پاکستان مخالف بھارتی فلم دھرندر کا جواب، سندھ حکومت کا ’میرا لیاری‘ فلم ریلیز کرنے کا اعلان
اشاعت کی تاریخ: 13th, December 2025 GMT
سندھ حکومت نے پاکستان کے خلاف بننے والی بھارتی فلم دھرندھر کے ردِعمل میں لیاری پر مبنی فلم ’میرا لیاری‘ ریلیز کرنے کا اعلان کر دیا ہے، جس کا مقصد علاقے کی مثبت اور حقیقی تصویر دنیا کے سامنے لانا ہے۔
سندھ کے سینیئر صوبائی وزیر برائے اطلاعات، نشریات، ٹرانسپورٹ اور ماس ٹرانزٹ شرجیل انعام میمن نے کہا ہے کہ بھارتی فلم دھرندھر پاکستان کے خلاف منظم پروپیگنڈا ہے، جس میں جان بوجھ کر لیاری کو منفی انداز میں پیش کیا گیا۔
Indian movie Dhurandhar is yet another example of negative propaganda by the Indian film industry against Pakistan, especially targeting Lyari.
— Sharjeel Inam Memon (@sharjeelinam) December 13, 2025
ان کے مطابق آئندہ ماہ ریلیز ہونے والی فلم ’میرا لیاری‘ علاقے کے اصل کلچر اور تشخص کو اجاگر کرے گی۔
سوشل میڈیا پلیٹ فارم ’ایکس‘ پر اپنے بیان میں شرجیل انعام میمن نے کہاکہ دھرندھر پاکستان کو بدنام کرنے کی کوششوں کا تسلسل ہے اور اس فلم کے ذریعے لیاری کو خاص طور پر نشانہ بنایا گیا ہے۔
انہوں نے واضح کیاکہ لیاری تشدد کا نہیں بلکہ امن، ثقافت، ٹیلنٹ اور جدوجہد کی علامت ہے۔
ان کا کہنا تھا کہ فلم ’میرا لیاری‘ کے ذریعے دنیا کو اس علاقے کی اصل تصویر دکھائی جائے گی، جس میں امن، خوشحالی اور فخر کو نمایاں کیا جائے گا۔
شرجیل انعام میمن کے مطابق اس فلم کی ریلیز آئندہ ماہ متوقع ہے اور یہ لیاری کے مثبت تشخص کو عالمی سطح پر اجاگر کرنے کی کوشش ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان مخالف فلم دھرندر سندھ حکومت شرجیل میمن میرا لیاری فلم وزیر حکومت وی نیوز
ذریعہ
ذریعہ: WE News
کلیدی لفظ: پاکستان مخالف فلم سندھ حکومت شرجیل میمن میرا لیاری فلم وزیر حکومت وی نیوز میرا لیاری
پڑھیں:
شیخ رشید کا وکالت شروع کرنے کا اعلان
عوامی مسلم لیگ کے سربراہ شیخ رشید نے وکالت شروع کرنے کا اعلان کر دیا۔میڈیا سے گفتگو کرتے ہوئے شیخ رشید کا کہنا تھا کہ 50 سال بعد زندگی گزارنے کے بعد راولپنڈی بار نے میری ممبر شپ بحال کر دی. 50 سال بعد بار کا تاحیات ممبر بن گیا ہوں۔انہوں نے کہا کہ میری کوشش ہو گی کہ سچائی، قانون اور ملک کی بہتری کے لئے کام کروں. غریب آدمی کے لئے قانونی، عملی اور عملی خدمت کروں گا۔
واضح رہے شیخ رشید نے سردار رزاق چیمبر کے ذریعے ڈسٹرکٹ بار روالپنؔڈی میں اپنی رکنیت بحالی کی درخواست دائر کر دی تھی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ