27ویں آئینی ترمیم، بل میں شامل شقوں پر تقریباً تمام کام مکمل ہوگیا; وزیرقانون
اشاعت کی تاریخ: 9th, November 2025 GMT
ویب ڈیسک : وزیرقانون اعظم نذیر تارڑ نے کہا ہے کہ 27ویں آئینی ترمیم سے متعلق بل میں شامل شقوں پر تقریباً تمام کام مکمل ہوگیا ہے۔
27ویں ترمیم کی شقوں پر کام مکمل ہونے کے حوالے سے وزیرقانون اعظم نذیر نے بتایا کہ کچھ تجاویز جو بعد میں آئیں ان پر بات چیت جاری ہے، خیبر پختونخوا کے نام کی تبدیلی سے متعلق کچھ بات ہوئی ہے۔ انہوں نے کہا کہ اے این پی اور بی اے پی کی تجاویز پر اپنی اپنی قیادت سے بات ہوگی، وقفہ اس لیے ہی کیا گیا کہ سیاسی جماعتیں اپنی قیادت سے بات کرلیں، ایم کیو ایم اور بی اے پی کی تجاویز پر اب غور کیا جارہا ہے۔
بجلی کے بلوں کی ادائیگی؛ صارفین کو بڑا ریلیف مل گیا
قانون و انصاف کی پارلیمانی کمیٹی کا اجلاس ختم ہونے کے بعد وزیرقانون اعظم نذیر نے گفتگو کرتے ہوئے کہا کہ رپورٹ تیار ہوجاتی ہے تو یہ ہاؤس کا اختیار ہے کہ کب ووٹنگ کرتے ہیں۔انہوں نے کہا کہ کمیٹی کی رپورٹ کل ہاؤس میں فائل کردیں گے، ایم کیو ایم کی تجاویز سے متعلق بھی کل بریک تھرو ہوجائےگا۔
دریں اثنا قانون و انصاف کی پارلیمانی کمیٹی کا اجلاس ختم ہوگیا، جس میں 27ویں آئینی ترمیم کے مسودے کی حتمی منظوری دے دی گئی، حکومتی اتحادی جماعتوں کی تجاویز پر کمیٹی فیصلہ نہ کر سکی۔
ماس ٹرانزٹ سسٹم کا ٹی کیش کارڈ مہنگا ہوگیا
.
ذریعہ
ذریعہ: City 42
کلیدی لفظ: کی تجاویز
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی