معمار شاپنگ مال پرچھاپے کیخلاف دکاندار سراپااحتجاج بن گئے
اشاعت کی تاریخ: 10th, November 2025 GMT
data-id="863a0a8" data-element_type="widget" data-widget_type="theme-post-content.default">
251111-02-8
کراچی( اسٹاف رپورٹر ) فیروز آباد تھانے کی حدود میں واقع طارق روڈ ایک بار پھر کشیدگی کی لپیٹ میں آگیا، جہاں کسٹمز حکام نے اسمگل شدہ کپڑوں اور غیر قانونی اشیاء کی اطلاع پرمعمار شاپنگ مال میں چھاپہ مارا تو دکانداروں نے سخت مزاحمت کی۔ اس دوران ہوائی فائرنگ سے علاقے میں خوف و ہراس پھیل گیا، واقعے کے بعد دکانداروں نے طارق روڈ سگنل پر احتجاج شروع کردیا۔ دکانداروں نے شدید احتجاج کرتے ہوئے منی ٹرک کو آگ لگا دی، جس کے نتیجے میں علاقے میں افرا تفری پھیل گئی۔عینی شاہدین کے مطابق مشتعل دکانداروں نے کسٹمز کے خلاف نعرے بازی کی اور ایک منی ٹرک کو آگ لگا دی۔ صورت حال قابو سے باہر ہونے پر پولیس نے موقع پر پہنچ کر مظاہرین کو منتشر کرنے کے لیے لاٹھی چارج اور ہوائی فائرنگ کی، جس کے باعث شہریوں میں خوف و ہراس پھیل گیا۔پولیس کے مطابق کم از کم دو مظاہرین کو حراست میں لیا گیا ہے جبکہ علاقے میں مزید نفری تعینات کر دی گئی ہے تاکہ حالات قابو میں رہیں۔اطلاع ملتے ہی رینجرز ابھی موقع پر پہنچ گئی اور علاقے کو گھیرے میں لے لیا، رینجرز نے احتجاج کرنے والے مظاہرین کو منتشر کردیا، جبکہ کسٹم حکام کی جانب سے کارروائی اسمگل شدہ سامان کے خلاف جاری ہے۔
ذریعہ
ذریعہ: Jasarat News
کلیدی لفظ: دکانداروں نے
پڑھیں:
مستونگ میں فتنہ الہندوستان کے 6 دہشتگرد مارے گئے، مرد و خواتین خودکش بمبار گرفتار
سیکیورٹی فورسز کی بلوچستان میں انٹیلیجنس بیسڈ مؤثر کارروائیاں جاری ہیں، مستونگ کے علاقہ کھڈ کوچہ میں فتنہ الہندوستان کے 6 دہشتگرد مارے گئے۔
سیکیورٹی فورسز کی کارروائی کے دوران متعدد دہشتگرد گرفتار کیے گئے، گرفتار دہشتگردوں میں سہولتکار سمیت مرد اور خواتین خودکش بمبار بھی شامل ہیں، کارروائی میں دہشتگردوں کےمتعدد ٹھکانے تباہ کر دیے گئے۔
علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے، دہشتگردوں کے ٹھکانوں سے بھاری مقدار میں اسلحہ، گولہ بارود برآمد کرلیا گیا ہے۔
سیکیورٹی ذرائع کا کہنا ہے کہ مستونگ کے علاقہ کھڈ کوچہ میں سیکیورٹی فورسز کی جانب سے انٹیلیجنس بیسڈ آپریشنز تیز کر دیے گئے، دہشت گردی کے خاتمے اور علاقے میں امن و امان کے قیام تک سیکیورٹی فورسز کی کارروائیاں جاری رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار