صمود فلوٹیلا پر حملہ قوانین کی خلاف ورزی ہے ،سید عریف اللہ
اشاعت کی تاریخ: 4th, October 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوآدم ( نمائندہ جسارت)صمود فلوٹیلا پر اسرائیلی حملے اور ٹرمپ کے نام نہاد امن معاہدے کے خلاف حافظ نعیم الرحمٰن کی ملک گیر اپیل پر جماعت اسلامی کے تحت ملک بھر میں احتجاجی مظاہروں کی طرح ٹنڈوآدم میں بھی پریس کلب کے سامنے احتجاجی مظاہرہ ، مقامی امیر سید عریف اللہ ، عبدالغفور انصاری ، مشتاق احمد عادل اور دیگر رہنماؤں کا مظاہرے سے خطاب ۔مقررین نے غزہ کے مظلوم عوام کے لیے امدادی سامان لے جانے والے سماجی کارکنوں کے قافلے “صمود فلوٹیلا” پر اسرائیلی حملے اور سابق امریکی صدر ٹرمپ کے نام نہاد امن منصوبے کے خلاف امیر جماعت اسلامی پاکستان حافظ نعیم الرحمٰن کی اپیل پر ملک بھر کی طرح ٹنڈوآدم میں بھی امیر جماعت اسلامی ٹنڈوآدم سید عریف اللہ کی قیادت میں احتجاجی مظاہرہ کیا گیا۔مظاہرین نے صمود فلوٹیلا پر حملے اور غزہ پر اسرائیلی جارحیت کے خلاف فلک شگاف نعرے لگائے۔ مقررین نے غزہ میں اسرائیلی درندگی کی شدید مذمت کی۔ رہنماؤں نے صمود فلوٹیلا پر حملے کو عالمی قوانین کی کھلی خلاف ورزی اور واضح دہشتگردی قرار دیا۔ مقررین نے عالمِ اسلام اور عالمی ضمیر سے مطالبہ کیا کہ وہ دم توڑتے غزہ کی حالت زار کا نوٹس لیں اور خونخوار اسرائیل کی فلسطین میں جاری نسل کشی کے خلاف مؤثر قدم اٹھائیں۔ آج ملک بھر میں حافظ نعیم الرحمن کی اپیل پر اسرائیلی جارحیت کی مذمت کے ساتھ ساتھ مظلوم فلسطینی عوام سے یکجہتی کا اظہار کیا جارہا ہے۔ انہوں نے کہا کہ اسرائیل نے فلسطین میں انسانیت کی تمام حدیں پار کر دی ہیں۔ عراق اور افغانستان میں جھوٹ کی بنیاد پر انسانیت کا قتلِ عام کرنے والے ٹونی بلیئر اور امریکی صدر امن کے دعویدار کیسے ہو سکتے ہیں؟ فلسطین کے لیے ٹرمپ اور ٹونی بلیئر کا 20 نکاتی منصوبہ دھوکہ ہے۔ حماس کو شامل کیے بغیر کیا گیا کوئی بھی فیصلہ یکطرفہ ہوگا۔ پاکستانی قوم کبھی بھی اسرائیل کو تسلیم نہیں کرے گی۔ اگر حکمران بانی پاکستان قائداعظم محمد علی جناحؒ کے اصولوں کے خلاف کوئی فیصلہ کریں گے تو انہیں چھپنے کی جگہ بھی نہیں ملے گی۔
ذریعہ: Jasarat News
کلیدی لفظ: صمود فلوٹیلا پر پر اسرائیلی ٹنڈوا دم کے خلاف
پڑھیں:
بابر اعظم کو آئی سی سی کوڈ آف کنڈکٹ کی خلاف ورزی پر جرمانہ
پاکستان کے مایہ ناز بیٹر بابر اعظم کو سری لنکا کے خلاف تیسرے ون ڈے انٹرنیشنل کے دوران آئی سی سی کوڈ آف کنڈکٹ کی خلاف ورزی کا مرتکب قرار دیتے ہوئے میچ فیس کا 10 فیصد جرمانہ عائد کردیا گیا ہے۔
آئی سی سی کے مطابق 31 سالہ بابر اعظم نے کھلاڑیوں اور معاون اسٹاف کے لیے مقرر کردہ ضابطہ اخلاق کی شق 2.2 کی خلاف ورزی کی۔ واضح رہے کہ یہ شق میچ کے دوران کرکٹ ساز و سامان، کپڑوں، گراؤنڈ کے آلات یا فکسچر کو نقصان پہنچانے سے متعلق ہے۔
مزید پڑھیں: 2 سال بعد سینچری اسکور کرکے بابر اعظم نے مخالفین کو کیا پیغام دیا؟
واقعہ سری لنکا کے خلاف تیسرے ایک روزہ میچ کے دوران پاکستان کی اننگز کے 21ویں اوور میں پیش آیا، جب آؤٹ ہونے کے بعد بابر اعظم غصے میں پویلین لوٹتے ہوئے اپنا بیٹ اسٹمپس کو لگا بیٹھے۔
خلاف ورزی ثابت ہونے پر بابر اعظم کو ایک ڈی میرٹ پوائنٹ بھی دے دیا گیا ہے، جو گزشتہ 24 ماہ میں ان کا پہلا ڈی میرٹ پوائنٹ ہے۔
آن فیلڈ امپائرز الیکس وارف اور رشید ریاض، تھرڈ امپائر شرف الدولہ ابن شاہد اور فورتھ امپائر فیصل آفریدی نے بابر اعظم پر الزام عائد کیا، جبکہ علی نقوی (ایمرٹس آئی سی سی انٹرنیشنل پینل آف میچ ریفریز) نے سزا تجویز کی۔
پاکستانی بیٹر نے اپنی غلطی تسلیم کرتے ہوئے سزا قبول کرلی، جس کے بعد باضابطہ سماعت کی ضرورت پیش نہ آئی۔
مزید پڑھیں: بابر اعظم کا ایک اور سنگ میل، پاکستان کے جانب سے سب سے زیادہ ون ڈے سینچریوں کا ریکارڈ برابر کردیا
آئی سی سی کے مطابق لیول 1 کی خلاف ورزی پر کم سے کم سرزنش اور زیادہ سے زیادہ 50 فیصد میچ فیس تک جرمانہ ہوسکتا ہے، جبکہ ایک یا 2 ڈی میرٹ پوائنٹس بھی دیے جا سکتے ہیں۔
یاد رہے کہ پاکستان نے سری لنکا کے خلاف سیریز میں وائٹ واش کیا جبکہ بابر اعظم نے شاندار کارکردگی دکھاتے ہوئے 165 رنز اسکور کیے، جن میں ان کی ریکارڈ 20ویں ون ڈے سنچری بھی شامل تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئین کے آرٹیکل6کی کلاز 2میں تبدیلی کا فیصلہ