لکی انوسٹمنٹس کا ففتھ پلر فیملی تکافل کے ساتھ معاہدہ
اشاعت کی تاریخ: 19th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر) لکی انوسٹمنٹس نے حال ہی میں متعارف کرائے گے لکی اسلامک پنشن فنڈ کے شرکاء کو مفت تکافل کوریج فراہم کرنے کیلئے ففتھ پلر کے ساتھ ایک معاہدے پر دستخط کیے ہیں۔یہ اسٹریٹجک اقدام ریٹائرمنٹ کے بعد محفوظ مستقبل کیلئے بچت کرنے والے افراد کومالی تحفظ فراہم کرنے کے ساتھ ساتھ ان کی سرمایہ کاری کی مجموعی افادیت میں نمایاں اضافہ ہے۔ اس سلسلے میں منعقدہ تقریب میں دونوں اداروں کی سینئر مینجمنٹ نے شرکت کی اور پاکستانی مارکیٹ میںشریعہ کے مطابق مالی شمولیت کو فروغ دینے کیلئے جامع سلوشنز فراہم کرنے کیلئے مشترکہ عزم کا اظہارکیا۔ باہمی تعاون اور اجتماعی ذمہ داری کے اسلامی اصولوں پر مبنی تکافل کوریج لکی انوسٹمنٹس کی اپنے شرکاء کی خوشحالی کے عزم کو مزید مضبوط بناتی ہے۔ اس شراکت داری کے ذریعے لکی اسلامک پنشن فنڈ کے شرکاء مزید اطمینان محسوس کریں گے کہ ان کی طویل المدّتی بچت کے ساتھ ساتھ کسی اضافی لاگت کے بغیر ان کی فیملی کا تحفظ بھی شامل ہے۔ اس موقع پر لکی انوسٹمنٹس کے چیف ایگزیکٹو آفیسر محمد شعیب سی ایف اے نے اس ویلیو ایڈڈ سروس کی اہمیت پر زوردیتے ہوئے کہاکہ ہم نے لکی اسلامک پنشن فنڈز اس مقصد کیلئے متعارف کرایاہے تاکہ لوگ باعزت اور خود مختار ریٹائرمنٹ کی طرف قدم بڑھا سکیں۔ ففتھ پلر کے ساتھ شراکت داری ہمیں ایک قدم آگے بڑھنے کا موقع فراہم کرتی ہے۔ سرمایہ کاری کو ضمیر، اخلاقی اصولوں اور امانت داری کے ساتھ جوڑنے کے اپنے عزم پر عمل پیراہوتے ہوئے مفت تکافل کوریج کی فراہمی کے ذریعے ہم نہ صرف اپنے شرکاء کی سرمایہ کاری کا تحفظ کررہے ہیں بلکہ ان کی فیملیز کے مستقبل کو بھی محفوظ بنا رہے ہیں۔ اس موقع پر ففتھ پلر فیملی تکافل کے چیف ایگزیکٹو آفیسر نصرالصمد قریشی نے کہاکہ لکی انوسٹمنٹس کے ساتھ شراکت داری اخلاقی بنیادوں پر قائم اور شریعہ کے مطابق مالی تحفظ کی رسائی کو توسیع دینے کے ہمارے مشن کاحصہ ہے۔ ہمیں خوشی ہے کہ ہم لکی اسلامک پنشن فنڈ کے شرکاء کے مالی مستقبل کوجامع اور محفوظ بنانے کیلئے تکافل کوریج فراہم کررہے ہیں۔ لکی اسلامک پنشن فنڈ حال ہی میں متعارف کرایا گیا ہے۔ یہ فنڈ ریٹائرمنٹ سیونگ سلوشن کے تحت افراد کو شریعہ کے مطابق طویل المدّتی مالی تحفظ فراہم کرنے کی سہولت فراہم کرتاہے۔لکی اسلامک پنشن فنڈ4ذیلی فنڈزایکویٹی ، ڈیبٹ، منی مارکیٹ اور گولڈپر مشتمل ہے۔ لکی انوسٹمنٹس 6ماہ کے مختصر عرصہ میں 4فنڈز متعار کراچکی ہے اور اس وقت اس کے زیرِ انتظام اثاثوں کی مالیت 100ارب روپے سے تجاوز کرچکی ہے۔لکی انوسٹمنٹس یونس برادرز(لکی )گروپ کا حصہ ہے۔ جو پاکستان میں دیانت، جدّت اور مضبوط گورننس کی ایک پہچان رکھتاہے۔یہی اصول اور صلاحیتیں لکی انوسٹمنتس کو ورثے میں ملی ہیں۔ کمپنی کی قیادت سرمایہ کاری کے شعبے میں کئی دہائیوں کے تجربے کے حامل پروفیشنلز کررہے ہیں۔ لکی انوسٹمنٹس کے شریک بانی اور چیف ایگزیکٹو آفیسر محمد شعیب سی ایف اے کا شمار پاکستان میں اسلامک ایسٹ مینجمنٹ کے بانیوں میں ہوتاہے۔ ممتاز شریعہ اسکالر مفتی محمد حسان کلیم ادارے کے شریعہ ایڈوائزر ہیں۔
ذریعہ
ذریعہ: Jasarat News
کلیدی لفظ: لکی اسلامک پنشن فنڈ لکی انوسٹمنٹس سرمایہ کاری فراہم کرنے کے ساتھ
پڑھیں:
پاکستان اور اٹلی کے درمیان سفارتی پاسپورٹ ہولڈرز کے لیے ویزا فری سفر کا نیا معاہدہ
پاکستان اور اٹلی نے باہمی تعلقات کو مزید مضبوط بناتے ہوئے سفارتی پاسپورٹ رکھنے والوں کے لیے ویزا کی شرط ختم کرنے کے ایک تاریخی معاہدے پر دستخط کر دیے ہیں۔ اس معاہدے کو دونوں ممالک کے سفارتی تعلقات میں ایک انتہائی اہم موڑ قرار دیا جا رہا ہے۔
معاہدے پر دستخط کی تقریب اور اہم ملاقاتاٹلی کے دارلحکومت روم میں منعقدہ ایک پروقار تقریب کے دوران اٹلی میں تعینات پاکستانی سفیر علی جاوید اور اٹلی کی وزارتِ خارجہ کے سیکریٹری جنرل ریکارڈو گوارگلیا نے اس اہم معاہدے پر دستخط کیے۔
یہ بھی پڑھیں:پاکستان اٹلی سے دفاعی تعاون کے فروغ اور باہمی تجربے سے مستفید ہونا چاہتا ہے، وزیردفاع
دستخطی تقریب سے قبل دونوں اعلیٰ حکام کے درمیان ایک تفصیلی دو طرفہ ملاقات بھی ہوئی، جس میں باہمی دلچسپی کے امور، علاقائی صورتحال اور بین الاقوامی فورمز، خصوصاً اقوام متحدہ اور یورپی یونین میں تعاون کا تفصیلی جائزہ لیا گیا۔
باہمی اعتماد اور سفارتی وفود کا تبادلہسرکاری بیان کے مطابق دونوں فریقین نے وسعت اور مثبت سمت پر گامزن پاک، اٹلی تعلقات پراطمینان کا اظہار کیا۔ حکام کا کہنا ہے کہ یہ نیا معاہدہ دونوں ممالک کے درمیان موجود گہرے باہمی اعتماد، لازوال دوستی اور قریبی تعاون کی واضح علامت ہے۔ اس اقدام سے سرکاری اور سفارتی وفود کے تبادلوں میں حائل رکاوٹیں دور ہوں گی اور عوامی و حکومتی سطح پر روابط کو مزید فروغ ملے گا۔
پاک، اٹلی تعلقات کا تاریخی فریم ورکپاکستان اور اٹلی کے درمیان طویل عرصے سے مختلف شعبوں میں قریبی تعاون جاری ہے۔ اس وقت دونوں ممالک کے مابین 15 سرکاری معاہدے نافذ العمل ہیں، جو سیاحت، ثقافت، سائنس و ٹیکنالوجی، کھیل، اعلیٰ دفاعی تعلیم اور انسدادِ منشیات جیسے شعبوں کا احاطہ کرتے ہیں۔ اس کے علاوہ، دونوں ممالک کی جامعات اور تحقیقی اداروں کے درمیان 21 مفاہمتی یادداشتیں (ایم او یوز) بھی فعال ہیں۔
مزید پڑھیں:پاکستانی طالب علم اٹلی میں مفت اسکالرشپ اور لاکھوں روپے کیسے حاصل کرسکتے ہیں؟
دو طرفہ تعلقات کے اہم فریم ورک میں 2009 کا دفاعی تعاون معاہدہ، 2013 میں قائم کیا گیا اسٹریٹجک انگیجمنٹ پلان اور 2005 میں تشکیل دی گئی مشترکہ اقتصادی کمیشن شامل ہیں۔
اس سے قبل 1997 کا سرمایہ کاری تحفظ معاہدہ، 1983 کا دوہری شہریت کا معاہدہ اور 1972 کا حوالگیِ مجرمان معاہدہ بھی دونوں ممالک کے تعلقات میں اہم سنگِ میل سمجھے جاتے ہیں۔
پاکستانیوں کے لیے ’لیبر مائیگریشن‘ معاہدہ اور ملازمتیںرپورٹ کے مطابق 7 مئی 2025 کو اسلام آباد میں دونوں ممالک کے درمیان ’لیبر موبیلٹی اینڈ مائیگریشن‘ کی ایک اہم ترین یادداشت پر دستخط کیے گئے تھے۔ یہ کسی بھی یورپی ملک کے ساتھ پاکستان کا پہلا باضابطہ لیبر معاہدہ تھا، جس کے تحت پاکستانی ہنر مندوں کے لیے اٹلی میں 10,500 مخصوص ملازمتوں کے مواقع فراہم کیے گئے ہیں، جو پاکستانی افرادی قوت کے لیے ایک بڑی کامیابی ہے۔
سال 2026 کے اختتام پر اہم مذاکرات کی تیاریملاقات کے دوران سفیر علی جاوید نے سیکریٹری جنرل ریکارڈو گوارگلیا کو پاکستان کے دورے کی دعوت دی تاکہ دونوں ممالک کے درمیان ’دو طرفہ سیاسی مشاورت‘ کے ساتویں دور کا انعقاد کیا جا سکے۔ انہوں نے بتایا کہ پاکستان سال 2026 کی آخری سہ ماہی میں ان مذاکرات کی میزبانی کے لیے مکمل طور پر تیار ہے۔
اس کے ساتھ ہی انہوں نے اسلام آباد میں اٹلی کے نئے تعمیر شدہ سفارت خانے کے جلد افتتاح کی خواہش کا بھی اظہار کیا، جو کہ دنیا بھر میں اٹلی کا سب سے بڑا سفارتی مشن ہوگا۔ یہ تمام اقدامات مستقبل میں دونوں ممالک کو معاشی، سفارتی اور عوامی سطح پر ایک دوسرے کے مزید قریب لے آئیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اٹلی اہم مذاکرات پاسپورٹ پاکستان علی جاوید لیبر مائیگریشن معاہدہ ملازمین
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ