کراچی میں بھتہ خور پھر سے سرگرم، ایک گروہ زیر حراست
اشاعت کی تاریخ: 6th, October 2025 GMT
کراچی میں ایک بار پھر بھتے کی پرچیاں آنے لگی ہیں، جے ڈی سی کے سربراہ ظفر عباس کے بعد کاروباری شخصیات کو بھی گولیوں کے ساتھ بھتے کی پرچیاں ملی ہیں جس کے بعد شہر میں ایک بار پھر کئی سال پرانی فضا قائم ہو رہی ہے۔
کاروباری برادری کو بھتہ کی دھمکیاں ملنے پر کراچی چیمبر آف کامرس نے ہنگامی سیکیورٹی الرٹ جاری کیا ہے، کراچی چیمبر کے مطابق کاروباری طبقے کو گولیوں کے ساتھ بھتہ کی پرچیاں بھیجنے کی اطلاعات سامنے آئی ہیں، ایک بار پھر بھتہ خوری کے واقعات تشویشناک اور شہر کے امن و امان کے لیے خطرناک ہے۔
یہ بھی پڑھیے: وزیراعلیٰ خیبرپختونخوا علی امین دہشتگردوں کو بھتہ دے کر صوبے میں رہ رہے ہیں، طلال چوہدری
کراچی چیمبر نے ہدایت جاری کی ہے کہ چیمبر اراکین اپنے دفاتر اور رہائش گاہوں پر جدید سی سی ٹی وی کیمرے نصب کریں، اراکین چیمبر سی سی ٹی وی کی ریکارڈنگ کا بیک اپ بھی محفوظ رکھیں، چیمبر اراکین ناخوشگوار واقعے کی سی سی ٹی وی فوٹیج چیمبر کے ساتھ شیئر کریں، کاروباری برادری کےساتھ ہیں، اراکین کے تحفظ کو یقینی بنائیں گے۔
چند روز قبل جے ڈی سی کے ظفر عباس سے بھاری بھتہ طلب کرنے والا انٹرنیشنل بلیک میلر گروہ بھی گرفتار ہوا ہے، پولیس کے مطابق معروف سماجی رہنما اور جے ڈی سی کے سربراہ ظفر عباس سے 14 کروڑ روپے ماہانہ اور 1 ارب 68 کروڑ روپے سالانہ بھتہ طلب کرنے والے انٹرنیشنل بلیک میلر گروہ کو حساس اداروں نے کارروائی کرتے ہوئے گرفتار کرلیا۔
یہ بھی پڑھیے: محمد شامی کو قتل کی دھمکی موصول، بھارتی کھلاڑی سے کتنا بھتہ مانگا گیا؟
رپورٹ کے مطابق بھاری نفری نے ملیر جعفر طیار سوسائٹی میں چھاپہ مار کر 3 سے 4 ملزمان کو حراست میں لے کر نامعلوم مقام پر منتقل کردیا جبکہ مزید ملزمان کی گرفتاری کے لیے چھاپے جاری ہیں۔
ذرائع کا کہنا ہے کہ یہ گروہ گزشتہ 40 سال سے سرگرم تھا اور اس دوران بڑے بزنس مین، بلڈرز، سیاسی و سماجی رہنماؤں اور دیگر کاروباری شخصیات سے بھاری بھتہ وصول کرتا رہا ہے، پولیس کی جانب سے گرفتار ملزمان سے تفتیش کا عمل جاری ہے۔
پولیس کے مطابق تفتیش کے دوران آنے والی معلومات کی بنیاد پر مزید گرفتاریاں ہو سکتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلیک میلر بھتہ خوری کراچی کراچی چیمبر.ذریعہ: WE News
کلیدی لفظ: بلیک میلر بھتہ خوری کراچی کراچی چیمبر کراچی چیمبر کے مطابق
پڑھیں:
سیف سٹی کا ورچوئل سینٹر فار چائلڈ سیفٹی، بچوں کے تحفظ اور بروقت مدد کے لیے سرگرمِ عمل
سیف سٹی کا ورچوئل سینٹر فار چائلڈ سیفٹی، بچوں کے تحفظ اور بروقت مدد کے لیے سرگرمِ عمل اب تک بچوں سے متعلق 1 لاکھ 18 ہزار سے زائد کیسز میں ورچوئل سنٹر فار چائلڈ سیفٹی سے رابطہ کیا گیا مجموعی کیسز میں سے 93 ہزار 120 کیسز آرٹیفیشل انٹیلیجنس کی مدد سے حل کیے گئے 18 ہزار 490 شکایات پر ایف آئی آرز درج کی گئیں، اور انصاف کی فراہمی کو یقینی بنایا گیا ورچوئل سینٹر فار چائلڈ سیفٹی نے 51 ہزار 472 بچوں کو بحفاظت اہل خانہ سے ملوایا گیا پاکستان بھر کے فلاحی اداروں کے 2407 سے زائد لاوارث بچوں کا ریکارڈ "میرا پیارا" سسٹم میں شامل کیا گیا فلاحی اداروں میں موجود بچوں میں سے گزشتہ 3 ماہ میں 970 بچوں کو اہل خانہ سے ملایا گیا۔ میرا پیارا ٹیم چائلڈ پروٹیکشن بیورو،ایدھی سنٹر سمیت دیگر اداروں کے ساتھ مشترکہ تعاون سے کام کر رہی ہے ، ترجمان ورچوئل سنٹر فار چائلڈ سیفٹی 24/7 بچوں کی حفاظت اور مدد کے لیے موجود ہے، بچوں سے متعلقہ شکایت کی صورت میں 15 پر کال کرکے 3 دبا کر ورچوئل سنٹر فار چائلڈ سیفٹی سنٹر میں رابطہ کریں، ترجمان سیف سٹیز
وزیراعظم آزادکشمیر کے خلاف تحریک عدم اعتماد جمع