیت ناک مسئلے سے نجات دلائی جائے گی۔
ذریعہ: Jasarat News
کلیدی لفظ: ا وارہ کتوں کے نواب شاہ کا کہنا ہے کہ ا
پڑھیں:
عارضہ قلب سمیت دیگر امراض میں مبتلا افراد حج نہیں کرسکیں گے، ڈپورٹ کرنےکی پالیسی بھی لاگو
عارضہ قلب سمیت دیگر امراض میں مبتلا افراد حج نہیں کرسکیں گے، ڈپورٹ کرنےکی پالیسی بھی لاگو WhatsAppFacebookTwitter 0 16 November, 2025 سب نیوز
سعودی حکومت نے بیمار عازمین پر حج2026 کی پاپندی عائد کرتے ہوئے ڈپورٹ کرنے کی پالیسی بھی لاگو کردی۔
سعودی وزارت مذہبی امور نے کہا کہ بیمار عازمین کو سعودی عرب واپس وطن بھیج دے گا، واپسی کا خرچہ عازمین حج خود ادا کریں گے، بیمار عازم کو فٹنس سرٹیفکیٹ جاری کرنے والے ڈاکٹرز کے خلاف بھی کارروائی بھی ہوگی۔
سعودی وزارت صحت کی ہدایات کے مطابق عازمین حج 2026 کیلئے طبی شرائط عائد کی گئی ہیں۔
سعودی وزارت صحت نے کہا کہ گردوں کے امراض، ڈائیلاسز کے مریضوں کو حج 2026 کی اجازت نہیں، سعودی وزارت صحت نے دل کے امراض کا شکار مریض جو مشقت کے بھی قابل نہ ہوں ان پر بھی حج کی پاپندی لگادی۔
پھیپھڑوں اور جگر کی بیماری کے حامل مریضوں پر بھی پاپندی ہوگی، شدید اعصابی یا نفسیاتی امراض، کمزور یاداشت، شدید معذوری اور ڈیمنشیا کا شکار افراد پر بھی سعودی حکومت نے حج پر پابندی لگادی۔
شدید بڑھاپے یا الزائمنز اور رعشہ کے مریض پر بھی پاپندی عائد کردی گئی، حاملہ خواتین، کالی کھانسی، تپ دق، وائرل ہیمرج بخار کے مریض بھی حج 2026 نہیں کرسکیں گے۔
کینسر کے مریضوں پر بھی حج کی پابندی عائد کردی گئی، وزارت مذہبی امور نے کہا کہ حج پر روانگی سے قبل میڈیکل افسر حج پر روانگی سے روکنے کا مجاز ہوگا۔
وزارت مذہبی امور نے کہا کہ سعودی حکام کی مانیٹرنگ ٹیمیں عازم حج کے فٹنس سرٹیکیٹ کی درستی کی تصدیق کریں گی، مقررہ بنیادی صحت کے حامل افراد ہی سفر حج پر مقامات روانہ ہوں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروفاقی آئینی عدالت کی پہلی کاز لسٹ جاری ایران میں بدترین خشک سالی، شہریوں کو تہران خالی کرنا پڑسکتا ہے، ایرانی صدر لیبیا کے ساحل کے قریب 2 کشتیوں کو حادثہ، 4 تارکین وطن ہلاک وقت پر اسلحہ کیوں نہیں ملتا؟ بھارتی چیف آف ڈیفنس اسٹاف نے شکایتوں کے انبار لگا دیے ملک کی بدنامی کا باعث بننے والے کسی مسافر کو سفر کی اجازت نہیں دی جائیگی: محسن نقوی عمران دور پر رپورٹ کی بنیاد انٹرویوز، صرف 10 فیصد مواد سامنے لائے: بشریٰ تسکین صدر مملکت اور وزیراعظم کا باہمی احترام کو فروغ دینے کے عزم کا اعادہCopyright © 2025, All Rights Reserved
رابطہ کریں ہماری ٹیم
دہلی کار بم دھماکہ معاملے میں کشمیر سے ایک اور ڈاکٹر کو گرفتار کیا گیا