پرنس ولیم اور ہیری کے درمیان برسوں پرانی رقابت کی وجہ کیا ہے؟
اشاعت کی تاریخ: 4th, October 2025 GMT
پرنس ولیم اور پرنس ہیری کے درمیان برسوں پرانی رقابت کی جڑ بچپن کے ایک غیر متوقع واقعے میں ہوسکتی ہے، یہ دعویٰ شہزادی ڈیانا کے سابق ملازم پال بوریل نے کیا ہے۔
پال بوریل کے مطابق ہیری کو ہمیشہ یہ احساس رہا کہ وہ ’اسپیر‘ ہیں اور ولیم کو فوقیت دی جاتی ہے۔ انہوں نے چینل 5 کی ڈاکیومنٹری ’دی پیلس واٹ دی رائل سرونٹس سا‘ میں بتایا کہ ایک موقع پر نینی نے ولیم کو مخاطب کرتے ہوئے کہا کہ میں تمہیں 3 ساسیجز دوں گی تاکہ تم بڑے اور مضبوط بنو کیونکہ تم ایک دن بادشاہ بنو گے۔
یہ بھی پڑھیں: شہزادہ ولیم و اہلخانہ کا ایڈیلیڈ کاٹیج چھوڑ کر فاریسٹ لاج منتقل ہونے کا اعلان، نئے پڑوسی پریشان
بوریل نے کہا کہ اس وقت ہیری کے چہرے پر حیرت اور دکھ نمایاں تھا، جیسے وہ سوچ رہا ہو کہ ولیم کو 3 اور مجھے صرف 2 کیوں ملے۔
پال بوریل جنہوں نے محض 18 سال کی عمر میں شاہی محل میں بطور فوٹمین سروس شروع کی اور بعد میں شہزادی ڈیانا کے ذاتی بٹلر کے طور پر ایک دہائی تک خدمات انجام دیں، نے دعویٰ کیا کہ انہوں نے ولیم اور ہیری کے تعلقات کو قریب سے دیکھا۔ ان کے مطابق 20 کی دہائی کے اوائل میں بھی ہیری کو یہ احساس رہتا تھا کہ وہ دوسرے نمبر پر ہیں۔
سابق شاہی پروٹیکشن آفیسر کین وارف کے مطابق، ہیری اگرچہ اندرونی کڑواہٹ رکھتے تھے لیکن ان کی شخصیت زیادہ خوش مزاج اور کھلے دل کی تھی، اس وجہ سے وہ لوگوں کو زیادہ قریب لگتے تھے۔
یہ بھی پڑھیں: برطانوی شہزادہ ہیری اچانک یوکرین کیوں پہنچے؟
یاد رہے کہ ہیری اور میگھن مارکل نے 2020 میں سینیئر شاہی حیثیت چھوڑ کر امریکا منتقل ہونے کا فیصلہ کیا، جہاں وہ اپنے 2 بچوں پرنس آرچی اور پرنسس للی بیٹ کے ساتھ مقیم ہیں۔
اس کے بعد سے دونوں بھائیوں کے درمیان فاصلے مزید بڑھ گئے ہیں۔ ستمبر کے اوائل میں ہیری نے 4 روزہ دورے پر برطانیہ کا سفر کیا اور اپنے والد کنگ چارلس سے 19 ماہ بعد پہلی بار ملاقات کی، تاہم اس دوران ولیم سے ملاقات نہیں ہوئی۔
دوسری جانب ولیم نے 3 اکتوبر کو ایک پروگرام میں اپنے بھائی کا ذکر کرتے ہوئے کہا کہ وہ کوشش کریں گے کہ ان کے بچوں کو وہ پرانے سخت روایتی حالات نہ جھیلنے پڑیں جو انہیں اور ہیری کو بچپن میں برداشت کرنے پڑے۔
یہ بھی پڑھیں: برطانوی شاہی خاندان کے افراد کونسے کھانے کھاتے ہیں اور کن کھانوں کو ہاتھ نہیں لگاتے؟
پرنس ولیم اور پرنس ہیری آخری بار ستمبر 2022 میں ملکہ الزبتھ دوم کے جنازے پر ایک ساتھ نظر آئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news برطانیہ پال بوریل پرنس جارج پرنس ولیم شاہی خاندان شہزادی ڈیانا.ذریعہ: WE News
کلیدی لفظ: برطانیہ پال بوریل پرنس ولیم شاہی خاندان شہزادی ڈیانا پرنس ولیم ولیم اور ہیری کے
پڑھیں:
پاکستان اور سری لنکا کے درمیان سیریز کا آخری ون ڈے آج کھیلا جائے گا
data-id="863a0a8" data-element_type="widget" data-widget_type="theme-post-content.default">
پاکستان اور سری لنکا کے درمیان تین ون ڈے میچوں کی سیریز کا تیسرا اور آخری مقابلہ آج راولپنڈی کرکٹ اسٹیڈیم میں شیڈول ہے۔ سیریز میں پاکستان کو 0-2 کی ناقابلِ شکست برتری حاصل ہے۔ گرین شرٹس نے پہلا میچ 6 رنز سے جیتا تھا جبکہ دوسرے ون ڈے میں شاندار کارکردگی دکھاتے ہوئے 8 وکٹوں سے کامیابی حاصل کی، جس کے ساتھ ہی ٹیم نے سیریز اپنے نام کر لی۔
میچ کے لیے سیکیورٹی کے انتہائی سخت اور فول پروف انتظامات کیے گئے ہیں۔ پولیس حکام کے مطابق نہ صرف آج کے ون ڈے بلکہ آئندہ ہونے والی سہ ملکی ٹی ٹوئنٹی سیریز کے لیے بھی جامع حفاظتی پلان ترتیب دیا گیا ہے۔
18 نومبر سے شروع ہونے والی ٹرائی نیشن ٹی 20 سیریز کی تیاریوں کے سلسلے میں پاکستان اور سری لنکا کے ٹی 20 اسکواڈز نے گزشتہ روز راولپنڈی کرکٹ اسٹیڈیم میں بھرپور پریکٹس سیشن بھی کیا، تاکہ اہم ٹورنامنٹ میں بہترین کارکردگی یقینی بنائی جا سکے۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن