بہار اسمبلی انتخابات کیلئے "عظیم اتحاد" نے آج اپنا منشور جاری کردیا
اشاعت کی تاریخ: 28th, October 2025 GMT
تیجسوی یادو نے این ڈی اے سے یہ بھی کہا کہ وہ بتائے کہ بہار کی ترقی کیلئے انکے پاس کیا منصوبہ ہے اور وہ ریاست کو کیسے آگے لیکر جائیںگے۔ اسلام ٹائمز۔ بہار اسمبلی انتخابات سے صرف 10 دن پہلے عظیم اتحاد نے اپنا انتخابی منشور جاری کر دیا ہے۔ راشٹریہ جنتا دل (آر جے ڈی) کے رہنما اور عظیم اتحاد کی طرف سے وزیراعلٰی کے امیدوار تیجسوی پرساد یادو نے اسے "تیجسوی عہد نامہ" کا نام دیا ہے۔ یہ منشور اگلے پانچ برسوں کے لئے ریاست کی ترقی کا روڈ میپ پیش کرے گی۔ تیجسوی یادو نے کہا کہ یہ عہد نامہ بہار کو ملک کی نمبر ون ریاست بنانے کا ویژن دستاویز ہے۔ عظیم اتحاد کے منشور کو جاری کرنے سے پہلے نامہ نگاروں سے بات کرتے ہوئے تیجسوی یادو نے این ڈی اے کو نشانہ بنایا۔ انہوں نے کہا کہ وہ چاہتے ہیں کہ این ڈی اے اپنے وزیراعلیٰ امیدوار کا اعلان کرے۔ تیجسوی یادو نے این ڈی اے سے یہ بھی کہا کہ وہ بتائے کہ بہار کی ترقی کے لئے ان کے پاس کیا منصوبہ ہے اور وہ ریاست کو کیسے آگے لے کر جائیں گے۔
تیجسوی یادو نے چھٹھ پوجا کے دوران بہار سے نقل مکانی کرنے والے لوگوں کی حالت زار پر مرکزی حکومت پر بھی تنقید کی۔ انہوں نے کہا کہ وہ آج سے انتخابی مہم چلا رہے ہیں۔ تیجسوی نے کہا کہ اس بار بہار کے لوگ تبدیلی کے موڈ میں ہیں۔ بہار سے باہر رہنے والوں اور روزی روٹی کے لئے باہر جانے والوں نے دیکھا ہوگا کہ چھٹھ کے دوران وہ کس حالت میں واپس آئے۔ تیجسوی نے کہا کہ یہ دیکھ کر دکھ ہوا کہ وزیر ریلوے نے 12000 خصوصی ٹرینیں چلانے کا وعدہ کیا تھا، لیکن جس طرح سے لوگ اپنے گھر لوٹے ہیں، اس سے اندازہ ہوتا ہے کہ انہوں نے بہار کے لوگوں کو صرف دھوکہ دیا ہے۔
کانگریس لیڈر راہل گاندھی منشور کے جاری ہونے کے ایک دن بعد بدھ کو بہار میں اپنی انتخابی مہم شروع کریں گے، وہ تیجسوی یادو کے ساتھ مشترکہ ریلیاں نکالیں گے جس میں مظفر پور اور دربھنگہ جیسے اضلاع میں بڑے پروگرام بھی شامل ہیں۔ سیاسی تجزیہ کاروں کا خیال ہے کہ راہل تیجسوی جوڑی سے عظیم اتحاد کو مضبوطی ملے گی۔ دیگر پارٹیوں کے ساتھ ساتھ بہار کے عوام بھی ان کے وعدوں کا بے صبری سے انتظار کر رہے تھے۔ بہار انتخابات کا پہلا مرحلہ چھ نومبر کو ہونا ہے لیکن این ڈی اے نے ابھی تک اپنا منشور جاری نہیں کیا ہے اور نہ ہی اس نے اپنے وزیراعلٰی کے امیدوار کا اعلان کیا ہے۔ تیجسوی گرینڈ الائنس کے منشور کو جاری کرکے این ڈی اے کو اس کے وژن اور منصوبوں پر گھیرنے کی حکمت عملی اپنا رہے ہیں۔
ذریعہ: Islam Times
کلیدی لفظ: تیجسوی یادو نے عظیم اتحاد کہا کہ وہ نے کہا کہ
پڑھیں:
صدر کی منظوری کے بعد گلگت بلتستان انتخابات کا شیڈول جاری
data-id="863a0a8" data-element_type="widget" data-widget_type="theme-post-content.default">
صدر مملکت آصف علی زرداری کی منظوری کے بعد الیکشن کمیشن آف پاکستان (ای سی پی) نے گلگت بلتستان اسمبلی کے عام انتخابات کا باضابطہ شیڈول جاری کر دیا ہے۔
الیکشن کمیشن کی جانب سے جاری کردہ نوٹیفکیشن کے مطابق گلگت بلتستان میں ووٹنگ 24 جنوری 2026 کو ہوگی، شیڈول میں کاغذاتِ نامزدگی جمع کرانے، ان کی جانچ پڑتال، اعتراضات، اپیلوں اور حتمی فہرست سمیت تمام انتخابی مراحل کی تاریخیں بھی شامل ہیں، جس کے بعد خطے میں انتخابی سرگرمیوں کا باضابطہ آغاز ہو گیا ہے۔
نوٹیفکیشن کے مطابق امیدوار اپنے کاغذات نامزدگی 15 دسمبر تک جمع کرا سکیں گے، جب کہ امیدواروں کی ابتدائی فہرست 23 دسمبر کو جاری کی جائے گی۔
کاغذات کی جانچ پڑتال یا اسکروٹنی کا عمل 30 دسمبر کو ہوگا اور اپیلوں کے فیصلے 10 جنوری کو دیے جائیں گے۔ اس کے بعد امیدواروں کی حتمی فہرست 11 جنوری کو شائع کی جائے گی اور کاغذات نامزدگی واپس لینے کی آخری تاریخ 12 جنوری مقرر کی گئی ہے۔ انتخابی نشان کی الاٹمنٹ 13 جنوری کو ہوگی، جبکہ گلگت بلتستان میں پولنگ 24 جنوری کو منعقد ہوگی۔
گلگت بلتستان اسمبلی میں مجموعی طور پر 33 نشستیں ہیں، جن میں سے 24 پر براہِ راست انتخابات ہوں گے، 6 مخصوص نشستیں خواتین کے لیے مختص ہیں اور 3 نشستیں ٹیکنوکریٹس کے لیے مخصوص ہیں۔
الیکشن کمیشن گلگت بلتستان نے عام انتخابات کی تیاریوں کے سلسلے میں تمام اضلاع کے لیے ڈسٹرکٹ ریٹرننگ افسران (ڈی آراوز) کی تقرری مکمل کر دی ہے، جس کے بعد انتظامی امور کو حتمی شکل دینے کا مرحلہ تیز ہو گیا ہے۔
نوٹیفکیشن کے مطابق گلگت میں امیر حمزہ، غذر میں لقمان حکیم، اسکردو میں خورشید احمد، دیامر میں سہیل احمد خان اور ہنزہ میں ڈپٹی کمشنر نظام الدین کو ڈی آراو تعینات کیا گیا ہے۔
اسی طرح استور میں منہاج علی راجہ، نگر میں منحس حسین، گانچھے میں محمد اسحاق، کھرمنگ میں ایڈیشنل سیشنز جج محمد شریف اور شگر میں منظور حسین کو ڈسٹرکٹ ریٹرننگ افسر مقرر کیا گیا ہے۔
تجزیہ کاروں کے مطابق انتخابات کے اس شیڈول سے سیاسی جماعتوں کو امیدواروں کی تیاری اور مہم چلانے کے لیے مناسب وقت میسر آئے گا، اور یہ خطے میں سیاسی عمل کو شفاف اور منظم انداز میں آگے بڑھانے میں مددگار ثابت ہوگا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر