بدین، پولیس کانسٹیبل کیلیے منتخب امیدواروں میں جوائننگ آرڈرز تقسیم
اشاعت کی تاریخ: 29th, November 2025 GMT
data-id="863a0a8" data-element_type="widget" data-widget_type="theme-post-content.default">
بدین(نمائندہ جسارت )ایس ٹی ایس کے ذریعے سندھ پولیس میں کانسٹیبل کے عہدے کے لیے منتخب ہونے والے ضلع بدین کے 117 امیدواروں کو باقاعدہ جوائننگ آرڈرز جاری کردیے گئے۔شہید محترمہ بینظیر بھٹو کانفرنس ہال، ایس ایس پی آفس بدین میں ایس ایس پی بدین قمر رضا جسکانی کی زیرِ صدارت ایک پْروقار تقریب منعقد ہوئی، جس میں کامیاب امیدواروں کو ان کے جوائننگ آرڈرز تقسیم کیے گئے۔ایس ٹی ایس کے تحت منعقدہ امتحانات اور انٹرویوز میں میرٹ کی بنیاد پر کامیابی حاصل کرنے والے ضلع بدین کے 101 مرد اور 16 خواتین امیدواروں کو اس تقریب میں مدعو کیا گیا تھا، جہاں انہیں سندھ پولیس میں بطور کانسٹیبل خدمات کے لیے جوائننگ آرڈرز دیے گئے۔تقریب سے خطاب کرتے ہوئے ایس ایس پی بدین قمر رضا جسکانی نے تمام کامیاب امیدواروں کو مبارکباد پیش کی اور کہاآپ سب کی یہ شاندار کامیابی نہ صرف آپ کے خاندانوں بلکہ پورے ضلع بدین کے لیے باعثِ فخر ہے۔ پولیس فورس میں شمولیت ایک باوقار مگر انتہائی ذمہ دارانہ قدم ہے۔ ہمیں یقین ہے کہ آپ دیانت داری، نظم و ضبط اور پیشہ ورانہ مہارت کے ساتھ عوامی خدمت کو اپنا اولین فرض سمجھیں گے۔ایس ایس پی بدین نے مزید کہا کہ میرٹ پر بھرتی ہونے والے نوجوان پولیس فورس میں تازہ جذبہ اور توانائی لے کر آتے ہیں، جو قانون کی حکمرانی، انصاف کی فراہمی اور پولیس کے وقار کو بلند کرنے میں اہم کردار ادا کریں گے۔تقریب میں ڈی ایس پی بدین پیر شبیر حیدر اور شیٹ کلرک محمد زمان میمن نے بھی شرکت کی، جنہوں نے نئے شامل ہونے والے کانسٹیبلز کو محکمانہ قواعد، ڈیوٹی کے آداب اور عوامی خدمت کے اصولوں سے متعلق رہنمائی فراہم کی۔آخر میں ایس ایس پی بدین قمر رضا جسکانی اور ڈی ایس پی پیر شبیر حیدر نے تمام نئے کانسٹیبلز اور لیڈی کانسٹیبلز کو اپنی ذمہ داریاں پوری ایمانداری اور لگن سے ادا کرنے کی ہدایات دیتے ہوئے ان کے روشن مستقبل کے لیے نیک خواہشات کا اظہار کیا۔
ذریعہ
ذریعہ: Jasarat News
کلیدی لفظ: ایس ایس پی بدین جوائننگ ا رڈرز امیدواروں کو کے لیے
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی