پی ایس ایل میں توسیع، سی ای او نے 2 نئی ٹیموں کیلئے آکشن کرانے کا اعلان کردیا
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی میں پریس کانفرنس کرتے ہوئے پاکستان سپر لیگ (پی ایس ایل) کے چیف ایگزیکٹو آفیسر سلمان نصیر نے اعلان کیا کہ لیگ میں دو نئی فرنچائزز کے لیے جلد ہی آکشن کا انعقاد کیا جائے گا۔ یہ فیصلہ پی ایس ایل کے دسویں ایڈیشن کے بعد لیگ کی نئی ویلیو ایشن کے تناظر میں کیا گیا ہے۔
سلمان نصیر نے بتایا کہ جب پی ایس ایل کا آغاز ہوا تو لوگوں کی دلچسپی محدود تھی، لیکن اس کے باوجود پانچ پارٹیوں نے اعتماد کا اظہار کرتے ہوئے ٹیمیں خریدیں۔ ان کا کہنا تھا کہ ’’ابتدا میں لیگ کو بدنام کرنے کی بھی کوششیں کی گئیں، مگر پی ایس ایل ہر سال کامیابی سے آگے بڑھتا رہا۔‘‘
انہوں نے مزید کہا کہ اب لیگ کے تمام پرانے معاہدے ختم ہو چکے ہیں، اور دسویں سیزن کے بعد طے کیا گیا تھا کہ نئی بنیادوں پر ویلیو ایشن کی جائے گی۔ اسی ضمن میں دو نئی ٹیموں کی نیلامی کا عمل شروع کیا جا رہا ہے۔
سلمان نصیر کے مطابق بِڈ کرنے والی پارٹیز کو مختلف شہروں کے ناموں کا پول دیا جائے گا، جن میں سے وہ اپنی پسند کی ٹیم منتخب کر سکیں گی۔ اس طرح پی ایس ایل کا دائرہ مزید وسیع ہونے جا رہا ہے۔
انہوں نے یہ بھی بتایا کہ اگلے دو سال کے لیے ایچ بی ایل پی ایس ایل کا اسپانسر برقرار رہے گا، اور نیا معاہدہ پچھلے کے مقابلے میں 505 فیصد زیادہ ویلیو پر طے پایا ہے۔ ان کا کہنا تھا کہ یہ معاہدہ آزاد ویلیو ایشن کے تحت ہوا ہے، جو لیگ کی بڑھتی ہوئی مقبولیت اور تجارتی اعتبار سے اس کی طاقت کا واضح ثبوت ہے۔
پاکستانی کرکٹ کے شائقین کے لیے یہ خبر ایک نئی توانائی اور جوش و خروش کا باعث بن گئی ہے، کیونکہ دو نئی ٹیموں کی شمولیت سے نہ صرف مقابلے مزید سخت ہوں گے بلکہ نئے شہر اور نئے ٹیلنٹس بھی لیگ کا حصہ بنیں گے۔
.
ذریعہ
ذریعہ: Jasarat News
کلیدی لفظ: پی ایس ایل
پڑھیں:
ایڈیشنل ایڈووکیٹ جنرل خیبر پختونخوا اپنے عہدے سے مستعفی
محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ اسلام ٹائمز۔ ایڈیشنل ایڈووکیٹ جنرل خیبرپختونخوا محمد انعام یوسفزئی نے استعفا دے دیا۔ محمد انعام یوسفزئی کا کہنا تھا کہ بطور ایڈیشنل ایڈووکیٹ جنرل ذمہ داری ادا کرنا میرے لیے اعزاز کی بات ہے، تاہم مزید اس پوسٹ پر کام جاری نہیں رکھ سکتا۔ مستعفی ہونے والے ایڈیشنل ایڈووکیٹ جنرل کا کہنا تھا کہ وزیر قانون اور سیکرٹری قانون کا شکریہ ادا کرتا ہوں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار