گلگت بلتستان میں عام انتخابات کب ہوں گے؟ الیکشن کمیشن نے تاریخ کا اعلان کر دیا
اشاعت کی تاریخ: 12th, December 2025 GMT
گلگت بلتستان (جی بی) میں عام انتخابات 24 جنوری 2026 کو منعقد ہوں گے، جو گزشتہ ماہ اسمبلی کی 5 سالہ آئینی مدت پوری ہونے کے بعد کرائے جا رہے ہیں۔
آج جی بی کونسل کی جانب سے انتخابی شیڈول سے متعلق باضابطہ نوٹیفکیشن جاری کیا گیا۔ نوٹیفکیشن میں کہا گیا ہے کہ اسلامی جمہوریہ پاکستان کے صدر نے گلگت بلتستان آرڈر 2018 کی شق 48-A(1) اور الیکشن ایکٹ 2017 کی سیکشن 57(1) کے تحت ہفتہ، 24 جنوری 2026 کو گلگت بلتستان قانون ساز اسمبلی کے انتخابات کا دن مقرر کیا ہے۔
یہ بھی پڑھیے: گلگت بلتستان اور آزاد کشمیر کو این ایف سی میں حصہ ملنا چاہیے، نواز شریف
اسمبلی کی مدت پوری ہونے کے بعد ریٹائرڈ جج یار محمد کو نگراں وزیر اعلیٰ مقرر کیا گیا ہے۔
جی بی آرڈر 2018 کے مطابق نئے انتخابات 60 روز کے اندر کرانا لازمی ہیں۔
گلگت بلتستان اسمبلی کی کل نشستیں 33 ہیں، جن میں 24 عام، 3 خواتین اور 3 ٹیکنوکریٹ کی نشستیں شامل ہیں۔
گلگت بلتستان میں پچھلے انتخابات 15 نومبر 2020 کو ہوئے تھے، جن میں تحریکِ انصاف نے حکومت قائم کی اور خالد خورشید وزیر اعلیٰ منتخب ہوئے۔
یہ بھی پڑھیے: گلگت بلتستان میں آئندہ حکومت کون سی جماعت بنائے گی؟
تاہم جولائی 2023 میں جی بی چیف کورٹ نے خالد خُرشید کو نااہل قرار دے دیا۔ اس کے بعد پی ٹی آئی کے ناراض گروپ، پیپلز پارٹی اور مسلم لیگ ن کی اتحادی حکومت نے حاجی گلبر خان کو نیا وزیر اعلیٰ منتخب کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسمبلی انتخابات گلگت بلتستان.
ذریعہ
ذریعہ: WE News
کلیدی لفظ: اسمبلی انتخابات گلگت بلتستان گلگت بلتستان
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع