Daily Mumtaz:
2026-07-24@01:57:46 GMT
سیلاب کے بعد مہنگائی میں نمایاں اضافہ، عوام کی مشکلات میں مزید اضافہ
اشاعت کی تاریخ: 1st, October 2025 GMT
پاکستان میں حالیہ سیلاب کے بعد مہنگائی میں نمایاں اضافہ دیکھنے میں آیا ہے، جس نے ملک بھر میں عام آدمی کی زندگی کو مزید مشکل بنا دیا ہے۔ وفاقی ادارہ شماریات کی جاری کردہ رپورٹ کے مطابق ستمبر 2025 کے دوران مہنگائی کی شرح 2 فیصد بڑھی، جس کے بعد سالانہ مہنگائی کی سطح 5.6 فیصد تک جا پہنچی — جو گزشتہ گیارہ ماہ کی بلند ترین سطح ہے۔
اعداد و شمار کے مطابق شہری علاقوں میں مہنگائی کی شرح 5.
رپورٹ کے مطابق سیلاب سے متاثرہ علاقوں میں زراعت کو پہنچنے والے نقصان کے بعد روزمرہ کھانے پینے کی اشیاء کی قیمتوں میں تیزی سے اضافہ ہوا۔ چند نمایاں اشیاء میں آٹا: 34 فیصد مہنگا، پیاز: 28 فیصد مہنگے، سبزیاں: 9 فیصد اضافہ، آلو: 5.72 فیصد، انڈے: 4.9 فیصدمہنگے ہوئے۔
اس کے علاوہ مکھن، چینی، چاول، گڑ، دال چنا، بیسن اور پھل بھی مہنگے ہو چکے ہیں۔ رپورٹ میں کہا گیا کہ سالانہ بنیاد پر غذائی اشیاء کی قیمتیں اوسطاً 5 فیصد تک بڑھی ہیں۔
صرف خوراک ہی نہیں، زندگی کے دیگر شعبے بھی مہنگائی سے متاثر ہوئے ہیں تعلیم: 10.72 فیصد اضافہ، صحت کی سہولیات: 10.59 فیصد، کپڑے اور جوتے: 8 فیصد اضافہ، پوسٹل سروسز، ٹیکسٹائل، شادی ہال چارجز، میڈیکل ٹیسٹ کی قیمتوں میں بھی نمایاں اضافہ دیکھا گیا۔
رپورٹ میں بتایا گیا ہے کہ نان فوڈ نان انرجی کی بنیاد پر کور انفلیشن ریٹ 7 فیصد رہا، جو معاشی دباؤ کی ایک اور علامت ہے۔ Post Views: 1
ذریعہ
ذریعہ: Daily Mumtaz
کلیدی لفظ: کے بعد
پڑھیں:
حکومت نے یومیہ بنیادوں پر آج پھر عوام پر پیٹرول بم گرا دیا
اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 23 جولائی 2026ء ) وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا ہے۔ پیٹرولیم ڈویژن کے جاری کردہ نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر اضافہ کردیا ہے۔ پیٹرول کی نئی قیمت 331 روپے 52 پیسے فی لیٹر مقرر کردی گئی ہے۔ جبکہ ڈیزل کی قیمت فی لیٹر قیمت میں 3 روپے 62 پیسے اضافہ کر دیا گیا ہے، ڈیزل کی نئی قیمت 378 روپے 66 پیسے فی لیٹر مقرر کردی گئی۔(جاری ہے)
نئی قیمتوں کا اطلاق آج رات 12 کے بعد ایک دن کیلئے ہوگا۔ یاد رہے وفاقی کابینہ نے پیٹرولیم مصنوعات کے لیے روزانہ قیمتوں کے تعین کا نیا نظام منظور کر لیا جس کے تحت اوگرا اب پیٹرول اور ڈیزل کی ایکس ڈپو قیمتیں روزانہ جاری کرے گا۔ پیٹرول اور ڈیزل کی نئی قیمتیں گزشتہ سات کاروباری دن کی اوسط عالمی قیمت کے مطابق ہوں گی، پیٹرول اور ڈیزل کی قیمتوں کا تعین عالمی مارکیٹ کے حساب سے کیا جائے گا۔ قیمتوں کے اعلان کے لیے وزیراعظم یا وفاقی حکومت کی پیشگی منظوری درکار نہیں ہوگی جبکہ اوگرا بغیر وزیراعظم یا حکومت کی منظوری کے قیمتوں کا اعلان کرے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار