دہشتگردی کے خاتمے کے لیے پائیدار پالیسی ضروری، وزیراعلیٰ خیبرپختونخوا سہیل آفریدی
اشاعت کی تاریخ: 12th, November 2025 GMT
وزیراعلیٰ خیبرپختونخوا سہیل آفریدی نے امن جرگہ سے خطاب کرتے ہوئے کہا ہے کہ دہشتگردی کے ناسور کا پائیدار اور مستقل حل نکالنا وقت کی اہم ضرورت ہے۔
وزیراعلیٰ نے کہا کہ ہم بار بار امن کی بات کرتے ہیں، جو بعض لوگوں کو پسند نہیں آتی، مگر امن تب ہی ممکن ہے جب دہشتگردی کا مکمل خاتمہ ہو۔ انہوں نے واضح کیا کہ بند کمروں کے فیصلوں سے امن قائم نہیں کیا جا سکتا۔
’سیاسی لوگوں کو ساتھ بیٹھا کر پالیسی بنائی جائے جس پر عملدرآمد ہو گا تو حل بھی نکلے گااور سب کو قابل قبول ہو گی۔ وہ پالیسی نہ بنائی جائے جس کے 3 سال بعد ہمیں بتایا جائے کہ جی! دہشتگردی سر اٹھا رہی ہے۔ وہ پالیسی بنائی جائے جس سے ہمیشہ کے لیے دہشتگردی ختم ہو۔‘
سہیل آفریدی نے کہا کہ سیاستدانوں کو بھی توانا، عمل و شعور والا فریق سمجھا جائے تاکہ وہ فیصلہ سازی کا حصہ بن سکیں۔
سیاسی لوگوں کو ساتھ بیٹھا کر پالیسی بنائی جائے جس پر عملدرآمد ہو گا تو حل بھی نکلے گااور سب کو قابل قبول ہو گی وہ پالیسی نا بنائی جائے جس کے تین سال بعد ہمیں بتایا جائے کہ جی دہشتگردی سر اٹھا رہی ہے وہ پالیسی بنائی جائے جس سے ہمیشہ کے لیے دہشتگردی ختم ہو ۔ سہیل آفریدی pic.
— WE News (@WENewsPk) November 12, 2025
پائیدار امن کی پالیسی کی ضرورتوزیراعلیٰ کا کہنا تھا کہ مختصر مدتی اقدامات کے بجائے پائیدار امن کے لیے جامع اور ٹھوس پالیسی تشکیل دی جائے۔
انہوں نے کہا کہ سیکیورٹی فورسز سمیت تمام اداروں کی قربانیوں سے 2018 میں صوبے میں امن قائم ہوا تھا، اور موجودہ حکومت اس امن کے تسلسل کے لیے ہر ممکن تعاون کرے گی۔
سہیل آفریدی نے کہا کہ انہوں نے کہا کہ خیبرپختونخوا کے ساتھ سوتیلی ماں جیسا سلوک ہو رہا ہے۔ سندھ کو ریونیو شئیرنگ کی مد میں 2.5 فیصد مل رہا ہے، پنجاب کو 2.3 فیصد مل رہا ہے لیکن خیبرپختونخوا جس نے 80000 سے زائد جانیں قربان کیں اپنا انفراسٹرکچر تباہ کروا لیا، اسے صرف 1 فیصد مل رہا ہے تو کسی کو بولنا اس لیے نہیں چاہیے کہ ہم آپ کا 2.5 فیصد اور 2.3 فیصد بھی برداشت کر رہے ہیں۔ سب کو ہم سے زیادہ ملا ہے۔ لیکن بات صرف خیبر پختونخوا کی ہورہی ہے، اس کا مطلب ہے کہ
انہوں نے کہا کہ وفاق کے ذمے نیٹ ہائیڈل پرافٹ کی مد میں 2200 ارب روپے کے بقایاجات ہیں۔ اگرچہ فاٹا کا انتظامی انضمام مکمل ہوچکا ہے، مگر معاشی انضمام تاحال نہیں ہوا۔
’ہم دلیل اور دلائل سے بات کریں گے، لیکن اگر بات نہ بنی تو پھر صوبے کے حق کے لیے سب کو متحد ہو کر کھڑا ہونا ہوگا۔‘
وزیراعلیٰ نے کہا کہ خیبرپختونخوا اور افغان عوام کا دین، ثقافت اور روایات مشترکہ ہیں۔
انہوں نے زور دیا کہ پاکستان میں امن کے قیام کے ساتھ ساتھ پڑوسی ممالک کے ساتھ تعلقات کو بگاڑنے سے گریز کیا جائے۔
’ہم پاکستان میں امن چاہتے ہیں لیکن ہمسایوں کے ساتھ تعلقات بہتر رکھنے کی ضرورت ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امن جرگہ وزیراعلیٰ خیبر پختونخوا سہیل آفریدیذریعہ: WE News
کلیدی لفظ: امن جرگہ وزیراعلی خیبر پختونخوا سہیل ا فریدی
پڑھیں:
’یہ ایک بزدلانہ کارروائی ہے‘، وزیراعلیٰ خیبرپختونخوا کی اسلام آباد میں خود کش دھماکے کی مذمت
وزیراعلیٰ خیبرپختونخوا سہیل آفریدی نے اسلام آباد میں ہونے والے خود کش دھماکے کی مذمت کی ہے۔
پشاور میں ایک تقریب سے خطاب کے دوران وزیراعلیٰ خیبر پختونخوا سہیل آفریدی کو اسلام آباد دھماکے کی اطلاع ملی، جس پر انہوں نے فوراً واقعے کی سخت مذمت کی۔
مزید پڑھیں: افغانستان کے ساتھ حالت جنگ میں ہیں، اسلام آباد اور وانا حملوں کا ایسا جواب دیں گے کہ دنیا دیکھے گی، خواجہ آصف
سہیل آفریدی نے کہاکہ مجھے ابھی بتایا گیا ہے کہ اسلام آباد میں دھماکا ہوا ہے، یہ ایک بزدلانہ کارروائی ہے جس کی ہم شدید الفاظ میں مذمت کرتے ہیں۔
انہوں نے مزید کہاکہ گزشتہ روز وانا میں کیڈٹ کالج پر ہونے والے حملے کی بھی ہم مذمت کرتے ہیں، مگر اس طرح کے واقعات سے ہم خوفزدہ نہیں ہوں گے، دہشتگردی کے خلاف ہمیشہ ڈٹ کر مقابلہ کیا ہے۔
وزیراعلیٰ نے کہاکہ امن کے قیام کے لیے پورے پاکستان، بالخصوص خیبر پختونخوا کے عوام نے بڑی قربانیاں دی ہیں، اور ہم ملک میں پائیدار امن واپس لانے کے لیے پُرعزم ہیں۔
اطلاع ملنے کے بعد وزیراعلیٰ سہیل آفریدی نے اپنی تقریر ادھوری چھوڑ کر فوری طور پر تقریب سے روانگی اختیار کرلی۔
قبل ازیں پی ٹی آئی نے اپنے جاری کردہ ایک بیان میں کہا تھا کہ ہم اسلام آباد دھماکے اور کیڈٹ کالج وانا پر ہونے والے حملوں میں شہید ہونے والے اہلکاروں اور شہریوں کے لیے گہرے دکھ اور افسوس کا اظہار کرتے ہیں، اور اللہ تعالیٰ سے دعا کرتے ہیں کہ وہ شہدا کے درجات بلند فرمائے، زخمیوں کو صحتِ کاملہ عطا کرے، اور متاثرہ خاندانوں کو صبر و حوصلہ دے۔
مزید پڑھیں: ملکی سلامتی پر کوئی سمجھوتہ نہیں کریں گے: پی ٹی آئی کی اسلام آباد اور وانا میں دہشتگردی کی مذمت
بیان میں کہا گیا کہ یہ حملے واضح کرتے ہیں کہ پاکستان کے دشمن خواہ اندرونی ہوں یا بیرونی ملک کو دوبارہ غیر یقینی اور خوف میں دھکیلنا چاہتے ہیں۔ پاکستان تحریکِ انصاف ملکی سلامتی، عوام کے تحفظ اور قومی خودمختاری پر کوئی سمجھوتہ نہیں کرےگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام آباد دھماکا سہیل آفریدی مذمت وزیراعلیٰ خیبرپختونخوا وی نیوز
امریکا نے بیلسٹک میزائل کا تجربہ کرنے سے قبل آگاہ کیا تھا: روس کا دعویٰ