مسابقی کمیشن نے پی ٹی سی ایل کو ٹیلی نار پاکستان کے حصول کی اجازت دے دی
اشاعت کی تاریخ: 1st, October 2025 GMT
اسلام آباد(نیوز ڈیسک)مسابقتی کمیشن آف پاکستان (سی سی پی) نے پی ٹی سی ایل کو ٹیلی نار پاکستان کے حصول کی اجازت دے دی۔
ترجمان پی ٹی سی ایل کا کہنا ہے کہ پی ٹی سی ایل اپنے ریگولیٹری جائزے کے دوسرے مرحلے کو خوش اسلوبی سے مکمل کرنے اور ٹیلی نار پاکستان کے حصول کی منظوری دینے پر مسابقتی کمیشن پاکستان (سی سی پی) کا شکر گزار ہے۔
ترجمان کی جانب سے جاری کردہ پی ٹی سی ایل کے ردعمل میں مزید کہا گیا ہے کہ ہم پاکستان کے ٹیلی کام سیکٹر کے مستقبل اور طویل مدتی پائیداری کو یقینی بنانے کیلئے کمیشن کی جامع کوششوں کا خیر مقدم کرتے ہیں علاوہ ازیں ہم اپنے صارفین، شراکت داروں اور ملکی ٹیلی کام شعبے سے وابستہ تمام افراد کے بھی تہہ دل سے شکرگزار ہیں جو اس تاریخی فیصلے کے منتظر تھے۔
ترجمان نے کہا کہ پی ٹی سی ایل نے اس پورے جائزہ عمل کے دوران کمیشن کے ساتھ مکمل تعاون کیا اور ہم اس عزم کا اعادہ کرتے ہیں کہ ٹیلی نار پاکستان کے حصول کو تمام ریگولیٹری اداروں کی ہدایات کے مطابق آگے بڑھایا جائے گا اور ملک کے تمام قابلِ اطلاق قوانین کی مکمل تعمیل کی جائے گی۔
پی ٹی سی ایل کا کہنا ہے کہ یہ انضمام پاکستان کی ٹیلی کام انڈسٹری کے لیے ایک اہم سنگ ِ میل ہے، جو پی ٹی ایم ایل (یوفون) اور ٹیلی نار کی مشترکہ قوتوں کو یکجا کرکے صارفین کو بہترین ٹیلی کام خدمات، معیاری نیٹ ورک کوالٹی، وسیع کوریج اور جدید ڈیجیٹل سہولیات فراہم کرے گا۔
ترجمان نے کہا کہ اس انضمام سے شعبے میں مزید مستعدی، مضبوط انفراسٹرکچر اور بہتر مسابقتی ماحول کو فروغ ملے گا۔ مزید برآں دونوں اداروں کے انضمام سے وجود میں آنے والا نیا ادارہ ملک گیر کنیکٹیویٹی کو مضبوط بنانے، اختراع کو فروغ دینے اور حکومتِ پاکستان کے ڈیجیٹل پاکستان وژن کو آگے بڑھانے میں کلیدی کردار ادا کرے گا۔
Post Views: 1.ذریعہ: Daily Mumtaz
کلیدی لفظ: پی ٹی سی ایل ٹیلی کام
پڑھیں:
خالصتان ریفرنڈم کے لیے کینیڈا کی باضابطہ اجازت
سکھ فار جسٹس کے رہنما گرپتونت سنگھ پنوں نے خالصتان ریفرنڈم کے لیے کینیڈا کی باضابطہ اجازت کا اعلان کردیا۔
اپنے بیان میں انہوں نے کہا کہ پنجاب کو بھارتی قبضے سے آزاد کرانے کے لیے 23 نومبر کو خالصتان ریفرنڈم ہوگا۔ کینیڈین حکومت کی اجازت سے بلنگز اسٹیٹ اور اوٹاوا میں ریفرنڈم ہوگا۔
گُرپتونت سنگھ کا کہنا ہے کہ حکومتی اجازت کینیڈا کی آزادی اظہار اور جمہوری عمل کے عزم کی تصدیق ہے۔
سکھ فار جسٹس کے رہنما نے کہا کہ ریفرنڈم گولی کے مقابلے میں ووٹ کے ذریعے پرامن جدوجہد ہے، تمام سکھ پنجاب کو بھارتی قبضے سے آزاد کرانے کے لیے حق رائے دہی استعمال کریں۔
کراچی: متعدد مقدمات میں مطلوب فتنہ الخوارج کا ملزم گرفتار، اسلحہ برآمد