حضرت بی بی فاطمہؑ کی مکمل زندگی نمونہ عمل ہے، ڈاکٹر سید محمد نجفی
اشاعت کی تاریخ: 12th, December 2025 GMT
جامع مسجد علیؑ حوزہ علمیہ جامعہ المنتظر لاہور میں خطبہ جمعہ دیتے ہوئے ممتاز عالم دین کا کہنا تھا کہ خاتون جنت کا یوم ولادت عید کا دن ہے، حضرت خدیجة الکبری ٰ کی وفات کے بعد حضرت فاطمہ بنت اسد نے دختر رسول کا خیال رکھا، شیعہ وہ ہے جس کے مکمل اعضاء و جوارح پر اہل بیت اطہارؑ کی مرضی چلے۔ اسلام ٹائمز۔ وفاق المدارس الشیعہ پاکستان کے رابطہ سیکرٹری حجتہ الاسلام ڈاکٹر سید محمد نجفی نے جامع مسجد علی حوزہ علمیہ جامعہ المنتظر میں خطبہ جمعہ دیتے ہوئے کہا ہے کہ خاتون جنت سلام اللہ علیہا کا یوم ولادت عید کا دن ہے، کہ اس دن اللہ تعالیٰ نے پیغمبر اکرم صلی اللہ علیہ وآلہ وسلم کو فاطمہ الزہرا ؑکی شکل میں بیٹی عطا فرمائیں۔ انہوں نے کہا کہ حضرت خدیجة الکبری ٰ سلام اللہ علیہا کی وفات کے بعد سب سے زیادہ جس خاتون نے خاتون جنت کا خیال رکھا وہ حضرت فاطمہ بنت اسد ہیں، البتہ ان کے علاوہ بھی چند خواتین کا تذکرہ ملتا ہے۔ روایات کے مطابق جناب فاطمة الزہرا سلام اللہ علیہا کی عمر 18 برس کے لگ بھگ ہے، اپنے اس عرصہ حیات میں پاک بی بی نے ایک مکمل زندگی گزاری، جو نمونہ عمل قرار پائی، چاہے وہ بیٹی کی صورت میں ہو، بیوی یا ماں کی صورت میں۔
رسول خدا فرماتے ہیں اے عائشہ! جب میں نے جنت کی خوشبو سونگنی ہوتی ہے تو اپنی بیٹی زہراؑ کے ہاتھ چوم لیتا ہوں۔ انہوں نے کہا کہ سردارالانبیاء تک بات پہنچانے کیلئے بہترین توسل ذات گرامی فاطمة الزہرا سلام اللہ علیہا ہیں۔ انہوں نے کہا کہ شیعہ کے حوالے سے استاد العلماء قبلہ علامہ محمد یار نجفی رحمتہ اللہ علیہ فرماتے ہیں کہ وہ شخص کہ جس کے مکمل اعضاء و جوارح پر اہلبیت اطہارؑ کی مرضی چلے تو وہ شیعہ ہے، اگر محمد و آل محمد کی مرضی کے مطابق زندگی گزاریں گے تو شیعہ اہلبیت کہلائیں گے۔ ڈاکٹر سید محمد نجفی نے کہا کہ بی بی زہراؑ فرماتی ہیں کہ ہماری محبت کی سانچے میں زندگی گزاریں گے تو پھر آپ ہمارے ہیں۔ ان کا کہنا تھا کہ آیت مباہلہ، آیت تطہیر وہ آیات ہیں جنہیں خاص طور پر کہا جا سکتا ہے کہ یہ شان بی بی زہرا ؑکے حق میں نازل ہوئی ہیں۔
ذریعہ: Islam Times
کلیدی لفظ: سلام اللہ علیہا نے کہا کہ
پڑھیں:
قرآن و سنت میں نوزائدہ کو 2 سال تک دودھ پلانے کی ہدایت ہے، سردار محمد یوسف
وفاقی وزیر مذہبی امور سردار محمد یوسف نے کہا ہے کہ قرآن و سنت میں نوزائدہ بچوں کو 2 سال تک ماں کا دودھ پلانے کی واضح ہدایت موجود ہے۔
وزارت مذہبی امور اور یونیسف کے اشتراک سے ماں کے دودھ کے فروغ اور تحفظ کے لیے منعقدہ مذہبی رہنماؤں کی مشاورتی اجلاس میں گفتگو کرتے ہوئے سردار محمد یوسف نے کہا کہ قرآن و حدیث میں ماں کے دودھ کی اہمیت اور اس کے حقوق بیان کیے گئے ہیں۔ ماں کا دودھ بچے کی پہلی اور بہترین غذا ہے اور نوزائدہ کا بنیادی حق ہے۔
یہ بھی پڑھیں: بچوں کی صحت اور ماؤں کو بااختیار بنانے کے لیے قومی سطح پر عزم کا اظہار
ان کا کہنا تھا کہ ماں کا دودھ بچے کو بیماریوں سے محفوظ رکھتا ہے اور احادیث میں دودھ پلانے والی ماؤں کے لیے اجر کی خوش خبری بھی ملتی ہے۔
ماں کا دودھ بچے کو بیماریوں سے تحفظ فراہم کرتا ہے, سردار محمد یوسف#BreastfeedingBenefits #ChildHealth #SardarMuhammadYousaf #InfantNutrition #BabyProtection #HealthyStart #MothersMilk #DiseasePrevention #EarlyChildhoodHealth #PakistanHealth #ChildcareAwareness pic.twitter.com/H4L9ndiTvM
— APP (@appcsocialmedia) December 11, 2025
سردار محمد یوسف نے کہا کہ دنیا کے بڑے مذاہب بھی ماں کے دودھ کو مقدس اور فطری عمل قرار دیتے ہیں جو بین المذاہب ہم آہنگی کو مضبوط کرتا ہے، ملک کو بچوں کی غذائی قلت، بیماریوں اور نوزائیدہ اموات جیسے مسائل کا سامنا ہے اور ماں کا دودھ ان مسائل کا قدرتی حل ہے۔ لیکن معاشرتی غلط فہمیاں اور مصنوعی غذاؤں کی بے جا تشہیر دودھ پلانے کے عمل کو متاثر کر رہی ہیں۔
انہوں نے کہا کہ ایسے حالات میں علما کرام اور مذہبی رہنماؤں کا کردار بنیادی حیثیت رکھتا ہے۔ ان کا ایک بیان لاکھوں گھرانوں کے رویے بدل سکتا ہے۔
انہوں نے علما کی جانب سے مشترکہ اعلامیہ پر دستخط کو اہم پیشرفت قرار دیا اور کہا کہ وزارت مذہبی امور مکمل تعاون کرے گی۔ مساجد، مدارس اور مذہبی اداروں کے ذریعے قومی آگاہی مہم شروع کی جائے گی تاکہ درست معلومات ہر گھر تک پہنچ سکیں۔
یہ بھی پڑھیں: ’ماں کا دودھ ہی بچے کی اصل طاقت‘: کراچی میں پہلا ہیومن مِلک بینک قائم کر دیا گیا
تقریب میں حافظ طاہر اشرفی، علامہ ڈاکٹر راغب حسین نعیمی، پیر سید چراغ الدین شاہ، علامہ عارف حسین واحدی، سجاد حسین نقوی، پیر ممتاز ضیا نظامی، ڈاکٹر علی طارق، علامہ امین شہیدی، مولانا ہارون الرشید، سمیع اللہ آغا، مولانا تنویر علوی اور دیگر طبی و غذائی ماہرین نے موضوع پر قرآن و سنت اور سائنسی بنیادوں پر گفتگو کی۔
تقریب میں محمد بخش سانگی، جوائنٹ سیکرٹری، ملک وارث اعوان، ڈائریکٹر ایجوکیشن، ڈاکٹر شاہد الرحمن، ڈپٹی ڈائریکٹر قرآن، جبکہ یونیسف پاکستان سے ڈاکٹر شرمیلا رسول، ارٹینا جی میناس، فہمیدہ خان، ایلنار، ڈاکٹر صبا شجاع، سلمان اور عظمی بتول بھی شریک تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان دودھ سردار محمد یوسف قرآن و حدیث ماں نوزائیدہ وزارت مذہبی امور
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر