بالی ووڈ کے معروف اداکار اسرانی 84 برس کی عمر میں چل بسے
اشاعت کی تاریخ: 20th, October 2025 GMT
بالی ووڈ کے معروف اداکار اسرانی 84 برس کی عمر میں انتقال کر گئے۔
بھارتی میڈیا کے مطابق سینیئر اداکار اسرانی طویل عرصے سے علیل تھے اور گزشتہ کئی دنوں سے اسپتال میں زیرِ علاج تھے۔
ابتدائی زندگی اور تعلیم
یکم جنوری 1940 کو جے پور میں پیدا ہونے والے گووردھن اسرانی کے والد کا قالین کا کاروبار تھا، تاہم انہوں نے خاندانی پیشے میں دلچسپی نہیں لی۔
اسرانی نے ابتدائی تعلیم سینٹ زیویئرز اسکول جے پور سے حاصل کی اور راجستھان کالج سے گریجویشن مکمل کیا۔ بعد ازاں وہ آل انڈیا ریڈیو جے پور سے بطور وائس آرٹسٹ منسلک ہوگئے۔
View this post on Instagram
A post shared by India Today (@indiatoday)
فلمی کیریئر اور یادگار کردار
اسرانی نے فلمی سفر کا آغاز 1967 میں ریلیز ہونے والی فلم ’ہرے کانچ کی چوڑیاں‘ سے کیا، جس میں انہوں نے اداکار بسواجیت کے دوست کا کردار ادا کیا، اسی دوران انہوں نے کئی گجراتی فلموں میں مرکزی کردار بھی نبھائے۔
ان کے فنی کیریئر کا سب سے یادگار کردار فلم ’شعلے‘ میں جیلر کا تھا، جس نے انہیں بالی ووڈ میں ایک منفرد مقام دلایا۔
انہوں نے ہرشیکیش مکھرجی، گلزار اور بی آر چوپڑا جیسے نامور ہدایت کاروں کے ساتھ کام کیا اور اپنی ورسٹائل اداکاری سے فلمی دنیا میں ایک الگ پہچان بنائی۔
فلموں کا سفر اور کامیابیاں
پانچ دہائیوں پر مشتمل اپنے فنی سفر میں اسرانی نے ’میرے اپنے‘، ’کوشش‘، ’باورچی‘، ’پریچے‘، ’ابھی مان‘، ’چپکے چپکے‘، ’چھوٹی سی بات‘، ’رفو چکر‘ اور ’شعلے‘ سمیت درجنوں کامیاب فلموں میں اپنی صلاحیتوں کا مظاہرہ کیا۔
راجیش کھنہ کے وہ نہایت قریبی دوست تھے اور دونوں نے قریباً 25 فلموں میں ایک ساتھ کام کیا۔ بعد ازاں نئی نسل کی فلموں ’دھمال‘، ’بھول بھلیاں‘ اور ’بنٹی اور ببلی 2‘ میں بھی انہوں نے اپنی شاندار اداکاری سے ناظرین کو متاثر کیا۔
اداکار اسرانی کی وفات سے بھارتی فلم انڈسٹری ایک ورسٹائل اور مزاحیہ اداکار سے محروم ہوگئی ہے جنہوں نے اپنی منفرد اداکاری کے ذریعے کئی نسلوں کے دلوں میں جگہ بنائی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اداکار اسرانی انتقال بالی ووڈ چل بسے معروف اداکار وی نیوز.
ذریعہ
ذریعہ: WE News
کلیدی لفظ: اداکار اسرانی انتقال بالی ووڈ چل بسے معروف اداکار وی نیوز اداکار اسرانی بالی ووڈ انہوں نے
پڑھیں:
سندھ حکومت پولیس فورس کو جدید خطوط پر استوار کرنے کیلئے پرعزم ہے، وزیراعلیٰ سندھ
کراچی(ڈیلی پاکستان آن لائن) وزیر اعلیٰ سندھ مراد علی شایہ نے کہا ہے کہ سندھ حکومت پولیس فورس کو جدید خطوط پر استوار کرنے کیلئے پرعزم ہے۔
نجی ٹی وی چینل دنیا نیوز کے مطابق وزیراعلیٰ سندھ مراد علی شاہ نے کہا ہے کہ امن و امان کے قیام اور عوام کے جان و مال کے تحفظ میں سندھ پولیس کا کردار قابلِ ستائش ہے، سندھ پولیس عوام کے جان و مال کے تحفظ کے لیے ہر وقت تیار ہے، جدید تربیت یافتہ پولیس فورس امن و امان کے قیام میں کلیدی کردار ادا کرے گی۔
مراد علی شاہ نے پاسنگ آؤٹ پریڈ کی تقریب سے خطاب کرتے ہوئے کہا کہ پیشہ ورانہ مہارت، دیانتداری اور عوامی خدمت سندھ پولیس کی پہچان ہونی چاہیے، ہماری حکومت پولیس کی استعداد کار بڑھانے اور جدید سہولیات کی فراہمی کے لیے پرعزم ہے، نئی بھرتی ہونے والے جوان قانون کی بالادستی اور عوامی اعتماد کے فروغ میں اپنا بھرپور کردار ادا کریں۔
اداکارہ روما مائیکل اداکار شان بیگ سے شادی کے بندھن میں بندھ گئیں
وزیراعلیٰ سندھ نے پاس آؤٹ ہونے والے ریکروٹس کو مبارکباد پیش کرتے ہوئے روشن مستقبل کے لیے نیک تمناؤں کا اظہار کیا، تقریب کے اختتام پر وزیراعلیٰ سندھ نے ریکروٹس اور افسران کے ساتھ گروپ فوٹو بھی بنوایا۔
بھارت سے جنگ اور افغانستان میں کارروائی خارج ازامکان نہیں، وزیردفاع