دفاعِ وطن کیلئے جانوں کا نذرانہ پیش کرنیوالے حقیقی ہیرو ہیں، علامہ محمد حسین اکبر
اشاعت کی تاریخ: 10th, October 2025 GMT
سربراہ ادارہ منہاج الحسینؑ کا کہنا ہے کہ وہ شہداء کے اہلِخانہ کے غم میں برابر کا شریک ہیں اور دعاگو ہیں کہ اللہ رب العزت شہداء کے درجات بلند فرمائے، انہیں جنت الفردوس میں اعلیٰ مقام اور ان کے لواحقین کو صبرِ جمیل عطا فرمائے۔ انہوں نے کہا کہ قوم ہمیشہ اپنے شہداء کی قربانیوں کو یاد رکھے گی اور دہشت گردی کے ناسور کیخلاف متحد ہو کر کھڑی رہے گی۔ اسلام ٹائمز۔ ادارہ منہاج الحسینؑ کے سربراہ علامہ ڈاکٹر محمد حسین اکبر کا کہنا ہے کہ اورکزئی میں دہشت گردوں کیخلاف آپریشن کے دوران پاک فوج کے جوانوں کی شہادت پر گہرے رنج و غم کا اظہار کرتے ہیں۔ انہوں نے کہا کہ وطنِ عزیز کی سلامتی اور بقاء کیلئے اپنی جانوں کا نذرانہ پیش کرنیوالے پاک فوج جوان قوم کے حقیقی ہیرو ہیں، ان کی قربانیاں رائیگاں نہیں جائیں گی اور پاکستان کی سرزمین ہمیشہ ان شہداء کی بدولت محفوظ و آباد رہے گی۔
علامہ محمد حسین اکبر نے کہا کہ وہ شہداء کے اہلِ خانہ کے غم میں برابر کا شریک ہیں اور دعاگو ہیں کہ اللہ رب العزت شہداء کے درجات بلند فرمائے، انہیں جنت الفردوس میں اعلیٰ مقام اور ان کے لواحقین کو صبرِ جمیل عطا فرمائے۔ انہوں نے کہا کہ قوم ہمیشہ اپنے شہداء کی قربانیوں کو یاد رکھے گی اور دہشت گردی کے ناسور کیخلاف متحد ہو کر کھڑی رہے گی۔
ذریعہ: Islam Times
پڑھیں:
پشاور ایف سی ہیڈکوارٹر حملہ قابلِ مذمت ہے، علامہ نثار قلندری
اپنے بیان میں سینئر نائب صدر جعفریہ الائنس نے مطالبہ کیا کہ ریاست ملک دشمن عناصر کے خلاف فیصلہ کن آپریشن کرے تاکہ عوام کا اعتماد بحال ہو اور پاکستان میں امن و سکون برقرار رہ سکے۔ اسلام ٹائمز۔ جعفریہ الائنس پاکستان کے سینئر نائب صدر علامہ نثار احمد قلندری نے پشاور میں فیڈرل کانسٹیبلری ہیڈکوارٹر پر خودکش حملے کی شدید الفاظ میں مذمت کرتے ہوئے اسے قومی سلامتی پر سنگین حملہ قرار دیا ہے۔ علامہ نثار احمد قلندری نے اپنے بیان میں شہداء کے اہلِ خانہ سے گہری تعزیت اور ہمدردی کا اظہار کرتے ہوئے کہا کہ بہادر ایف سی جوانوں نے اپنی جانوں کا نذرانہ دے کر بڑے سانحے کو ٹالا، جو خراجِ تحسین کے مستحق ہیں۔
انہوں نے کہا کہ گزشتہ چند ہفتوں سے ملک میں دہشت گردی کے واقعات خطرناک حد تک بڑھ چکے ہیں، وانا، اسلام آباد اور پشاور کے حملے اس بات کا ثبوت ہیں کہ دشمن قوتیں پاکستان کو دوبارہ دہشت گردی کی آگ میں جھونکنے کی کوشش کر رہی ہیں۔ علامہ نثار قلندری نے مزید کہا کہ قوم ریاستی اداروں سے موثر حکمتِ عملی، شفاف انٹیلی جنس شیئرنگ اور عملی اقدامات کی توقع رکھتی ہے، دہشت گردوں، ان کے سہولت کاروں اور مالی مددگاروں کے خلاف سخت کارروائی ناگزیر ہوچکی ہے۔
ڈی جی آئی ایس پی آر لیفٹیننٹ جنرل احمد شریف چوہدری کا قائداعظم یونیورسٹی اسلام آباد کا خصوصی دورہ