پراپرٹی ٹیکس چوروں اورچوری کروانے والوں کےگردگھیراتنگ
اشاعت کی تاریخ: 8th, October 2025 GMT
سٹی42: پراپرٹی ٹیکس چوری کرنے والوں کے خلاف کارروائیاں تیز کر دی گئی ہیں۔ ڈی جی ایکسائز عمر شیر چٹھہ کی ہدایت پر پنجاب بھر میں ٹیکس نیٹ سے باہر یونٹس کی چیکنگ کا آغاز کر دیا گیا ہے۔
لاہور میں اربن یونٹ اور پلرا کے ڈیٹا کی بنیاد پر چیکنگ جاری ہے۔ گزشتہ تین ماہ کے دوران لاہور سے 46 ہزار نئے یونٹس کو ٹیکس نیٹ میں شامل کیا گیا، جبکہ پنجاب بھر سے مجموعی طور پر اب تک 1 لاکھ 20 ہزار یونٹس سسٹم میں لائے جا چکے ہیں۔
پاکستان میں8 اکتوبر کو آنیوالے تباہ کن زلزلے کو 20 برس بیت گئے، خوفناک یادیں آج بھی ذہنوں پر نقش
ڈی جی ایکسائز کے مطابق، پچھلے ایک سال میں 7 لاکھ سے زائد پراپرٹی یونٹس کو ٹیکس نیٹ میں شامل کیا گیا ہے، جس کے بعد ٹیکس دہندگان کی مجموعی تعداد 18 لاکھ سے بڑھ کر 25 لاکھ سے تجاوز کر گئی ہے۔
گزشتہ دو ہفتوں میں ہی 1300 سے زائد یونٹس کو سسٹم میں شامل کیا گیا ہے۔ اس عمل کی نگرانی ڈائریکٹر آڈٹ اینڈ انفورسمنٹ کر رہے ہیں، جبکہ ای ٹی اوز اور انسپکٹرز پر مشتمل 15 رکنی ٹیمیں چیکنگ کے فرائض سر انجام دے رہی ہیں۔
ڈرائیونگ لائسنس کے اجرا کا سلسلہ جاری، 2 لاکھ 17ہزار سے زائد شہری مستفید
رواں مالی سال کے لیے 33 ارب روپے پراپرٹی ٹیکس کا ہدف مقرر کیا گیا تھا، جس میں سے اب تک 13 ارب روپے وصول کیے جا چکے ہیں۔ ٹیکس چوری میں ملوث افراد سے بقایاجات کے ساتھ ٹیکس وصولی کا عمل جاری ہے، جبکہ ملی بھگت سے سسٹم میں شامل نہ کیے گئے یونٹس کے خلاف بھی سخت کارروائیاں ہو رہی ہیں۔
ذریعہ
ذریعہ: City 42
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار