پیپلزپرائمری اسکول سکھر میں 2 روزہ مقابلہ جات اختتام پذیر
اشاعت کی تاریخ: 20th, November 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت) پیپلز پرائمری اسکول سکھر میں دو روزہ مقابلہ جات اختتام پذیر، پیپلز پرائمری اسکول سکھر میں دو روزہ ڈیکلیمیشن، مباحثہ اور ڈرائنگ مقابلہ منعقد ہوا، جس میں ایف سی ایف (SEF) کے ماتحت چلنے والے تعلقہ سکھر، روہڑی، پنوعاقل، صالح پٹ اور نیو سکھر کے اسکولوں کے سیکڑوں طلبہ و طالبات نے بھرپور شرکت کی۔ تقریب کا بنیادی مقصد طلبہ کو فنونِ لطیفہ کی سرگرمیوں کی جانب راغب کرنا، ان کی تخلیقی صلاحیتوں کو اْجاگر کرنا، اعتماد اور اظہارِ خیال میں اضافہ کرنا، اور بدعنوانی کے خلاف شعور اجاگر کرنا تھا۔ اس سال مقابلے کا مرکزی موضوع “Say No to Corruption” (بدعنوانی سے انکار کریں) رکھا گیا، جس کے تحت طلبہ نے ڈرائنگ اور تقریری مقابلوں میں اپنی ذہانت، تخلیقی قوت اور سماجی آگہی کا شاندار مظاہرہ کیا۔مباحثے اور تقاریر کے دوران طلبہ نے بدعنوانی جیسے معاشرتی ناسور کے خلاف آواز بلند کی اور ایمانداری، شفافیت اور ذمے دارانہ طرزِ عمل کے فروغ پر زور دیا۔ اسی طرح ڈرائنگ مقابلے میں بچوں نے مختلف زاویوں سے کرپشن کے منفی اثرات کو اجاگر کرتے ہوئے متاثر کن فن پارے پیش کیے، جنہیں اساتذہ اور مہمانوں نے بے حد سراہا۔ تقریب میں معزز مہمانوں میں سکھر کے ریجنل ہیڈ SEF مقبول احمد لغاری، ضلعی آفیسر ایاز حسین انصاری، پروفیسر غلام حسین منگنھار اور پروفیسر عطا اللہ سمیجو نے خصوصی شرکت کی۔
ذریعہ
ذریعہ: Jasarat News
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ