ملک کے بڑے شہروں میں فضائی آلودگی ایک بار پھر خطرناک حد تک بڑھ گئی
اشاعت کی تاریخ: 1st, October 2025 GMT
لاہور:
صوبائی دارالحکومت سمیت ملک کے بڑے شہروں میں فضائی آلودگی ایک بار پھر خطرناک حدوں کو چھونے لگی ہے۔
ماہرین کے مطابق آئندہ ایک سے دو روز تک لاہور میں فضائی معیار معتدل رہے گا، تاہم صبح اور رات کے اوقات میں آلودگی کی سطح بڑھ سکتی ہے۔ محکمہ موسمیات نے پیش گوئی کی ہے کہ بدھ کے روز دوپہر سے شام پانچ بجے تک شہر کا ایئر کوالٹی انڈیکس 120 سے 145 کے درمیان رہے گا جبکہ رات گئے یہ سطح 140 سے 165 تک پہنچ سکتی ہے۔
عالمی اعداد و شمار کے مطابق لاہور کا فضائی معیار اس وقت 161 درج ہے جو غیر صحت مند زمرے میں آتا ہے۔ فیصل آباد کا ایئر کوالٹی انڈیکس تقریباً 160 ریکارڈ کیا گیا ، کراچی میں 107، اسلام آباد میں 69 اور راولپنڈی میں 66 رہا۔ ماہرین کے مطابق یہ سطحیں عالمی صحت کے معیارات کے مطابق محفوظ نہیں سمجھی جا سکتیں۔
بین الاقوامی فہرست میں بھی لاہور بدستور آلودہ ترین شہروں میں شامل ہے۔ بدھ کے روز لاہور آلودہ ترین شہروں میں پہلے نمبر پر رہا۔ بھارت کے شہر کولکاتا کا انڈیکس 158، دہلی کا اس سے کچھ زیادہ، جبکہ ویتنام کے دارالحکومت ہنوئی اور نیپال کے دارالحکومت کھٹمنڈو بھی بلند سطح پر ریکارڈ کیے گئے ہیں۔
ادھر پنجاب حکومت نے ائیرکوالٹی فورکاسٹ سسٹم نصب کردیا ہے جس کے تحت سمو گ اور فضائی آلودگی سے متعلق پیش گوئی کی جاسکے گی۔ تاہم ادارہ تحفظ ماحولیات ابھی تک رئیل ٹائم ائیرکوالٹی ڈیٹا فراہم کرنے میں ناکام نظر آرہا ہے۔ پاکستان میٹرلوجیکل ڈیپارٹمنٹ کی طرف سے اب موسم کی پیش گوئی کے ساتھ ائیرکوالٹی اور سموگ بارے اپ ڈیٹس بھی فراہم کیے جانے کا سلسلہ شروع کیا گیا ہے۔ پاکستان میٹرلوجیکل ڈیپارٹمنٹ کے مطابق ائیرکوالٹی سے متعلق ڈیٹا ادارہ تحفظ ماحولیات کے اشتراک سے جاری کیا جارہا ہے
پنجاب کی سینئر وزیر مریم اورنگزیب نے شہریوں پر زور دیا ہے کہ وہ احتیاطی تدابیر پر عمل کریں تاکہ سموگ کے ممکنہ اثرات کو کم کیا جا سکے۔ماحولیاتی آلودگی انسانی صحت، معیشت اور روزمرہ زندگی پر براہِ راست اثر ڈال رہی ہے، اس لیے فوری اقدامات ناگزیر ہیں۔
صوبائی حکومت نے سموگ سے نمٹنے کے لیے پلان اے، بی اور سی ترتیب دیے ہیں، گاڑیوں کی جانچ پڑتال شروع کر دی گئی ہے اور ماحولیاتی تحفظ فورس کو پنجاب بھر میں متحرک کر دیا گیا ہے۔
.ذریعہ: Express News
کلیدی لفظ: کے مطابق
پڑھیں:
اسٹاک ایکسچینج نے بلند ترین سطح پر ‘نیا ریکارڈ قائم
data-id="863a0a8" data-element_type="widget" data-widget_type="theme-post-content.default">
کراچی(بزنس رپورٹر)پاکستان اسٹاک ایکسچینج نے بلند ترین سطح پر بند ہونے کانیا ریکارڈ قائم کر دیااورمارکیٹ 1لاکھ68ہزار کی تاریخی سنگ میل بھی عبورکر گئی۔ کاروبارکے دوران 100 انڈیکس 1 لاکھ 66 ہزار 1 لاکھ 67 ہزار اور 1 لاکھ 68ہزار کی 3نفسیاتی حد عبور کرنے میں کامیاب رہا۔1.72فیصد اضافیسے انڈیکس میں 2849 پوائنٹس کا اضافہ ہوا اور انڈیکس 165,600سے بڑھ کر 168,400کی نئی سطح پر بند ہوا۔مارکیٹ کے سرمائے میں 306ارب روپے کا اضافہ ریکارڈکیا گیا جبکہ 48.87فیصد حصص کی قیمتیں بھی بڑھ گئیں۔ ماہرین کے مطابق مقامی سرمایہ کاروں کی ایکوٹیز مارکیٹ میں بھرپور سرمایہ کاری نے تیزی کو فروغ دیا،پاکستان اسٹاک مارکیٹ میں جمعرات کو کاروبارکا آغاز تیزی کیساتھ ہوا اور ٹریڈنگ کے دوران 100انڈیکس پہلی مرتبہ 168,619 پوائنٹس کی بلند سطح پر بھی ٹریڈ ہواتاہم مارکیٹ اتار چڑھاو کا شکار ہونے کیبعد سنبھل گئی کمرشل بینکس ،ریفائنری اور آئل اینڈ گیس سیکٹر میں خریداری دیکھی گئی جس کے باعث کاروبار کے اختتام پر کے ایس ای 100انڈیکس میں 2849پوائنٹس کاا ضافہ ریکارڈ کیا گیااور انڈیکس 165,640پوائنٹس سے بڑھ کر 168,489پوائنٹس پر بند ہوا اسی طرح 986پوائنٹس کے اضافے سے کے ایس ای 30انڈیکس 52ہزار23پوائنٹس اور کے ایس ای آل شیئرز انڈیکس 1لاکھ1ہزار6پوائنٹس سے بڑھ کر 1لاکھ2ہزار646پوائنٹس پر جا پہنچا۔مارکیٹ کے سرمائے میں 306 ارب 52 کروڑ29 لاکھ29ہزار632روپے کا اضافہ ریکارڈ کیا گیا جس کے بعد سرمائے کا مجموعی حجم 19655 ارب 68کروڑ91لاکھ15ہزار532روپے ہو گیا۔اسٹاک مارکیٹ میں جمعرات کو 70ارب روپے مالیت کے 1ارب57کروڑ حصص کے سودے ہوئے جبکہ بدھ کو 69ارب روپے مالیت کے 1ارب63کروڑحصص کے سودے ہوئے تھے۔اسٹاک مارکیٹ میں گذشتہ روز مجموعی طور پر 489کمپنیوں کا کاروبار ہوا جس میں سے 239کمپنیوں کے حصص کی قیمتوں میں اضافہ ،227میں کمی اور23کمپنیوں کے حصص کی قیمتوں میں استحکام رہا۔کاروبارکے لحاظ سیبینک آف پنجاب ،ورلڈ کال ٹیلی کام،کے الیکٹرک لمیٹڈ ،پاک انٹر نیشنل بلک اور ہیسکول پیٹرول سر فہرست رہے۔قیمتوں میں اتار چڑھاو کے اعتبار سے یونی لیور پاکستان فوڈز لمیٹڈکا بھاو 699.33روپے بڑھ کر 31964.33روپے ہو گیا اسی طرح 62.08روپے کے اضافے سے سپر نیٹ ٹیکنالوجیز لمیٹڈ کے حصص کی قیمت 1556.41روپے پر جا پہنچی جبکہ پی آئی اے ہولڈنگ کمپنی لمیٹڈ کا بھاو 573.97روپے گھٹ کر 25026.03روپے ہو گیا اسی طرح 111.26روپے کی کمی سے رفحان معیض پروڈکٹ کمپنی لمیٹڈ کے حصص کی قیمت 9898.70روپے پر آ گئی ۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت