حضرت فاطمہ الزہراءؑ کی سیرتِ طیبہ عدل، حیا، وفا، شجاعت کا کامل نمونہ ہے، سید علی رضوی
اشاعت کی تاریخ: 12th, December 2025 GMT
آغا سید علی رضوی نے کہا کہ اس مبارک دن کا تقاضا ہے کہ ہم سیدہ کائناتؑ کے اسوۂ حسنہ سے رہنمائی حاصل کرتے ہوئے دینِ حقیقی کی خدمت، عدل کے قیام اور مظلومین کی حمایت کے مشن کو آگے بڑھائیں۔ اسلام ٹائمز۔ مجلس وحدت مسلمین گلگت بلتستان کے صوبائی صدر آغا سید علی رضوی نے یومِ ولادتِ باسعادت حضرت سیدہ فاطمہ الزہراء سلام اللہ علیہا کے موقع پر عالمِ اسلام، ملتِ جعفریہ اور عاشقانِ اہلِ بیتؑ کو دلی مبارکباد پیش کی ہے۔ اپنے خصوصی پیغام میں انہوں نے کہا کہ مادرِ حسنینؑ، سیدہ نساء العالمین حضرت فاطمہ الزہراءؑ کی سیرتِ طیبہ عدل، حیا، وفا، شجاعت اور ولایتِ علوی سے وابستگی کا کامل نمونہ ہے، جو آج کی دنیا کے لیے مشعلِ راہ ہے۔ انہوں نے کہا کہ فاطمی کردار اس بات کی یاد دہانی ہے کہ معاشرے میں عورت کی حقیقی عظمت الٰہی تربیت، اخلاقِ فاطمی اور کردارِ پاکیزہ میں پوشیدہ ہے۔ آغا سید علی رضوی نے کہا کہ اس مبارک دن کا تقاضا ہے کہ ہم سیدہ کائناتؑ کے اسوۂ حسنہ سے رہنمائی حاصل کرتے ہوئے دینِ حقیقی کی خدمت، عدل کے قیام اور مظلومین کی حمایت کے مشن کو آگے بڑھائیں۔ انہوں نے پوری ملتِ اسلامیہ کے اتحاد، امن اور ترقی کے لیے خصوصی دعا بھی کی۔ آخر میں صوبائی صدر ایم ڈبلیو ایم نے پوری امتِ مسلمہ کے لیے خیر و برکت کی دعا کرتے ہوئے کہا کہ اللہ تعالیٰ ہمیں سیدہ فاطمہؑ کے نقشِ قدم پر چلنے کی توفیق عطا فرمائے۔
.
ذریعہ
ذریعہ: Islam Times
کلیدی لفظ: سید علی رضوی نے کہا کہ
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار