کراچی(اُردو پوائنٹ اخبارتازہ ترین - این این آئی۔ 09 اکتوبر2025ء) حکومتی وفد کی صدر مملکت آصف علی زرداری سے ملاقات کی اندرونی کہانی سامنے آگئی، نوابشاہ میں صدرِ مملکت آصف علی زرداری سے نائب وزیرِاعظم اور وزیر خارجہ اسحاق ڈار اور اسپیکر قومی اسمبلی ایاز صادق نے ملاقات کی۔وفاقی وزیر داخلہ محسن نقوی بھی ملاقات میں موجود تھے، حکومتی وفد خصوصی جہاز پر نوابشاہ پہنچا تھا، حکومتی وفد نے صدر آصف زرداری کی خیریت دریافت کی۔

ذرائع کے مطابق ملاقات تعمیری اور خوشگوار ماحول میں ہوئی، ملاقات میں ملک میں سیکیورٹی اور سیاسی صورتحال کا جائزہ بھی لیا گیا، علاقائی اور عالمی امور پر بھی گفتگو بھی ہوئی۔ذرائع نے بتایا کہ نائب وزیرِاعظم اسحاق ڈار نے صدرِ مملکت کو اقوامِ متحدہ کی جنرل اسمبلی کے حالیہ اجلاس سے متعلق آگاہ کیا، اسحاق ڈار نے عالمی رہنمائوں سے ملاقاتوں اور اہم علاقائی معاملات پر صدر کو بریفنگ دی۔

(جاری ہے)

ذرائع نے بتایا کہ ملاقات میں پیپلز پارٹی اور ن لیگ کے رہنمائوں کے حالیہ بیانات کا جائزہ لیا گیا، وزیراعظم شہبازشریف کا خصوصی پیغام بھی صدر آصف زرداری کو پہنچایا گیا ہے۔ذرائع کے مطابق صدر زرداری نے کہا کہ ایاز صادق صاحب آپ کے ہوتے ہوئے بھی دیکھیں کیا ہورہا ہے، صدر زرداری نے مسکراتے ہوئے کہا ڈار صاحب بھی ہمیشہ افہام و تفہیم کی بات کرتے ہیں تو اب ایسا کیا ہوا، اپنے دوستوں سے بولیں سوچ سمجھ کر بیانات دیا کریں، صدر زرداری نے کہاکہ میں بھی پیپلز پارٹی کے رہنمائوں کو سمجھائوں گا کہ وہ بھی تحمل اور ذمہ داری کا مظاہرہ کریں۔

صدر آصف زرداری نے کہاکہ ہم تو کھلے دل سے جمہوریت کی خاطر آپ کے ساتھ تعاون کررہے ہیں، ہم نہیں چاہتے کہ بیانات کی وجہ سے معاملات خراب ہوں۔حکومتی وفد نے صدر زرداری کو یقین دہانی کرائی کہ اب مسلم لیگ ن کی طرف سے بھی کوئی متنازعہ بیان سامنے نہیں آئے گا، ملاقات میں پیپلز پارٹی اور ن لیگ کے مابین کشیدگی ختم کرنے پر اتفاق ہوا۔ دونوں طرف سے سخت بیانات نہ دینے پر بھی بات چیت ہوئی۔اس ملاقات کے بعد نائب وزیراعظم اسحاق ڈار اور سپیکر قومی اسمبلی سردار ایاز صادق واپس اسلام آباد پہنچ گئے،اسپیکر سردار ایاز صادق نے ملاقات کے نتائج پر اطمینان کا اظہار کیا۔.

ذریعہ: UrduPoint

کلیدی لفظ: تلاش کیجئے ملاقات میں حکومتی وفد اسحاق ڈار ایاز صادق

پڑھیں:

وزیراعظم شہباز شریف سے حکومتی مذاکراتی کمیٹی کی ملاقات، کشمیر میں کامیاب مذاکراتی عمل پر اظہارِ اطمینان

وزیراعظم محمد شہباز شریف سے آزاد کشمیر میں مذاکراتی عمل کی کامیابی کے بعد حکومتی مذاکراتی کمیٹی نے اسلام آباد میں ملاقات کی۔

ملاقات میں راجا پرویز اشرف، مشیرِ وزیراعظم رانا ثنا اللہ، وفاقی وزرا احسن اقبال، محمد اورنگزیب، سردار محمد یوسف، ڈاکٹر طارق فضل چوہدری، احد خان چیمہ اور چیئرمین یوتھ پروگرام رانا مشہود احمد خان شریک تھے۔

مزید پڑھیں: جموں کشمیر جوائنٹ ایکشن کمیٹی کے متحرک رہنما شوکت نواز میر کون ہیں؟

وزیراعظم نے مذاکراتی کمیٹی کے اراکین کی کوششوں کو سراہتے ہوئے کہا کہ کمیٹی نے کشمیر میں معاملات کو احسن انداز میں حل کیا۔

انہوں نے کہا کہ جوائنٹ ایکشن کمیٹی نے بھی کشمیری عوام کی ترقی و خوشحالی کے لیے معاملہ فہمی اور ذمہ داری کا مظاہرہ کیا، جو قابلِ تحسین ہے۔

وزیرِ اعظم شہباز شریف سے آزاد کشمیر میں مذاکرتی عمل کی کامیابی کے بعد حکومتی مذاکراتی کمیٹی کی ملاقات۔ راجا پرویز اشرف، رانا ثنا اللہ، احسن اقبال، محمد اورنگزیب، سردار محمد یوسف، ڈاکٹر طارق فضل چوہدری، احد خان چیمہ اور رانا مشہود احمد خان شریک تھے۔@pmln_org @AzmaBokhariPMLN pic.twitter.com/fAri9b7Mdx

— Media Talk (@mediatalk922) October 8, 2025

وزیراعظم شہباز شریف نے کہا کہ کشمیر کے تمام معاملات خوش اسلوبی سے حل ہو گئے ہیں اور کشمیری عوام کے تمام تحفظات کو دور کیا جائے گا۔

انہوں نے یقین دلایا کہ حکومت اپنے کشمیری بھائیوں کے مسائل کے حل کے لیے اقدامات جاری رکھے گی۔ عوامی مفاد اور امن ہماری اولین ترجیح ہے، ہم آزاد کشمیر کے عوام کی خدمت کرتے رہیں گے۔

مزید پڑھیں: ’ہم پاکستانی ہیں اور پاکستان ہمارا ہے‘ آزاد کشمیر جوائنٹ ایکشن کمیٹی کا پُرتشدد واقعات سے اظہار لاتعلقی

انہوں نے مزید کہا کہ ماضی میں بھی کشمیری عوام کے حقوق کے محافظ تھے اور آئندہ بھی ان کے حقوق کا تحفظ جاری رکھیں گے۔

وزیراعظم نے اس عزم کا اظہار کیا کہ حکومت کشمیری عوام کی امنگوں کے مطابق ان کی ترقی و خوشحالی کے لیے عملی اقدامات اٹھاتی رہے گی۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

آزاد کشمیر جوائنٹ ایکشن کمیٹی حکومتی مذاکراتی کمیٹی وزیراعظم محمد شہباز شریف

متعلقہ مضامین

  • صدر سے حکومتی وفد کی ملاقات، ن لیگ اور پی پی کو بیان بازی سے روک دیا گیا
  • حکومتی وفد کی صدر مملکت سے ملاقات میں اہم پیش رفت، ن لیگ اور پیپلزپارٹی بیان بازی روکنے پر رضامند
  • ن لیگ اور پیپلزپارٹی بیان بازی روکنے پر تیار
  • سیاسی درجہ حرارت کم کرنے کی کوششیں؛ صدر مملکت سے اسحاق ڈار، ایاز صادق اور محسن نقوی کی اہم ملاقات
  • وزیراعظم شہباز شریف کی وزیراعظم آزاد کشمیر کی ممکنہ تبدیلی سے متعلق مشاورت
  • علامہ صادق جعفری کی لیاقت بلوچ سے ملاقات، شہدائے راہ مقاومت کانفرنس میں شرکت کی دعوت
  • وزیراعظم شہباز شریف سے حکومتی مذاکراتی کمیٹی کی ملاقات، کشمیر میں کامیاب مذاکراتی عمل پر اظہارِ اطمینان
  • حکومتی ‘ وفدپی پی ملاقات ‘ ڈیڈلاک برقرار : زرداری نے محسن نقوی کو کراچی بلالیا 
  • برطانوی سیکرٹری خارجہ کی آ فر،علیمہ خان کے بیان پر حکومتی موقف سامنے آگیا