سعودی وزیرِ تعلیم کا یومِ معلم پر اساتذہ کو خراجِ تحسین اور قدردانی
اشاعت کی تاریخ: 5th, October 2025 GMT
سعودی عرب کے وزیرِ تعلیم یوسف بن عبداللہ البنیان نے عالمی یومِ معلم کے موقع پر مملکت بھر کے اساتذہ اور معلمات کو خراجِ تحسین پیش کرتے ہوئے کہا ہے کہ اساتذہ قوم اور وطن کے مستقبل کے معمار ہیں۔
اپنے خصوصی پیغام میں انہوں نے کہا کہ مملکت اپنے معلمین اور معلمات کی خدمات پر فخر کرتی ہے جو نئی نسل کے دلوں میں علم، ہنر اور اقدار کی روشنی جگا رہے ہیں۔
یہ بھی پڑھیے: سعودی شہروں میں’مدینہ‘ مہمان نوازی میں سرفہرست، قیام کی شرح میں حیران کُن اضافہ
وزیرِ تعلیم نے کہا کہ آپ کے لیے ہماری جانب سے قدردانی اور وطن کی طرف سے شکریہ ہے۔ آپ ہی وہ لوگ ہیں جو امید کے بیج بوتے ہیں اور علم کی شمع سے آنے والے کل کو روشن کرتے ہیں۔
سعودی وزارتِ تعلیم کی جانب سے یومِ معلم کا اہتمام اساتذہ کے مقام کو سراہنے، ان کی خدمات کے اعتراف اور وژن 2030 کے تعلیمی اہداف کے حصول کے عزم کے طور پر کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اساتذہ کا عالمی دن استاد خراج تحسین سعودی عرب.
ذریعہ
ذریعہ: WE News
کلیدی لفظ: اساتذہ کا عالمی دن استاد
پڑھیں:
عالمی منڈی میں سونے کی قیمت میں کمی
عالمی منڈی میں سونے کی قیمت(Gold Rates) مسلسل دوسرے روز بھی دباؤ کا شکار رہی، کیونکہ امریکی فیڈرل ریزرو کی جانب سے آئندہ مہینوں میں شرح سود بڑھانے کے امکانات نے سرمایہ کاروں کو محتاط کر دیا ہے۔
برطانوی خبر رساں ادارے رائٹرز کے مطابق اسپاٹ گولڈ کی قیمت 0.4 فیصد کمی کے بعد 4,030.09 ڈالر فی اونس رہ گئی، جبکہ امریکی گولڈ فیوچرز بھی 0.4 فیصد کم ہو کر 4,033.20 ڈالر فی اونس پر آ گئے۔
مارکیٹ تجزیہ کاروں کے مطابق اگرچہ سونا ہفتہ وار بنیاد پر معمولی اضافے کی جانب گامزن ہے، تاہم بلند شرح سود کے خدشات کے باعث اس کی قیمتوں پر دباؤ برقرار ہے۔
مزیدپڑھیں:پاکستانی سفیر کی جانب سے پاکستان اور میانمار کی ممتاز کاروباری شخصیات کے اعزاز میں عشائیہ
ماہرین کا کہنا ہے کہ جب شرح سود میں اضافے کی توقع ہوتی ہے تو سونے جیسی ایسی سرمایہ کاری، جس پر منافع یا سود نہیں ملتا، نسبتاً کم پرکشش ہو جاتی ہے۔
سرمایہ کاروں کی نظریں اب آئندہ ہفتے ہونے والے امریکی فیڈرل ریزرو کے پالیسی اجلاس پر مرکوز ہیں۔ مارکیٹ کی توقع ہے کہ اس اجلاس میں شرح سود برقرار رکھی جائے گی، تاہم ستمبر میں شرح سود میں اضافے کے امکانات بدستور مضبوط سمجھے جا رہے ہیں
بھارت سے جنگ اور افغانستان میں کارروائی خارج ازامکان نہیں، وزیردفاع