لرنر سے ریگولر لائسنس تک، اب جدید موبائل یونٹس کے ذریعےسہولت شہریوں کی دہلیز تک ممکن
اشاعت کی تاریخ: 3rd, October 2025 GMT
سٹی42: پنجاب بھر میں موبائل یونٹس کے ذریعے شہری اب اپنا لرنر لائسنس، لائسنس کی تجدید (رینیول)، اور ریگولر ڈرائیونگ لائسنس با آسانی حاصل کر سکیں گے۔ ریگولر لائسنس کے اجرا کے لیے جدید اے آئی بیسڈ ڈرائیونگ ٹیسٹنگ وینز بھی ان موبائل یونٹس کا حصہ ہوں گی۔
ڈی آئی جی ٹریفک وقاص نذیر کے مطابق صوبے بھر کے لیے 118 موبائل پولیس اسٹیشن اور لائسنسنگ یونٹس تیار کیے جا رہے ہیں جن میں سے 34 گاڑیاں مکمل طور پر تیار ہو چکی ہیں اور رواں ماہ وزیراعلیٰ پنجاب کے افتتاح کے بعد انہیں فیلڈ میں روانہ کر دیا جائے گا۔مزید بتایا گیا ہے کہ 118 میں سے 20 فیصد گاڑیاں خواتین کے لیے مخصوص ہوں گی تاکہ خواتین کو ان کی یونیورسٹیوں، کام کی جگہوں اور دیگر دور دراز علاقوں میں یہ سہولیات آسانی سے فراہم کی جا سکیں۔
نائٹ شفٹ میں کام کرنے والوں کو گردے کی پتھری کا زیادہ خطرہ ؛ تحقیق سامنے آگئی
ہر موبائل اسٹیشن میں 4 ٹرمینلز ہوں گے جن میں سے 2 پر لائسنسنگ جبکہ 2 پر ضلعی پولیس کے اہلکار اپنی ذمہ داریاں ادا کریں گے۔ یہ موبائل یونٹس جی پی ایس سسٹم کے ذریعے متعلقہ تھانوں سے منسلک ہوں گے جس سے شہری تھانے کے فرنٹ ڈیسک کی تمام سہولیات بھی ان موبائل اسٹیشنز کے ذریعے حاصل کر سکیں گے۔
ڈی آئی جی ٹریفک کے مطابق یہ یونٹس روزانہ کی بنیاد پر مختلف علاقوں میں روانہ کیے جائیں گے تاکہ دور دراز کے علاقوں، خواتین کی جامعات اور ورکنگ مقامات کو خصوصی طور پر ہدف بنایا جا سکے.
44 برس سے مسجد نبویﷺ میں قرآن مجید پڑھانے والے پاکستانی نژاد مدرس انتقال کرگئے
ذریعہ: City 42
کلیدی لفظ: سٹی42 موبائل یونٹس
پڑھیں:
پاکستان میں پہلی بار بنکرنگ لائسنس کا اجراء، سمندری معیشت میں انقلاب کی توقع
data-id="863a0a8" data-element_type="widget" data-widget_type="theme-post-content.default">
وفاقی وزیر برائے بحری امور محمد جنید انوار چوہدری نے اعلان کیا ہے کہ پاکستان میں پہلی بار بنکرِنگ (جہازوں کو ایندھن کی فراہمی) کے لیے تاریخی لائسنس جاری کر دیا گیا ہے۔ اس اہم اقدام کے ساتھ کراچی پورٹ پر عالمی معیار کی بنکرنگ سروس کا باقاعدہ آغاز بھی کر دیا گیا ہے۔
وفاقی وزیر کے مطابق پاکستان کی میری ٹائم انڈسٹری میں یہ بڑا بریک تھرو ہے جس میں متعدد بین الاقوامی کمپنیوں نے بھی لائسنس کے حصول میں دلچسپی ظاہر کی ہے۔ اس منصوبے سے مستقبل میں اربوں روپے کی آمدنی آنے کی توقع ہے، جو ملکی معیشت کے لیے نہایت اہم ہو گی۔
جنید انوار چوہدری نے بتایا کہ یہ سروس وزیراعظم کی خصوصی ہدایات پر شروع کی گئی ہے، اور اب کراچی پورٹ پر آنے والے جہازوں کو بین الاقوامی معیار کے فیول سپلائی سسٹم کی سہولت دستیاب ہو گی۔ ان کا کہنا تھا کہ عالمی معیار کی اس سروس سے کراچی پورٹ کی علاقائی مسابقت میں اضافہ ہوگا اور منظم نظام کے باعث غیرملکی شپنگ لائنز کی آمد بھی بڑھے گی۔
انہوں نے مزید کہا کہ کراچی پورٹ میں عالمی حفاظتی اور آپریشنل اسٹینڈرڈز نافذ کر دیے گئے ہیں۔ نئی بنکرنگ سروس سے مرمت، سپلائز اور میری ٹائم لاجسٹکس کے شعبوں میں روزگار کے مواقع بڑھیں گے، جبکہ ایندھن کے معیار، دستاویزات اور شفافیت کے حوالے سے بین الاقوامی اصولوں کی سختی سے پابندی کی جائے گی۔
یہ پیش رفت پاکستان کو خطے کی اہم میری ٹائم معیشتوں میں شامل کرنے کی طرف ایک بڑا قدم قرار دی جا رہی ہے۔
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ