سورا 2 کی لانچنگ: اوپن اے آئی کا یوٹیوب اور ٹک ٹاک کو پیچھے چھوڑنے کا عزم
اشاعت کی تاریخ: 1st, October 2025 GMT
مصنوعی ذہانت کی دنیا کی معروف کمپنی اوپن اے آئی نے اپنی نئی آڈیو اور ویڈیو تخلیق کرنے والی ٹیکنالوجی ’سورا 2 متعارف کرا دی جو حقیقت سے قریب تر مناظر تخلیق کرنے کی صلاحیت رکھتی ہے۔
یہ بھی پڑھیں: مصنوعی ذہانتوں کے بیچ شطرنج ٹورنامنٹ: اوپن اے آئی نے فائنل میں گروگ کو شکست دے کر مقابلہ جیت لیا
کمپنی کے مطابق، سورا (Sora 2) صرف ویڈیو کو فزکس کے اصولوں کے مطابق بناتا ہے بلکہ اس کے ساتھ جڑی ایک نئی سوشل میڈیا ایپ بھی متعارف کروائی گئی ہے جس میں صارفین ٹک ٹاک کی طرز پر اے آئی ویڈیوز دیکھ اور شیئر کر سکتے ہیں۔
اوپن اے آئی کا کہنا ہے کہ سورا 2 کا ماڈل ان ویڈیوز میں زیادہ حقیقت پسندی لاتا ہے جہاں اشیا اور حرکات کو فطری انداز میں دکھایا جاتا ہے۔ مثال کے طور پر باسکٹ بال کی گیند دیوار سے ٹکرا کر واپس آتی ہے بجائے اس کے کہ اچانک ہُوپ (جس جالی لگے رِنگ میں گیند پھینکی جاتی ہے) میں ظاہر ہو جائے۔ ڈیمو ویڈیوز میں بیچ والی بال، اسکیٹ بورڈنگ اور غوطہ خوری جیسے مناظر دکھائے گئے ہیں۔
ایپ میں ایک نیا فیچر ’کیمیو‘ متعارف کرایا گیا ہے جس کے ذریعے صارفین اپنی ویڈیوز میں خود کو شامل کر سکتے ہیں۔ اس کے لیے صرف ایک بار ویڈیو اور آڈیو ریکارڈنگ سے شناختی تصدیق کی ضرورت ہوتی ہے۔ صارفین یہ اجازت بھی دے سکتے ہیں کہ ان کے دوست ان کی شکل و آواز کو ملٹی پرسن ویڈیوز میں استعمال کریں۔
فی الحال یہ ایپ امریکا اور کینیڈا میں صرف آئی او ایس صارفین کے لیے دستیاب ہے اور صرف دعوت نامے پر چل رہی ہے تاہم جلد دیگر علاقوں میں توسیع کی منصوبہ بندی کی جا رہی ہے۔چیٹ جی پی ٹی پرو صارفین سورا 2 ماڈل کی ابتدائی خصوصیات سے فائدہ اٹھا سکتے ہیں۔
مزید پڑھیے: اوپن اے آئی نے چیٹ جی پی ٹی میں ’اسٹڈی موڈ‘ متعارف کرا دیا
سورا ایپ میں ایک الگورتھم پر مبنی فیڈ بھی دی گئی ہے جہاں ویڈیوز انسٹاگرام ریلز یا ٹک ٹاک کی طرح دکھائی جاتی ہیں۔ ویڈیوز کی ذاتی نوعیت کی تجاویز کے لیے صارف کی سرگرمی، مقام، چیٹ جی پی ٹی کی ہسٹری اور دیگر عوامل کا استعمال کیا جاتا ہے جسے صارف کسی بھی وقت بند کر سکتا ہے۔
ایپ میں پیرنٹل کنٹرولز بھی دیے گئے ہیں جن کی مدد سے والدین ویڈیوز کی ذاتی نوعیت، میسجنگ اور اسکرولنگ پر پابندیاں لگا سکتے ہیں۔
کیا یہ سہولت مفت ہے؟ایپ کی ابتدائی ریلیز مفت ہے تاہم مستقبل میں ویڈیو جنریشن کی کچھ سہولیات پر ادائیگی کا نظام بھی متعارف کرایا جائے گا۔
مزید پڑھیں: ایپل کی چیٹ جی پی ٹی طرز کی ایپ متعارف، نیکسٹ جنریشن ’سری‘ لانچ کرنے کی تیاری
ماہرین نے البتہ خبردار کیا ہے کہ کیمیو جیسا فیچر غلط استعمال کے خدشات بھی بڑھا سکتا ہے خاص طور پر بغیر اجازت کے افراد کی شکل و آواز پر مبنی جعلی یا گمراہ کن اے آئی ویڈیوز بنانے کے امکانات پر تحفظات کا اظہار کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوپن اے آئی ٹک ٹاک سورا 2 ویڈیوز یو ٹیوب.
ذریعہ
ذریعہ: WE News
کلیدی لفظ: اوپن اے ا ئی ٹک ٹاک ویڈیوز یو ٹیوب اوپن اے ا ئی چیٹ جی پی ٹی ویڈیوز میں سکتے ہیں ٹک ٹاک کے لیے
پڑھیں:
معاشی سرگرمیوں میں تیزی، کے الیکٹرک صنعتی صارفین کا بجلی استعمال ریکارڈ سطح پر پہنچ گیا
کراچی: ملک میں معاشی سرگرمیوں میں بہتری کے ساتھ کے الیکٹرک صنعتی صارفین کی جانب سے بجلی کے استعمال نے نئی بلند ترین سطح حاصل کر لی۔ مالی سال 2026 کے دوران کے الیکٹرک کے صنعتی فیڈرز پر بجلی کی مجموعی کھپت 6 ارب 8 کروڑ یونٹس (6.08 ارب یونٹس) ریکارڈ کی گئی، جو ادارے کی تاریخ میں کسی بھی مالی سال کے دوران سب سے زیادہ ہے۔
کے الیکٹرک کے جاری کردہ اعلامیے کے مطابق صنعتی بجلی کی طلب میں یہ نمایاں اضافہ ایسے وقت میں سامنے آیا جب پاکستان کی مجموعی قومی پیداوار (جی ڈی پی) کی شرح نمو 3.7 فیصد رہی۔ کمپنی کا کہنا ہے کہ کراچی کی صنعتوں کو مسلسل، قابل اعتماد اور بلا تعطل بجلی کی فراہمی نے صنعتی پیداوار اور معاشی سرگرمیوں کو فروغ دینے میں اہم کردار ادا کیا۔
کے الیکٹرک کے چیف ایگزیکٹو آفیسر سید محمد طہٰ نے کہا کہ صنعتی بجلی کے استعمال میں ریکارڈ اضافہ حکومت پاکستان، اسپیشل انویسٹمنٹ فسیلیٹیشن کونسل (SIFC) اور کراچی کی صنعتی برادری کی مشترکہ کوششوں کا نتیجہ ہے۔ ان کے مطابق سرمایہ کاری کے بہتر ماحول، صنعتی سرگرمیوں میں تیزی اور کاروباری اعتماد میں اضافے نے اس کامیابی کو ممکن بنایا۔
انہوں نے کہا کہ کراچی ملک کی معاشی شہ رگ ہے اور کے الیکٹرک 2013 سے صنعتی فیڈرز کو لوڈشیڈنگ سے مستثنیٰ رکھے ہوئے ہے تاکہ صنعتوں کی پیداوار اور برآمدات متاثر نہ ہوں۔
بی تھری کیٹیگری میں سب سے زیادہ بجلی استعمال
اعلامیے کے مطابق سب سے زیادہ بجلی کا استعمال بی تھری (B3) کیٹیگری میں ریکارڈ کیا گیا، جس میں 501 سے 5 ہزار کلوواٹ تک بجلی استعمال کرنے والی صنعتیں شامل ہیں۔ اس زمرے میں سیمنٹ، اسٹیل، ٹیکسٹائل، کیمیکل اور دیگر بڑے صنعتی شعبے شامل ہیں۔
ماہانہ بنیاد پر جون 2026 میں صنعتی بجلی کی کھپت سب سے زیادہ رہی، جبکہ اپریل 2026 دوسرے نمبر پر رہا۔
گزشتہ سال کے مقابلے میں 20 فیصد سے زائد اضافہ
اعداد و شمار کے مطابق مالی سال 2025 میں صنعتی صارفین نے 5.04 ارب یونٹس بجلی استعمال کی تھی، جبکہ مالی سال 2026 میں یہ مقدار بڑھ کر 6.08 ارب یونٹس تک پہنچ گئی، جو 20 فیصد سے زائد سالانہ اضافہ ظاہر کرتی ہے۔
اس سے قبل مالی سال 2022 میں صنعتی بجلی کی کھپت 5.84 ارب یونٹس ریکارڈ کی گئی تھی، تاہم رواں مالی سال میں یہ ریکارڈ بھی ٹوٹ گیا۔
349 نئے صنعتی کنکشنز فراہم
کے الیکٹرک کے مطابق مالی سال 2026 کے دوران 349 نئے صنعتی کنکشنز جاری کیے گئے، جبکہ 273 صنعتی صارفین نے اپنے بجلی کے لوڈ میں اضافہ کیا، جس سے مجموعی طور پر 168 میگاواٹ اضافی طلب قومی گرڈ میں شامل ہوئی۔
اعلامیے میں کہا گیا کہ حکومت کی جانب سے صنعتوں کو کیپٹو پاور پلانٹس سے قومی گرڈ پر منتقل کرنے کی پالیسی، معاشی بحالی اور صنعتی پیداوار میں اضافے نے بھی بجلی کی طلب بڑھانے میں اہم کردار ادا کیا۔
کمپنی کا مزید کہنا ہے کہ صنعتی فیڈرز کی ریکوری کی شرح تمام صارفین کے مختلف زمروں میں سب سے بہتر رہی، جو بروقت بلوں کی ادائیگی اور لوڈشیڈنگ سے استثنیٰ کے درمیان مضبوط تعلق کو ظاہر کرتی ہے۔
کے الیکٹرک نے اس عزم کا اعادہ کیا کہ کراچی کی صنعتوں اور کاروباری سرگرمیوں کو قابل اعتماد اور بلا تعطل بجلی کی فراہمی آئندہ بھی اس کی اولین ترجیح رہے گی تاکہ ملکی معیشت کی ترقی میں اپنا کردار جاری رکھا جا سکے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا