ایم پی اے اسما عباسی پارلیمانی سیکرٹری برائےمحکمہ صحت و آبادی تعینات۔نوٹیفکیشن جاری
اشاعت کی تاریخ: 30th, October 2025 GMT
لاہور (نامہ نگار)حکومتِ پنجاب نے مختلف محکموں کے لیے پانچ نئے پارلیمانی سیکرٹریز کی تقرری کا نوٹیفکیشن جاری کر دیا ہے۔ یہ نوٹیفکیشن محکمہ قانون و پارلیمانی امور پنجاب کی جانب سے جاری کیا گیا۔
نوٹیفکیشن کے مطابق وزیرِ اعلیٰ پنجاب نے درج ذیل اراکینِ صوبائی اسمبلی کو بطور پارلیمانی سیکرٹری تعینات کیا ہے:
تیمور علی خان (ایم پی اے، پی پی-79، سرگودھا) — محکمہ خزانہ
عرفت اقبال (ایم پی اے، پی پی-44، سیالکوٹ) — محکمہ سیاحت
نوید اشرف (ایم پی اے، پی پی-50، سیالکوٹ) — خواندگی و غیر رسمی بنیادی تعلیم
جعفر علی ہوچا (ایم پی اے، پی پی-102، فیصل آباد) — سماجی بہبود و بیت المال
عاصمہ ناز (ایم پی اے، ڈبلیو-326) — محکمہ صحت و آبادی
نوٹیفکیشن کے مطابق یہ تعیناتیاں فوری طور پر مؤثر العمل ہوں گی۔
دستاویز پر سیکرٹری قانون و پارلیمانی امور محمد آصف بلال لودھی کے دستخط موجود ہیں۔
ذریعہ
ذریعہ: Daily Mumtaz
کلیدی لفظ: ایم پی اے
پڑھیں:
پنجاب میں پہلی بار سیلاب کی پیشگی اطلاع کیلئے ڈرون مانیٹرنگ شروع
حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔ اسلام ٹائمز۔ وزیراعلیٰ پنجاب مریم نواز شریف کی ہدایت پر صوبے میں پہلی مرتبہ سیلاب کی پیشگی اطلاع اور نگرانی کے لیے ڈرون مانیٹرنگ کا آغاز کر دیا گیا۔ حکام کے مطابق تمام بیراجوں، دریاؤں اور ہیڈ ورکس کی سیف سٹی ڈرون سرویلنس کے ذریعے نگرانی کی جا رہی ہے تاکہ پانی کی سطح اور ممکنہ سیلابی ریلوں کی بروقت نشاندہی کی جا سکے۔
ڈرون مانیٹرنگ کے دوران جھنگ کے تریموں بیراج میں پانی کی سطح معمول کے مطابق ریکارڈ کی گئی جبکہ پاکپتن میں دریائے راوی اور ستلج میں سیلابی صورتحال، پانی کی آمد اور دریائی کناروں پر کٹاؤ کا جائزہ لیا گیا، جہاں پانی کا بہاؤ معمول کے مطابق رہا۔
سرگودھا میں دریائے چناب پر واقع طالب والا پل، خانیوال میں ہیڈ سدھنائی بیراج اور ہیڈ ورکس، جبکہ منڈی بہاؤالدین میں رسول بیراج پر بھی ڈرون سرویلنس کے ذریعے پانی کے بہاؤ کی نگرانی کی گئی۔ حکام کے مطابق ساہیوال کے علاقے کتب شہانہ کے قریب نچلے درجے کا سیلاب ریکارڈ کیا گیا، جبکہ سیالکوٹ کے ہیڈ مرالہ پر پانی کا بہاؤ ایک لاکھ 74 ہزار کیوسک ریکارڈ ہوا۔
پاکستان نے ورلڈ کپ 2028 کیلیے براہ راست کوالیفائی کر لیا