جماعت اسلامی حیدرآباد کے اسرائیلی مظالم کیخلاف 13 مقامات احتجاجی مظاہرے
اشاعت کی تاریخ: 4th, October 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)امیر جماعت اسلامی پاکستان حافظ نعیم الرحمن کی اپیل پر غزہ میں اسرائیلی مظالم،گلوبل صمود فلوٹیلا پر اسرائیل کے حملے اور مشتاق احمد خان کی گرفتاری کے خلاف جماعت اسلامی ضلع حیدرآباد کے تحت 13سے زائد مقامات پر احتجاجی مظاہرے کیے گئے۔امیر جماعت اسلامی حافظ طاہر مجید نے لطیف آباد زون Aمبارک مسجد لطیف آباد نمبر8، مدرسہ مظاہر العلوم، نائب امیر عقیل احمد خان اور ڈپٹی جنرل سیکریٹری حافظ سفیان ناصر نے زون وسطی ٹیلی گراف مسجد، ضلعی جنرل سیکرٹری محمد حنیف شیخ نے مسجد قباءہیر آباد، ڈپٹی جنرل سیکرٹری عبدالباسط خان نے سیری گاجا موری میں احتجاجی مظاہروں سے خطاب کیا جبکہ زون پھلیلی پریٹ آباد، زون آفندی ٹا¶ن، لطیف آباد زون Bعائشہ مسجد، قرطبہ مسجد، اقصی مسجد، زون شمالی لاکگا مسجد، زون حالی روڈ بیت المکرم مسجد، زون کوہسار میں بھی ناظمین زونز مشتاق احمد خان، خالد صدیقی، عامر فاروق، نصیر الدین ناصر، ظہیر الدین شیخ، عدنان دانش، سمیع الدین دلشاد کی زیر قیات مظاہرے کیے گئے۔ مقررین نے احتجاجی مظاہروں سے خطاب کرتے ہوئے کہا کہ اہل غزہ کو امدادی سامان خوراک و ادویہ پہنچانے والے کشتیوں کے قافلے گلوبل صمود فلوٹیلا پر اسرائیل کے حملے کے خلاف ملک بھر میں احتجاجی مظاہرے ہو رہے ہیں، گلوبل صمود فلوٹیلا میں جماعت اسلامی کے سابق سینیٹر مشتاق احمد خان سمیت دیگر 45 ممالک کے 500 شرکا پر اسرائیلی فوج کی جانب سے حملے اور گرفتاریاں انسانی حقوق کی علمبردار تنظیموں، اقوام متحدہ اور بالخصوص عالمی برادری کے منہ پر زور دار طمانچہ ہے کہ نہتے اور پر امن لوگوں کی گرفتاریوں کاعالمی برادری اس کا سخت نوٹس لے۔ سابق سینیٹر مشتاق احمد خان کی گرفتاری پوری قوم کیلئے ناقابلِ برداشت ہے، حکومت فوری اور موثر سفارتی اقدامات اٹھائے۔اسرائیلی بحریہ نے عالمی برادری کے منہ پر طمانچہ مارا ہے۔ اقوام متحدہ کی خاموشی لمحہ فکریہ ہے۔انہوں نے کہا کہ ڈونلڈ ٹرمپ کے نام نہاد امن معاہدے کو مسترد اور گلوبل صمود فلوٹیلاکے شرکاءکو گرفتار کرنے کی شدید مذمت کرتے ہیں انہوں نے کہا کہ ہمارے حکمران امریکا کے آگے گرے جارہے ہیں۔ انہوں نے مطالبہ کیا کہ سینیٹر مشتاق احمد خان سمیت تمام گرفتار کارکنوں کی فوری رہائی یقینی بنائی جائے۔
ذریعہ
ذریعہ: Jasarat News
کلیدی لفظ: مشتاق احمد خان گلوبل صمود
پڑھیں:
دوسرا ون ڈے: پاکستان کا آسٹریلیا کیخلاف ٹاس جیت کر فیلڈنگ کا فیصلہ
پاکستان نے تین ایک روزہ میچوں کی سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کیا ہے۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی ہے۔قومی ٹیم کے کپتان شاہین آفریدی کا کہنا تھا آسٹریلیا کے خلاف پہلا ون ڈے جیتنے والی ٹیم کو ہی برقرار رکھا گیا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ