بابر اعظم کو آئی سی سی کوڈ آف کنڈکٹ کی خلاف ورزی پر جرمانہ
اشاعت کی تاریخ: 18th, November 2025 GMT
پاکستان کے مایہ ناز بیٹر بابر اعظم کو سری لنکا کے خلاف تیسرے ون ڈے انٹرنیشنل کے دوران آئی سی سی کوڈ آف کنڈکٹ کی خلاف ورزی کا مرتکب قرار دیتے ہوئے میچ فیس کا 10 فیصد جرمانہ عائد کردیا گیا ہے۔
آئی سی سی کے مطابق 31 سالہ بابر اعظم نے کھلاڑیوں اور معاون اسٹاف کے لیے مقرر کردہ ضابطہ اخلاق کی شق 2.2 کی خلاف ورزی کی۔ واضح رہے کہ یہ شق میچ کے دوران کرکٹ ساز و سامان، کپڑوں، گراؤنڈ کے آلات یا فکسچر کو نقصان پہنچانے سے متعلق ہے۔
مزید پڑھیں: 2 سال بعد سینچری اسکور کرکے بابر اعظم نے مخالفین کو کیا پیغام دیا؟
واقعہ سری لنکا کے خلاف تیسرے ایک روزہ میچ کے دوران پاکستان کی اننگز کے 21ویں اوور میں پیش آیا، جب آؤٹ ہونے کے بعد بابر اعظم غصے میں پویلین لوٹتے ہوئے اپنا بیٹ اسٹمپس کو لگا بیٹھے۔
خلاف ورزی ثابت ہونے پر بابر اعظم کو ایک ڈی میرٹ پوائنٹ بھی دے دیا گیا ہے، جو گزشتہ 24 ماہ میں ان کا پہلا ڈی میرٹ پوائنٹ ہے۔
آن فیلڈ امپائرز الیکس وارف اور رشید ریاض، تھرڈ امپائر شرف الدولہ ابن شاہد اور فورتھ امپائر فیصل آفریدی نے بابر اعظم پر الزام عائد کیا، جبکہ علی نقوی (ایمرٹس آئی سی سی انٹرنیشنل پینل آف میچ ریفریز) نے سزا تجویز کی۔
پاکستانی بیٹر نے اپنی غلطی تسلیم کرتے ہوئے سزا قبول کرلی، جس کے بعد باضابطہ سماعت کی ضرورت پیش نہ آئی۔
مزید پڑھیں: بابر اعظم کا ایک اور سنگ میل، پاکستان کے جانب سے سب سے زیادہ ون ڈے سینچریوں کا ریکارڈ برابر کردیا
آئی سی سی کے مطابق لیول 1 کی خلاف ورزی پر کم سے کم سرزنش اور زیادہ سے زیادہ 50 فیصد میچ فیس تک جرمانہ ہوسکتا ہے، جبکہ ایک یا 2 ڈی میرٹ پوائنٹس بھی دیے جا سکتے ہیں۔
یاد رہے کہ پاکستان نے سری لنکا کے خلاف سیریز میں وائٹ واش کیا جبکہ بابر اعظم نے شاندار کارکردگی دکھاتے ہوئے 165 رنز اسکور کیے، جن میں ان کی ریکارڈ 20ویں ون ڈے سنچری بھی شامل تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: کی خلاف ورزی
پڑھیں:
بابراعظم اور محمد رضوان کے ون ڈے ریکارڈز پر کھلاڑیوں کا شاندار جشن، ویڈیو وائرل
قومی کرکٹ ٹیم کے کھلاڑیوں اور اسٹاف نے بلے باز بابراعظم کی جانب سے ون ڈے کرکٹ میں سب سے زیادہ سنچریاں بنانے اور وکٹ کیپر بیٹر محمد رضوان کے 100 بین الاقوامی میچ مکمل ہونے پر خصوصی تقریب کا اہتمام کیا، جس میں کیک کاٹ کر دونوں کھلاڑیوں کی کامیابیوں کا جشن منایا گیا۔
پاکستان کرکٹ بورڈ (پی سی بی) نے اس مختصر تقریب کی ویڈیو اپنے آفیشل ایکس اکاؤنٹ پر جاری کی۔ ویڈیو میں کھلاڑیوں کو بابراعظم اور محمد رضوان کی کارکردگی کو سراہتے اور مبارک باد دیتے دیکھا جاسکتا ہے، جبکہ ماحول خوشگوار قہقہوں سے گونجتا رہا۔
Cheers all around ???? Players & staff celebrate @babarazam258 Most ODI centuries ???????? & @iMRizwanPak 100 matches with laughs & cake ????#PAKvSL | #JeetKaScene pic.twitter.com/4Sn4bAi1rd
— Pakistan Cricket (@TheRealPCB) November 17, 2025
واضح رہے کہ سری لنکا کے خلاف ون ڈے سیریز کے دوران بابر اعظم تقریباً دو سال بعد سنچری اسکور کرنے میں کامیاب ہوئے۔ 2 سال بعد سینچری اسکور کرنے کے قومی ٹیم کے بلے باز بابر اعظم نے کہا ہے کہ انہوں نے ان کی پرفارمنس پر تنقید کرنے والوں کو نہ اب تک جواب دیا ہے نہ آگے جواب دیں گے۔
یہ بھی پڑھیں: 2 سال بعد سینچری اسکور کرکے بابر اعظم نے مخالفین کو کیا پیغام دیا؟
بابر اعظم نے کہا کہ بہت سارے لوگ ان کی سینچری کا انتظار کررہے تھے، مجھے اپنے آپ پر یقین تھا، لوگ اچھے فارم میں نہیں ہونے کے باوجود مجھے سپورٹ کررہے تھے۔
اس موقع پر محمد رضوان نے کہا کہ مجھے ابھی تک نہیں پتا ہے کہ ہماری پارٹنرشپ کتنی ہوئی ہے، ہمارے لیے سب سے اہم بورڈ اسکور بورڈ ہوتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم پاکستان کرکٹ ٹیم پی سی بی محمد رضوان
محراب پور: بیکری میں آتشزدگی ، لاکھوں کا سامان جل کر خاکستر