نیوزی لینڈ نے 17 سال بعد ہوم گراؤنڈ پر انگلینڈ کو ون ڈے سیریز میں شکست دی
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
نیوزی لینڈ نے انگلینڈ کے خلاف 12 سال بعد مجموعی طور پر جب کہ 17 سال بعد اپنے ہوم گراؤنڈ پر ون ڈے سیریز جیت کر کرکٹ مداحوں کو خوش کردیا۔
ہیملٹن میں کھیلے گئے دوسرے ون ڈے میچ میں میزبان ٹیم نے انگلینڈ کو 5 وکٹوں سے شکست دے کر 3 میچز کی سیریز میں 0-2 کی فیصلہ کن برتری حاصل کرلی۔
میچ کا آغاز انگلینڈ کے لیے مایوس کن رہا۔ نیوزی لینڈ کے کپتان مچل سینٹنر نے ٹاس جیت کر فیلڈنگ کا فیصلہ کیا تو انگلینڈ کی بیٹنگ لائن محض 36 اوورز میں 175 رنز پر ڈھیر ہوگئی۔
جیمی اوورٹن نے 42 رنز کی مزاحمتی اننگز کھیلی جبکہ کپتان ہیری بروک 34 رنز بنا سکے۔ تجربہ کار بلے باز جو روٹ 25، جیکب بیتھل 18، سیم کرن 17 اور جیمی اسمتھ 13 رنز بنا کر پویلین لوٹ گئے جب کہ دیگر کھلاڑی دہرا ہندسہ بھی نہ چھو سکے۔
نیوزی لینڈ کے بولرز نے کھیل میں انگلینڈ کی بیٹنگ تباہ کر دی۔ بلیئر ٹکنر نے 4 وکٹیں حاصل کر کے شاندار کارکردگی دکھائی جب کہ نیتھن اسمتھ نے 2 اور جیکب ڈفی، ذاکری فوکس، مچل سینٹنر اور مائیکل بریسویل نے ایک ایک وکٹ حاصل کی۔
ہدف کے تعاقب میں نیوزی لینڈ کو ابتدا میں نقصان ضرور ہوا جب اوپنر ول ینگ بغیر کوئی رن بنائے آؤٹ ہوئے، مگر اس کے بعد رچن رویندرا (54) اور ڈیرل مچل (56 ناٹ آؤٹ) نے ٹیم کو جیت کی راہ پر ڈال دیا۔
کپتان مچل سینٹنر نے بھی برق رفتار 34 رنز بنا کر فتح پر مہر ثبت کی۔ نیوزی لینڈ نے ہدف 33.
یہ فتح نیوزی لینڈ کے لیے تاریخی اہمیت کی حامل ہے۔ انہوں نے آخری بار انگلینڈ کے خلاف ون ڈے سیریز 2013 میں جیتی تھی جب کہ ہوم گراؤنڈ پر 2008 کے بعد انگلینڈ کے خلاف پہلی کامیابی حاصل کی ہے۔
ذریعہ
ذریعہ: Jasarat News
کلیدی لفظ: نیوزی لینڈ انگلینڈ کے لینڈ کے
پڑھیں:
دوسرا ون ڈے: پاکستان کا آسٹریلیا کیخلاف ٹاس جیت کر فیلڈنگ کا فیصلہ
پاکستان نے تین ایک روزہ میچوں کی سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کیا ہے۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی ہے۔قومی ٹیم کے کپتان شاہین آفریدی کا کہنا تھا آسٹریلیا کے خلاف پہلا ون ڈے جیتنے والی ٹیم کو ہی برقرار رکھا گیا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ