گلگت بلتستان و آزاد کشمیر کو این ایف سی فنڈز دیے جائیں: نواز شریف
اشاعت کی تاریخ: 12th, December 2025 GMT
نواز شریف—فائل فوٹو
سابق وزیرِ اعظم اور حکمراں جماعت ن لیگ کے صدر نواز شریف نے گلگت بلتستان اور آزاد کشمیر کو بھی نیشنل فنانس کمیشن (این ایف سی) ایوارڈ کے تحت فنڈز ملنے کی حمایت کر دی۔
آزاد کشمیر اور گلگت بلتستان کے پارٹی عہدے داروں سے خطاب میں نواز شریف نے کہا کہ این ایف سی ایوارڈب ھیک نہیں یہ تو حق ہے۔
انہوں نے کہا کہ گلگت بلتستان اور آزاد کشمیر کو این ایف سی کے تحت فنڈز ملنے چاہئیں، اس بارے میں وزیرِ اعظم شہباز شریف سے بات کروں گا۔
نواز شریف نے کہا کہ آزاد کشمیر اور گلگت بلتستان میں وفاق پیسے دے بھی تو ٹھیک طریقے سے خرچ نہیں ہوتے۔
اُن کا کہنا ہے کہ پنجاب ترقی یافتہ صوبہ ہے، جہاں منصوبے تیزی سے مکمل ہو رہے ہیں، چاہتے ہیں آزاد کشمیر اور گلگت بلتستان میں کامیابی حاصل کریں۔
سابق وزیرِ اعظم نے کہا کہ پاکستان کے قومی الیکشن ہوں یا کسی صوبے کے، ہم نے میرٹ پر کبھی سمجھوتا نہیں کیا، ہدایت کرتا ہوں کہ پرانے ساتھیوں کو میرٹ پر ٹکٹ دیا جائے۔
نواز شریف نے کہا کہ چاہتے ہیں کہ آزاد کشمیر اورگلگت بلتستان میں ن لیگ کامیابی حاصل کرے، ہمیں بہترین امیدواروں کا انتخاب کرنا چاہیے۔
انہوں نے کہا کہ انتخابی ٹکٹوں کی تقسیم کے لیے میرٹ کا نفاذ بہت ضروری ہے، میرٹ ہی ہمیشہ ہمارا نصب العین رہا ہے، پارٹی اصولوں پر کبھی سمجھوتا نہیں کیا جائے گا۔
ن لیگی صدر نے کہا کہ بہت سے لوگ ٹکٹ کے لیے آئیں گےخ ہمیں پہچان رکھنی ہے کہ کون اپنا ہے اور کون پرایا ہے، امیدواروں کی جیت کے لیے سب کو مل کرنا کام کرنا ہو گا۔
اُن کا کہنا ہے کہ آزاد کشمیر اور گلگت بلتستان میں رائے عامہ بہتر لگتی ہے، وزیرِ اعظم سے کہوں گا کہ جی بی اور آزاد کشمیر کو این ایف سی ایوارڈ کے تحت فنڈز دیے جائیں۔
نواز شریف نے کہا کہ اس فیصلے کی خلاف ورزی کسی صورت برداشت نہیں کی جائے گی، ہم نے صوبوں میں جو سرمایہ کاری کی ہے اس کے مقابلے میں این ایف سی ایوارڈ بھی پیچھے رہ جائے گا۔
.
ذریعہ
ذریعہ: Jang News
کلیدی لفظ: ا زاد کشمیر اور گلگت بلتستان نواز شریف نے کہا کہ گلگت بلتستان میں زاد کشمیر کو نے کہا کہ ا ایف سی
پڑھیں:
پی ٹی آئی کے علاوہ سب کو انتخابی مہم کی اجازت ہے، شفیع جان
تحریک انصاف کے رہنما شفیع جان نے کہا ہے کہ گلگت بلتستان میں پی ٹی آئی کے علاوہ باقی تمام جماعتوں کو انتخابی مہم چلانے کی اجازت ہے، نواز شریف اور بلاول بھٹو زرداری بھی کیمپین کر رہے ہیں۔
ایک بیان میں انہوں نے کہا کہ اگر تحریک انصاف کا کوئی وزیر وہاں ہوتا تو الیکشن کمیشن حرکت میں آچکا ہوتا۔ الیکشن کمیشن کی یہ خاموشی ہمیں سمجھ نہیں آرہی۔
شفیع جان کا کہنا تھا کہ پی ٹی آئی نے گلگت بلتستان ڈیموکریٹک موومنٹ سے الحاق کیا تو اُس کو بھی کینسل کر دیا گیا اور ہمارے اُمیدواروں کو آزاد ڈیکلیئر کر دیا گیا ۔
انہوں نے کہا کہ گلگت بلتستان کے عوام فیصلہ کر چکے ہیں، 7 جون کو تحریک انصاف کامیاب ہو گی۔ ہم اپنے ووٹ کو محفوظ بنانے کے مکینزم پر کام کر رہے ہیں۔
پی ٹی آئی رہنما کا کہنا تھا کہ فارم 47 کی ایک اور واردات کی تیاری کی جارہی ہے وہ ہم کرنے نہیں دیں گے۔ اس کے خلاف ہمیں اگر گلگت بلتستا ن بند کرنا پڑا تو یہ بھی کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ