محراب پور: بیکری میں آتشزدگی ، لاکھوں کا سامان جل کر خاکستر
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">251112-2-2محراب پور(جسارت نیوز)بیکری میں آتشزدگی کا واقعہ،منگریو اور ڈیپر برادری میں گروہی تصادم ہوگیا متعدد افراد زخمی ،مورو پولیس تھانہ کی حدود میں واقع بلال بیکری میں اچانک آگ بھڑک اٹھی جس سے پوری بیکری کو اپنی لپیٹ میں نے لے لیا، فائر برگیڈ نے موقع پر پہنچ کر آگ بجھائی، بیکری مالکان کے مطابق انکا لاکھوں روپے کا نقصان ہوا ہے،گروہی تصادم کا واقعہ کنڈیارو پولیس تھانہ کی حدود میں منگریو اور ڈپیر برادری میں دوبارہ سے تصادم ہوگیا، جس میں لوہے کی راڈ، ڈنڈوں اور اینٹوں کا آزادنہ استعمال ہوا جس میں سلیم ڈیپر، علی بخش ڈیپر، علی حسن ڈیپر سمیت متعدد افراد زخمی ہوگئے جنہیں اسپتال منتقل کر دیا ہے تصادم کے بعد دونوں جانب سے فریقین مسلح ہوگئے، پولیس کے مطابق تین ہفتے قبل منگریو اور ڈیپر برادری کے نوجوانوں میں تصادم ہوگیا تھا علاقہ معززین کے فیصلے بعد کشیدگی کا خاتمہ ہوا تھا آج دوبارہ سے تصادم ہوگیا، فریقین کی رپورٹ درج کرکے پولیس مزید تفتیش کر رہی ہے۔ سیف اللہ
ذریعہ: Jasarat News
کلیدی لفظ: تصادم ہوگیا
پڑھیں:
لاہور، نقب زنی کے ملزم کی گرفتاری، کروڑوں مالیت کا مسروقہ سامان برآمد
لاہور:ڈی آئی جی انویسٹی گیشن سید ذیشان رضا کی ہدایات پر جرائم پیشہ عناصر کے خلاف کارروائیوں میں تیزی لاتے ہوئے لاہور پولیس نے نقب زنی کے ایک ملزم کو گرفتار کر لیا۔
ایس ایس پی انویسٹی گیشن محمد نوید کی سربراہی میں انچارج شاد باغ انویسٹی گیشن تنزیل الرحمٰن نے ملزم کو ٹریس کر کے گرفتار کیا۔
پولیس کے مطابق ملزم نے شہر کے مختلف علاقوں میں نقب زنی کی متعدد وارداتیں کی تھیں۔ دوران تفتیش یہ انکشاف ہوا کہ ملزم دن کے وقت گھروں کی ریکی کرتا اور رات کے وقت ان گھروں میں داخل ہو کر قیمتی سامان چوری کر لیتا تھا۔
ملزم سے برآمد ہونے والی اشیاء میں 70 تولے طلائی زیورات، آرٹیفشل جیولری، 6 قیمتی گھڑیاں، 2 ٹیبلٹس، موبائل فونز اور 6 عدد ایل سی ڈیز شامل ہیں۔
ایس ایس پی محمد نوید نے بتایا کہ ملزم کی گرفتاری کے بعد برآمد ہونے والے مال مسروقہ میں سے طلائی زیورات اور دیگر سامان کے مالکان کو واپس کر دیا گیا ہے۔
انہوں نے مزید کہا کہ جرائم پیشہ افراد کے خلاف بلا امتیاز کارروائیاں جاری رکھی جائیں گی تاکہ شہریوں کا تحفظ یقینی بنایا جا سکے۔
ڈی آئی جی انویسٹی گیشن سید ذیشان رضا اور ایس ایس پی محمد نوید نے شاد باغ انویسٹی گیشن کے انچارج تنزیل الرحمٰن اور ان کی ٹیم کی محنت کو سراہا اور ان میں تعریفی اسناد تقسیم کیں۔
موت کے 16 سال بعد بھی مقبولیت برقرار، مائیکل جیکسن سب سے زیادہ کمانے والے مرحوم موسیقار قرار