وینٹیج گیمز کا اجرا: پاکستان میں نوجوانوں کے کھیلوں کی نئی دنیا
اشاعت کی تاریخ: 3rd, October 2025 GMT
وینٹیج گیمز کا باضابطہ آغاز ہو گیا جو پاکستان کا پہلا منظم قومی پلیٹ فارم ہے جو سکول، کالج اور یونیورسٹی کی سطح پر کھیلوں کو یکجا کرتا ہے، یہ پلیٹ فارم www.vantagegames.org پر دستیاب ہے۔اس کا مقصد کھیلوں کے جمود زدہ غیر مربوط اور مالی طور پہ نظر انداز شدہ بنیادی ڈھانچے کو پیشہ ورانہ صالحیت، تخلیقی سوچ دینا ہے۔وینٹیج گیمز کے ذریعہ اس بے ترتیبی کو ایک خاص ترتیب میں لایا جائے گا جس کو مسلسل نظرانداز کیا جا رہا ہے تاکہ نوجوانوں تک اس کے فوائد پہنچ سکیں۔ملک بھر میں اس کی ترسیل اور عملی طور پہ یقینی بنانے کے لیے وینٹیج گیمز نے تمام بورڈ آف انٹر میڈیٹ سے الحاق کر لیا ہے تاکہ بچوں کی ذہن سازی پہ کام کیا جائے اور انہیں سپورٹس سے وابستگی کے فوائد بتائے جائیں۔اس منصوبہ بندی کے بانی حیدر علی داؤد نے اپنے خیاالت کا اظہار کرتے ہوئے کہا ہے کہ موجود وقت عمل کا ہے اور بچوں کو تعلیمی شروعات سے ہی سپورٹس کی طرف مائل کرنا چاہیے تاکہ اچھے، مثبت اور توانا اذہان معاشرے کا حصہ بن سکیں اور ملک کی بہتری میں اپنا حصہ ڈال سکیں۔انہوں نے کہا ہے کہ کھیلیں صرف بچوں پہ ہی اثرانداز نہیں ہوتیں بلکہ اس کے اثرات اردگرد کے ماحول کو بھی توانا کر دیتے ہیں اور مجموعی طور پہ خوشحالی آتی ہے۔ان کا مزید کہنا تھا کہ وینٹیج گیمز صرف ایک یا دو دن کی منصوبہ بندی نہیں ہے اس کا اجراء پورا ایک سال ہوگا تاکہ بہتری کا عمل مسلسل اور لگاتار رہے، وینٹیج گیمز کو اس وقت اسٹرابری سپورٹس مینجمنٹ اور پاکستان سپورٹس الائنس مشترکہ طور پہ دیکھ رہی ہے۔
ذریعہ: Nawaiwaqt
کلیدی لفظ: وینٹیج گیمز طور پہ
پڑھیں:
پاکستانی گھڑ سوار نے ایشین گیمز کیلیے کوالیفائی کرلیا
پاکستان کے ٹاپ گھڑ سوار عثمان خان نے فرانس میں منعقد ہونے والے انٹرنیشنل تھری اسٹار ایونٹنگ مقابلے میں شاندار کارکردگی دکھاتے ہوئے ایشین گیمز 2026 کے لیے کوالیفائی کر لیا۔
تفصیلات کے مطابق عثمان خان نے اپنے گھوڑے ایڈن آف دی ورٹ کے ساتھ سی سی آئی تھری اسٹار لانگ فارمیٹ میں 59 رائیڈرز میں مجموعی طور پر چھٹی پوزیشن حاصل کی۔
عثمان خان ایونٹ میں سب سے نمایاں ایشیائی رائیڈر بھی ثابت ہوئے۔
اس شاندار کارکردگی کے ساتھ انہوں نے انٹرنیشنل ایکویسٹرین فیڈریشن کے قواعد کے مطابق ایشین گیمز کے لیے درکار کم از کم اہلیت کا معیار حاصل کرلیا۔
تین روزہ ایونٹ میں نیشنل پوزیشن کے مقابلے میں پاکستان نے مجموعی طور پر دوسری پوزیشن حاصل کی جبکہ میزبان فرانس پہلے نمبر پر رہا، بھارت کے رائیڈر آشیش لمائے نویں نمبر پر رہے۔
عثمان خان نے کہا کہ ایشین گیمز کے لیے کوالیفائی کرنا میرے لیے فخر کی بات ہے۔
ترقیاتی کاموں کو جلد از جلد مکمل کیا جائے‘ڈپٹی میئر