راولپنڈی میں ڈینگی کیسز میں اضافہ، 24 گھنٹوں میں مزید 20 مریض سامنے آگئے
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی میں ڈینگی مچھر کے وار تاحال جاری ہیں اور گزشتہ 24 گھنٹوں کے دوران مزید 20 افراد میں وائرس کی تصدیق ہوئی ہے۔
محکمہ صحت کے تازہ اعداد و شمار کے مطابق رواں برس شہر میں مجموعی طور پر 11 ہزار 93 افراد کی اسکریننگ کی جا چکی ہے جن میں 676 کیسز ڈینگی پازیٹو سامنے آئے ہیں۔ خوش آئند بات یہ ہے کہ اب تک کسی ہلاکت کی اطلاع موصول نہیں ہوئی۔
محکمہ صحت کے مطابق اس وقت 51 مریض مختلف سرکاری و نجی اسپتالوں میں زیرِ علاج ہیں جبکہ دیگر مریض گھروں پر طبی نگرانی میں ہیں۔ ڈینگی کے پھیلاؤ کو روکنے کے لیے 1499 سرویلنس ٹیمیں تشکیل دی گئی ہیں جو اب تک 53 لاکھ 85 ہزار 385 گھروں کا معائنہ کر چکی ہیں۔ اس دوران 14 لاکھ 51 ہزار 737 مقامات کی چیکنگ کی گئی جن میں 21 ہزار 802 جگہیں ڈینگی مثبت پائی گئیں۔
محکمہ صحت کا کہنا ہے کہ ایک لاکھ 83 ہزار 813 مقامات سے ڈینگی لاروا برآمد کیا گیا جسے موقع پر ہی تلف کر دیا گیا، احتیاطی تدابیر پر عمل نہ کرنے والوں کے خلاف سخت کارروائیاں کی جا رہی ہیں۔ ڈینگی ایس او پیز کی خلاف ورزی پر اب تک 4301 ایف آئی آرز درج ہو چکی ہیں جبکہ جرمانے اور دیگر قانونی اقدامات بھی کیے جا رہے ہیں۔
.
ذریعہ
ذریعہ: Jasarat News
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم