آلات موسیقی (دوسرا اور آخری حصہ)
اشاعت کی تاریخ: 15th, October 2025 GMT
شہنائی
یہ الغورہ کی طرح موسیقی کا اہم ساز ہے اس کے بجانے کے اصول وہی ہیں جو بانسری کے ہیں لیکن اس میں سینے میں طاقت زیادہ درکار ہوتی ہے اسے ترقی دے کر بین باجا بنایا گیا ہے عام طور پر شہنائی کا استعمال شادی وغیرہ میں زیادہ کیا جاتا ہے۔
دف
موسیقی کا یہ آلہ ایک دائرے کی شکل کا ہوتا ہے جو عام طور پر جانوروں کی کھال سے ایک گول فریم کی صورت میں بنایا جاتا ہے، دائیں ہاتھ سے پکڑ کر بائیں ہاتھ سے بجایا جاتا ہے ۔
ڈفلی
دف اور ڈفلی دونوں موسیقی کے آلات ہیں لیکن دونوں میں فرق ہے۔ دف عام طور پر ایک بڑا آلہ موسیقی ہے جو انگلیوں سے بجایا جاتا ہے جب کہ ڈفلی ایک چھوٹا اور ہلکا آلہ ہے اسے ہاتھ کی ہتھیلیوں سے مار کر بجایا جاتا ہے۔
رباب
تار کے سازوں میں ایک اہم ساز ہے یہ صوبہ سرحد اور بلوچستان میں بے حق مقبول ہے۔ رباب کی ترقی یافتہ شکل سرود ہے ستار کی طرح یہ ساز گیتوں کے بجانے کے لیے موزوں ہے۔
چکارا
یہ آلہ موسیقی سارنگی کی غیر ترقی یافتہ شکل ہے اسے ’’سُر ساگر‘‘ کا نام بھی دیا جاتا ہے یہ ساز اپنی فنی دشواریوں کی وجہ سے عام نہ ہو سکا۔
دلربا
ستار اور سارنگی کے فنی اصولوں کو یکجا کرکے یہ ساز بنایا گیا ہے یہ بھی ایک مقبول ساز ہے۔
بین
یہ پھونک یعنی ہوا کا آلہ موسیقی ہے یہ لکڑی کی لمبی بانسری ہے جو روایتی طور پر کھوکھلی ہوئی لوکی سے بنائی جاتی ہے جوگویوں میں اس کا استعمال عام ہے۔
گٹار
یہ تار کا ساز ہے جو مغرب میں بہت مقبول ہے یہ ستار سے ملتا جلتا ہے پوپ موسیقی اور لائٹ موسیقی میں اس کا استعمال عام ہے۔
پیانو
یہ مغرب کا پرانا اور نہایت مقبول ساز ہے یہ Keyboard کے سازوں میں شمار ہوتا ہے ہمارے یہاں نغمہ نگار اسے دھن بنانے کے لیے استعمال کرتے ہیں۔
وائلن
یہ بھی مغربی ساز ہے اسے موسیقی کے تمام سازوں کا بادشاہ بھی کہا جاتا ہے اس کی آواز میں ایک ٹھہراؤ اور سکون کا احساس ہے۔
بینڈ
یہ مغربی ساز ہے جو عسکری موسیقی کا حصہ ہے۔ ہمارے یہاں شادی بیاہ اور جلسے جلوسوں میں اس کا استعمال ہوتا ہے۔
سازینہ
بہت سے سازوں کی ہم آہنگی اور امتزاج سے بجانے والے سازوں کی جماعت کو اردو میں سازینہ اور انگریزی میں ’’آرکسٹرا‘‘ کہتے ہیں عموماً اسٹیج پروگراموں میں اس کا استعمال عام ہے۔
ان آلات موسیقی کے علاوہ چمٹا اور گھڑا (مٹکا) جو ہمارے عام استعمال کی اشیا ہیں ان کو بھی بطور آلہ موسیقی استعمال کیا جاتا ہے اس کے علاوہ گھنگھرو اور تالی کو بھی بطور آلہ موسیقی استعمال کیا جاتا ہے۔
.ذریعہ: Express News
کلیدی لفظ: میں اس کا استعمال آلہ موسیقی جاتا ہے ساز ہے ہے اسے
پڑھیں:
اپنی ہی عوام کیخلاف طاقت کا استعمال درست نہیں ، آفاق احمد
ٹی ایل پی کی قیادت اورکے کارکنان پر پولیس کی فائرنگ اور شیلنگ کی شدیدمذمت کرتے ہیں
خواتین کو حراست میں لینا رویات کے منافی ، فوری رہا کیا جائے،چیئرمین مہاجر قومی موومنٹ
مہاجر قومی موومنٹ (پاکستان) کے چیئرمین آفاق احمد نے تحریک لبیک پاکستان کے مارچ پر پولیس کی جانب سے شیلنگ اور فائرنگ کی شدید الفاظ میں مذمت کرتے ہوئے کہا کہ طاقت کا اندھا دھند اور بے رحمانہ استعمال کسی بھی مسئلہ کا حل نہیں ،وفاقی و صوبائی حکومت طاقت کا استعمال بند کرکے مذاکرات کا راستہ اپنائے ۔ آفاق احمد نے کہا کہ ملک اسوقت نازک دور سے گزر رہا ہے، ہماری سرحدیں محفوظ ہیں نا اندرونی حالات بہتر ہیں ، ان حالات میں جس کسی نے بھی تحریک لبیک کے مارچ پر طاقت آزمائی کا مشورہ دیا وہ ملک و قوم کا خیر خواہ نہیں ہوسکتا ۔آفاق احمد نے کہا کہ خواتین اور بچوں کو حراست میں لینے کی اجازت ہمارا دین دیتا ہے نا ہماری روایات ! اخلاقیات کے منافی ہے، اس عمل سے نفرتیں بڑھنے سے علاوہ کچھ حاصل نہیں ہوگا ، میں حکومت ِ وقت سے مطالبہ کرتا ہوں کہ ٹی ایل پی سربراہ کے گھر کی خواتین کو فوری رہا کیا جائے۔ آفاق احمد نے کہا کہ ٹی ایل پی کیخلاف جو کچھ ہوا وہ نہیں ہونا چاہئے تھا، بہتر یہی ہے کہ دانشمندی کا مظاہرہ کیا جائے اور حکومت پنجاب و وفاق فوری طور پر اس واقعے کی تحقیقات کیلئے اعلیٰ سطحی کمیٹی تشکیل دے اور گرفتار کارکنان کو غیر مشروط رہا کیا جائے ۔ آفاق احمد نے ٹی ایل پی کی قیادت اورکے کارکنان سے بھی پرامن رہنے کی اپیل کرتے ہوئے کہا کہ درجہ حرارت کو بڑھانے سے گریز کیا جائے اور تمام معاملات مل بیٹھ کر افہام و تفہیم سے حل کئے جائیں۔
فلک جاوید کے جسمانی ریمانڈ میں دو روز کی توسیع