ایئرپورٹس پر جہازوں سے پرندے ٹکرانے کے واقعات میں اضافہ
اشاعت کی تاریخ: 14th, October 2025 GMT
ویب ڈیسک: سال 2025 میں ایئرپورٹس پر جہازوں سے پرندے ٹکرانے کے واقعات میں اضافہ ہوگیا۔
قومی ایئرلائن کی پروازوں کو رواں سال جنوری سے ستمبر تک 90 برڈ اسٹرائکس کا سامنا کرنا پڑا، قومی ایئرلائن کیساتھ گزشتہ سال اسی مدت کے دوران 83 برڈ اسٹرائکس رپورٹ ہوئیں۔
رواں سال ستمبر میں ہی 26 برڈ اسٹرائکس رپورٹ ہوئیں جو ایک ماہ میں ہونے والا تشویش ناک اضافہ ہے۔ لاہور اور اسلام آباد ایئرپورٹس پر پی آئی اے کو سب سے زیادہ برڈ اسٹرائکس ریکارڈ ہوئیں۔
ڈیلی ویجرز کی تنخواہوں میں اضافہ
قومی ائیرلائن کو رواں سال کراچی میں 9 ، لاہور میں 16 اور اسلام آباد میں 15 برڈ اسٹرائیک کے واقعات پیش آئے، برڈ اسٹرائکس کے باعث 8 طیاروں کو نقصان پہنچا، 82 معمولی نوعیت کے واقعات رپورٹ ہوئے۔
لینڈنگ اور اپروچ کے دوران سب سے زیادہ برڈ اسٹرائکس ہوئیں، لینڈنگ میں 21 جبکہ اپروچ میں 14 واقعات پیش آئے۔
ایئر لائن حکام کے مطابق اے 320 طیارے کے ساتھ سب سے زیادہ 68 برڈ اسٹرائکس کے واقعات ہوئے، برڈ اسٹرائکس کے بڑھتے واقعات نے نجی ایئرلائنز کی پروازوں کے شیڈول پر اثر ڈالا۔ برڈ اسٹرائکس کے باعث کئی نجی پروازوں کو تاخیر اور فنی معائنے کا سامنا کرنا پڑا۔
ماہرہ خان کا طویل عرصے بعد ٹی وی پر واپسی کا عندیہ
برڈ اسٹرائکس میں اضافہ ائیرپورٹس کے اطراف صفائی اور فضلہ کنٹرول کے نظام کی ناکامی کا نتیجہ ہے۔ پی آئی اے کے سیفٹی ڈپارٹمنٹ نے ائیرپورٹس پر برڈ کنٹرول سسٹم مزید مؤثر بنانے کی سفارش کر دی۔
ذرائع کا کہنا ہے کہ نجی ایئرلائنز کے برڈ اسٹرائکس کے واقعات پی آئی اے سے دو گنا زیادہ رپورٹ ہوئے جن کی مجموعی تعداد 180 تک جا پہنچی ہے۔
پاکستان ائیرپورٹس اتھارٹی کا کہنا ہے کہ پرندوں کے تدارک اور فضائی سلامتی کے حوالے سے عالمی معیار کے مطابق اقدامات کیے جارہے ہیں، برڈ اسٹرائکس ایک عالمی نوعیت کا چیلنج ہے، جس کے اثرات موسم، شہری آبادی کے پھیلاؤ اور ماحولیاتی عوامل سے بھی منسلک ہیں۔
ڈیلی ویجرزکی تنخواہوں میں اضافےکانوٹیفکیشن جاری
پاکستان ائیرپورٹس اتھارٹی نے کہا کہ وہ متعلقہ اداروں کے ساتھ رابطے میں ہیں تاکہ ہوائی اڈوں کے اطراف صفائی کے مؤثر انتظامات کرکے پرندوں کے خطرات میں کمی لائی جا سکے۔
Ansa Awais Content Writer.ذریعہ: City 42
کلیدی لفظ: لاہور لاہور برڈ اسٹرائکس کے کے واقعات میں اضافہ
پڑھیں:
ہفتہ وارمہنگائی،14 اشیاء مہنگی، 12 کے نرخوں میں کمی ریکارڈ، ادارہ شماریات
اسلام آباد(نیوز ڈیسک) ملک میں ہفتہ وار مہنگائی میں 0.73 فیصد اضافہ،سالانہ بنیاد پرمہنگائی 4.32 فیصد تک پہنچ گئی۔وفاقی ادارہ شماریات کی رپورٹ کےمطابق گزشتہ ہفتے14 اشیائےضروریہ مہنگی، 12 کے نرخوں میں کمی ریکارڈ کی گئی،25 اشیائے ضروریہ کی قیمتوں میں استحکام رہا۔
ادارہ شماریات کی رپورٹ کےمطابق ٹماٹر 28 فیصد،پیاز 10فیصد، آلو 4.58 فیصد تک سستے ہوئے، نمک، دال چنا، لہسن، انڈے، آٹا بھی سستی ہونے والی اشیاء میں شامل ہیں۔
رپورٹ کےمطابق دال مونگ،گھی،کوکنگ آئل،خشک دودھ کی قیمتوں میں اضافہ ہوا،چینی،گڑ،بیف، بجلی، ایل پی جی،سگریٹ،لکڑی بھی مہنگی ہوئی،مختلف شہروں میں چینی 179 سے 220 روپےکلو میں فروخت ہورہی ہے،چھوٹے طبقے کیلئے بجلی ٹیرف میں 11 فیصد سے زائد اضافہ ہوا۔
انتخابات میں ن لیگ کی کامیابی عوام کا اعتماد، وزیراعظم کی کارکردگی کو عالمی سطح پر تسلیم کیا جا رہا ہے: عطا تارڑ