پاکستان بار کونسل انتخابات، عاصمہ جہانگیر گروپ کو پنجاب میں سبقت حاصل
اشاعت کی تاریخ: 13th, December 2025 GMT
پاکستان بار کونسل کے انتخابات میں عاصمہ جہانگیر گروپ نے پنجاب کی 11 میں سے 8 نشستیں جیت کر سبقت حاصل کر لی ہے، جبکہ حامد خان گروپ کے امیدوار 2 نشستوں پر کامیاب ہوئے ہیں۔
یہ بھی پڑھیں: پاکستان بار کونسل اور سپریم کورٹ بار کی مشترکہ اعلامیہ، قانون کی بالادستی اور آئینی عدالت کے قیام کی حمایت
غیر حتمی غیر سرکاری نتائج کے مطابق حامد خان گروپ کے سلمان اکرم راجہ اور شفقت چوہان پاکستان بار کونسل کے ممبر منتخب ہو گئے ہیں۔ اسی طرح اعظم نذیر تارڑ، احسن بھون، پیر مسعود چشتی، عامر سعید راں، طاہر نصیر اللہ وڑائچ، حفیظ الرحمان چوہدری، ثاقب اکرم گوندل اور عاصمہ جہانگیر گروپ کے سید قلب حسن بھی پاکستان بار کونسل کے ممبر منتخب ہوئے ہیں۔
کامیاب امیدواروں کے حتمی نتائج کا اعلان 22 دسمبر کو کیا جائے گا۔
اسلام آباد کی نشست پر رضوان عباسی کامیاباسلام آباد میں ہونے والے پاکستان بار کونسل کے انتخابات میں مجموعی طور پر 5 ووٹ کاسٹ کیے گئے۔ غیر حتمی نتائج کے مطابق راجہ رضوان عباسی 3 ووٹ لے کر کامیاب ہوئے، جبکہ سید قمر حسین شاہ سبزواری ایڈووکیٹ 2 ووٹ حاصل کر سکے۔
یہ بھی پڑھیں: پاکستان بار کونسل کے انتخابات، 23 نشستوں کے لیے پولنگ جاری
اسلام آباد بار کونسل کے 5 ممبران نے اپنا حق رائے دہی استعمال کیا، جن میں عبدالرحمن باجوہ، راجہ علیم عباسی، حفیظ اللہ یعقوب، محمد ظفر کھوکھر اور آصف عرفان شامل تھے۔
اسلام آباد سے پاکستان بار کونسل کی رکنیت کے لیے 2 امیدوار مدمقابل تھے، جن میں راجہ رضوان عباسی اور سید قمر حسین شاہ سبزواری ایڈووکیٹ کے درمیان مقابلہ ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اعظم نذیر تارڑ انتخابات بار کونسل پاکستان پنجاب حامد خان سلمان اکرم راجا عاصمہ جہانگیر گروپ.
ذریعہ
ذریعہ: WE News
کلیدی لفظ: اعظم نذیر تارڑ انتخابات بار کونسل پاکستان سلمان اکرم راجا عاصمہ جہانگیر گروپ پاکستان بار کونسل کے عاصمہ جہانگیر گروپ
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا