’جب سعودی ڈاکٹروں نے غیرمعمولی آپریشن کے دوران پاکستانی شہری کی جان بچا لی‘
اشاعت کی تاریخ: 5th, October 2025 GMT
سعودی وزارتِ صحت نے ایک پاکستانی کی کہانی نشر کی ہے، جس کا مرکزی کردار سعودی وزارت صحت ہے۔
اس کہانی کا مرکزی خیال یہ ہے کہ ایک غیر معمولی کامیاب طبی کارروائی سے پاکستانی شہری نواز کی جان بچالی گئی تھی۔
محمد نواز .. طمّنا عليك. pic.twitter.com/cowut71ZWM
— وزارة الصحة السعودية (@SaudiMOH) October 3, 2025
2022 میں سعودی عرب کے شہر سکاکا میں کام کے دوران نواز کے سینے میں 13 سینٹی میٹر لمبی لوہے کی سلاخ گہرائی تک پیوست ہوگئی تھی۔
وزارتِ صحت کے مطابق مریض کو سانس لینے میں شدید دشواری کے باعث فوری طور پر سکاکا شہر کے مقامی اسپتال منتقل کیا گیا، جہاں اسکین سے انکشاف ہوا کہ سلاخ سینہ چیر کر اندرونی حصے تک پہنچ گئی ہے۔
صورتِ حال کی نزاکت دیکھتے ہوے نواز کے لیے خصوصی طور پر الرياض سے ماہر ڈاکٹروں کی ٹیم فوری طور پر سکاکا روانہ کی گئی۔ ٹیم نے شہزادہ متعب اسپتال میں ہنگامی بنیادوں پر ایک نازک آپریشن انجام دیا، جو قریباً ایک گھنٹے میں کامیابی سے مکمل ہوا۔
وزارتِ صحت نے بتایا کہ اس کیس کو اس وقت (جان بچاؤ) آپریشن کے طور پر لیا گیا، بعد میں مریض کی حالت مکمل طور پر مستحکم ہو گئی۔
پاکستانی شہری نواز نے اپنے پیغام میں کہاکہ میں اب بالکل ٹھیک ہوں، مجھے کوئی تکلیف نہیں، سعودی ڈاکٹروں اور وزارتِ صحت کا شکریہ جنہوں نے مجھے نئی زندگی دی۔
یہ بھی پڑھیں: سعودی عرب اے آئی ڈاکٹر کلینک کھولنے والا دنیا کا پہلا ملک بن گیا
نواز کی اس کہانی میں سعودی ڈاکٹر آپریشن کے دوران عربی زبان میں پاکستانیوں سے اظہارِ محبت کرتا ہوا بھی سنا جا سکتا ہے۔ ساتھ یہ بھی کہہ رہا ہے کہ پاکستانی ہمیشہ اچھا رزلٹ ہی دیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستانی کی جان بچا لی سعودی ڈاکٹر غیرمعمولی آپریشن وی نیوز.
ذریعہ
ذریعہ: WE News
کلیدی لفظ: پاکستانی کی جان بچا لی سعودی ڈاکٹر غیرمعمولی ا پریشن وی نیوز
پڑھیں:
چینی سائنسدانوں کی اہم پیش رفت، نیند بڑھانے والا قدرتی مالیکیول دریافت
دنیا بھر میں لاکھوں افراد بے خوابی اور نیند کی مختلف خرابیوں کا شکار ہیں، تاہم چینی سائنسدانوں نے ایک ایسے قدرتی مالیکیول کی نشاندہی کی ہے جو دماغ میں نیند کی خواہش کو بڑھانے میں اہم کردار ادا کرتا ہے۔ ماہرین کے مطابق یہ دریافت مستقبل میں بے خوابی اور دیگر نیند کے مسائل کے لیے نئی، محفوظ اور مؤثر ادویات کی تیاری میں اہم سنگ میل ثابت ہو سکتی ہے۔
چینی اکیڈمی آف سائنسز اور دیگر تحقیقی اداروں کے سائنسدانوں کی یہ تحقیق معروف سائنسی جریدےنیچر نیورو سائنس (Nature Neuroscience) میں شائع ہوئی ہے۔ تحقیق کے مطابق ٹرپٹامین (Tryptamine یا TrpA) نامی قدرتی مالیکیول دماغ کو یہ اشارہ دیتا ہے کہ جسم کو آرام اور نیند کی ضرورت ہے۔
محققین کا کہنا ہے کہ مناسب نیند انسانی صحت کے لیے انتہائی ضروری ہے، کیونکہ اسی دوران دماغ یادداشت کو منظم کرتا، نئی معلومات محفوظ بناتا اور روزمرہ سرگرمیوں کے دوران جمع ہونے والے فاضل مادوں کو خارج کرتا ہے۔ اس کے باوجود دنیا بھر میں بے خوابی، ذہنی دباؤ، ڈپریشن، بے چینی اور جسمانی گھڑی (سرکیڈین ردھم) کی خرابی کے باعث لاکھوں افراد مناسب نیند سے محروم رہتے ہیں۔
تحقیق کے دوران سائنسدانوں نے رات کو متحرک رہنے والے چوہوں اور دن میں سرگرم رہنے والے سوروں پر تجربات کیے۔ خصوصی فلوروسینٹ سینسر کی مدد سے جانوروں کے دماغی مائع میں ٹرپٹامین کی مقدار مختلف اوقات میں ریکارڈ کی گئی۔
نتائج سے معلوم ہوا کہ جتنا زیادہ وقت جانور جاگتے رہے، ان کے دماغی مائع میں ٹرپٹامین کی مقدار بھی اتنی ہی بڑھتی گئی۔ اس سے ظاہر ہوا کہ یہ مالیکیول جسم میں بڑھنے والے سلیپ پریشر یعنی نیند کی قدرتی طلب کی عکاسی کرتا ہے۔
مزید تحقیق سے پتا چلا کہ جاگنے کے دوران متحرک مخصوص اعصابی خلیے ٹرپٹامین خارج کرتے ہیں، جو بعد ازاں GPR139 نامی ریسیپٹر سے جڑ کر دماغ کے اس حصے کو متحرک کرتا ہے جو نیند کو فروغ دینے میں اہم کردار ادا کرتا ہے۔
سائنسدانوں نے تجرباتی طور پر ایسے مرکبات بھی استعمال کیے جو GPR139 ریسیپٹر کو متحرک کرتے ہیں۔ نتائج کے مطابق ان مرکبات سے نہ صرف نیند کا دورانیہ بڑھا بلکہ اس کے معیار میں بھی نمایاں بہتری دیکھی گئی۔
ماہرین کا کہنا ہے کہ اگر مستقبل کی تحقیقات میں یہی حیاتیاتی نظام انسانوں میں بھی ثابت ہو جاتا ہے تو بے خوابی اور دیگر نیند کی خرابیوں کے علاج کے لیے ایسی نئی ادویات تیار کی جا سکیں گی جو موجودہ ادویات کے مقابلے میں زیادہ محفوظ، مؤثر اور کم مضر اثرات کی حامل ہوں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار