سینیٹر مشاہد حسین ایشیا۔یورپ پولیٹیکل فورم کے چیئرمین منتخب
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
251201-08-9
بڈاپسٹ (آن لائن) سینیٹر مشاہد حسین سید کو ایشیا یورپ پولیٹیکل فورم (اے ای پی ایف) کے چیئرمین کے طور پر متفقہ طور پر منتخب کرلیا گیا۔ یہ انتخاب اس 2 براعظمی تنظیم کے سالانہ اجلاس میں عمل میں آیا جو ہنگری کے دارالحکومت بوداپیسٹ میں منعقد ہوا، اس کانفرنس میں 25 ممالک سے تعلق رکھنے والے 35 ارکانِ پارلیمان، سیاسی شخصیات اور تھنک ٹینک کے نمائندگان نے شرکت کی جن میں 15 ایشیا سے اور 10 یورپ سے تھے۔ اپنے عہدے کی قبولیت کی تقریر میں سینیٹر مشاہد حسین، جو انٹرنیشنل کانفرنس آف ایشین پولیٹیکل پارٹیز (ICAPP) کے بھی شریک چیئرمین ہیں، نے شرکاء کا شکریہ ادا کیا۔ ہنگری کے سابق نائب وزیر خارجہ ژولٹ نیمیتھ کو یورپ کی نمائندگی کرتے ہوئے ایشیا۔یورپ پولیٹیکل فورم (اے ای پی ایف) کا شریک چیئرمین منتخب کیا گیا۔
ذریعہ: Jasarat News
پڑھیں:
ہادی بخش کلہوڑو اور صفدر حسین رضوی کے اعزاز میں تقریب
data-id="863a0a8" data-element_type="widget" data-widget_type="theme-post-content.default">
سندھ ایمپلائزسوشل سیکورٹی انسٹی ٹیوشن کے کمشنر صفدر حسین رضوی کے اعزاز میں ایک پروقار الوداعی تقریب سیسی ہیڈآفس میں منعقد کی گئی۔ جس میں کمشنر سیسی صفدرحسین رضوی کو سیسی کے افسران کی جانب سے باوقار انداز میں الوداع کیا گیا۔ واضح رہے کہ صفدرحسین رضوی کا حال ہی میں سیکرٹری ٹو گورنر سندھ تبادلہ ہوا ہے۔ تقریب میں نئے آنے والے کمشنر سیسی ہادی بخش کلہوڑو، وائس کمشنر سکندر بلوچ، میڈیکل ایڈوائزر سعادت میمن ڈائریکٹر کنٹری بیوشن اینڈ بینیفٹ غلام دستگیر، ڈائریکٹر میڈیکل ایڈمنسٹریشن دانش علی کاظمی، ڈائریکٹر ایڈمنسٹریشن وکیل الدین کمال شاہ، ڈائریکٹر پبلک ریلیشنز وسیم جمال اور دیگر ڈائریکٹرز و افسران نے بھی شرکت کی۔ صفدرحسین رضوی کی الوداعی تقریب میں شریک افسران اور عملہ نے ان کی خدمات کو سراہا اور قیادت کی تعریف کی۔ شرکاء نے اپنے خیالات کا اظہار کرتے ہوئے کہا کہ صفدرحسین رضوی نے اپنے دور میں ادارے کی کاکردگی بہتر بنانے اور محنت کشوں کو سیسی کی سہولیات کی فراہمی کو آسان بنانے میں اہم کردار ادا کیا۔ بطور کمشنر سیسی صفدر حسین رضوی نے دورانِ قیادت اپنی ذمہ داریاں خوش اسلوبی سے انجام دیں، جس سے سیسی کی کارکردگی میں واضح بہتری آئی۔ اس موقع پر صفدرحسین رضوی نے کہا کہ سیسی محنت کشوں کی فلاح و بہبود کا ادارہ ہے اور اس کا براہ راست تعلق محنت کش طبقے سے ہے۔ آپ لوگوں کو عوام کی خدمت کا براہ راست موقع ملتا ہے۔
افسران نے نئے تعینات ہونے والے کمشنر ہادی بخش کلہوڑو کو خوش آمدید کہتے ہوئے کہا کہ ہم پرامید ہیں کہ آپ کی قیادت، وژن اور تجربہ ہمارے ادارے کے لیے نئی راہیں کھولے گا۔ آپ کے آنے سے نظم و ضبط، پیشہ ورانہ مہارت اور کام کی شفافیت میں مزید اضافہ ہوگا۔ ادارے کی ترقی، بہتری اور محنت کشوں کی خدمت مزید بہتر ہوسکے گی۔ آخر میں صفدرحسین رضوی کو سیسی کی یادگاری شیلڈ پیش کی گئی۔
آغاقادرداد کھجورمارکیٹ میں زہریلی فاسفورس بھٹیوں کا انکشاف