چرچ آف انگلینڈ کی تاریخ میں پہلی خاتون آرچ بشپ آف کینٹربری مقرر
اشاعت کی تاریخ: 3rd, October 2025 GMT
data-id="863a0a8" data-element_type="widget" data-widget_type="theme-post-content.default">
لندن:۔ چرچ آف انگلینڈ نے اپنی 1,400 سالہ تاریخ میں پہلی بار خاتون کو آرچ بشپ آف کینٹربری مقرر کیا ہے۔ 63 سالہ سارہ ملَلی اس عہدے پر فائز ہونے والی پہلی خاتون ہیں۔
خاتون آرچ بشپ آف کینٹربری کی تعیناتی کا اعلان جمعہ کے روز کیا گیا، تاہم یہ فیصلہ فوری طور پر قدامت پسند اینگلیکن رہنمائوں، بالخصوص افریقا میں موجود کلیسائوں کی جانب سے تنقید کی زد میں آ گیا جو خواتین بشپ کی تقرری کے خلاف ہیں۔
ملَلی نہ صرف چرچ آف انگلینڈ کی سربراہی کریں گی بلکہ دنیا بھر میں موجود 8 کروڑ 50 لاکھ اینگلیکنز کی علامتی قیادت بھی ان کے ہاتھ میں ہوگی۔ ان کا سب سے بڑا چیلنج چرچ کے اندر قدامت پسندوں اور لبرل نظریات رکھنے والے اراکین کے درمیان بڑھتے ہوئے اختلافات کو کم کرنا ہوگا۔
کینٹربری کیتھیڈرل میں اپنے پہلے خطاب میں مللَلی نے چرچ میں جنسی استحصال کے اسکینڈلز اور سکیورٹی کے مسائل پر کھل کر بات کی اور برطانیہ میں یہود دشمنی کے بڑھتے رجحان کی بھی مذمت کی۔ انہوں نے کہا کہ مانچسٹر میں گزشتہ روز یہودی عبادت گاہ پر حملہ جس میں دو افراد ہلاک ہوئے، اس بات کا ثبوت ہے کہ نفرت ہمارے معاشروں کی دراڑوں سے سر اٹھا رہی ہے۔
مللَلی 2018 سے بشپ آف لندن کے طور پر خدمات انجام دے رہی ہیں اور وہ چرچ میں کئی لبرل اصلاحات کی حامی رہی ہیں۔ وہ ہم جنس جوڑوں کی سول شادیاں اور پارٹنرشپس میں برکت دینے کے حق میں بھی موقف اختیار کر چکی ہیں۔ ان کا کہنا تھا کہ وہ چرچ کے ہر مکتبہ فکر سے تعلق رکھنے والوں کو ساتھ لے کر چلیں گی “میرا مقصد ایسا چرواہا بننا ہے جو سب کی خدمت اور ان کے مشن کو پروان چڑھانے میں مدد کرے، چاہے وہ کسی بھی روایت سے ہوں”۔
ذریعہ: Jasarat News
پڑھیں:
تیز رفتار گاڑی کی ٹکرسے اسکوٹی چلانے والی 2 خواتین پل سے نیچے گرگئیں
data-id="863a0a8" data-element_type="widget" data-widget_type="theme-post-content.default">
251118-02-19
کراچی(مانیٹرنگ ڈیسک) سپر ہائی وے پر اسکوٹی چلانے والی دو خواتین گاڑی کی ٹکر سے پل سے نیچے گر گئیں، جس کے نتیجے میں ایک خاتون جاں بحق اور دوسری زخمی ہو گئی۔تفصیلات کے مطابق کراچی میں دنبہ گوٹھ دنبہ گوٹھ کے علاقے میں سپر ہائی وے پر اسکوٹی پر سوار دو حادثے کا شکار ہوگئیں، جہاں گاڑی کی ٹکر سے ایک خاتون جاں بحق اور دوسری زخمی ہوئی۔ریسکیو ذرائع نے بتایا کہ اسکوٹی چلانے والی دو خواتین گاڑی کی ٹکر سے پل سے نیچے گر گئیں تاہم زخمی خاتون کو فوری طور پر اسپتال منتقل کر دیا گیا ہے۔پولیس کا کہنا ہے کہ دونوں خواتین اسکول ٹیچر ہے، جو بہادر آباد کے اسکول میں پڑھاتی ہیں۔پولیس نے حادثے کے ذمہ دار کار ڈرائیور کو حراست میں لے لیا ہے اور واقعے کی تحقیقات جاری ہیں۔
نارووال: پولیس تشدد سے خاتون جاں بحق، 6 اہلکاروں کیخلاف مقدمہ درج